Küldir – düldir ( Jaña jıldıq keşke arnalğanäzil qaljıñdar)
kerey.kz
Jwmat ÄNESWLI
«Äli bwzılmağan qazağım bar eken» dep barayın»
Ülken sarayda koncert jürip jatadı. Änşiler özbek, qırğız, täjik, ündis, orıs, ağılşın ırğağında än şırqap jatadı. Osı kezde sahna sırtında (kulisanıñ artı) bir kempir änşiler boyanatın esikterdiñ birin aşıp, birin jauıp jüredi. Onı körgen bir jigit: “Kimdi izdep jürsiz?” dep swraydı. Kempir: “Osı änşilerdiñ işinde qazaqı än aytatın adam bar ma eken dep sonı izdep jürmin” depti. Sol kezde qatardağı boyanatın esikten şıqqan bir änşi qız: “Jüriñiz, apa, men qazir qazaqı än aytamın” dep ülken kisini qoltığınan alıptı. Sol kezde kempir: “Söytşi, aynalayın.Seniñ aldıñdağılardıñ ayğayınan qwlağım bitelip qaldı. Bir qwrışımdı qandırıp, qazaqi änder aytşı. Üyge äli bwzılmağan qazaq bar eken dep barayın” degen eken.
«Jalañaş şou körsetedi»
Auıl ğoy. Bir orta jastan asqan äyel körşi üyge kirip, özimen şamalas, peştiñ janında ot jağıp jürgen äyeldiñ janına otıra ketedi.
-Qwdaği au, bizdiñ üydiñ televizorı tügili, radiosı da istemeydi. Senderdiki qwdaydıñ rahatı, küni tüni televizor qaraudan qoldarıñ timeydi- deydi.
-Oybay, aytpa, äsirese, balalar men öziñniñ qwrdasıñ sol kök jäşikten köz ayırmay otırudı ädet qıldı. Osı üyde tek men ğoy, üydiñ şaruasımen jüretin.
-Sonşa jabısatın, osı kök jäşikteriñ ne körsetedi?.
-Ne körsetedi deysiñ. Qarasañ, adam jalığadı. Tañ säriden koncert, sodan soñ şou, odan keyin koncert, sosın şou, tüsten keyin änşilerdiñ ösegin, aspanğa wşıp ketken “jwldızdardıñ” şouın körsetedi.
-Al, tünde ne körsetedi?.
-Tünde me? Sol tünge layıq jalañaş şou körsetedi. Tayauda bar ğoy, jalañaş dükenge kirip tamaq alğandardı körip talıp qaldım.
-Jalañaş kirip, tegin tamaq alğanı qalay?
-Oybay, ülken qalalardıñ birinde jalañaş kirgenderge 5 mıñ teñgege tegin tamaq beripti.
-Oy, mınauıñ jaqsı jañalıq qoy! Ondaydı bizdiñ audannıñ dükenderi jasamay ma eken?. Üyde şaldıñ pensiyası da, meniñ balalarğa alatın järdem aqım da bitip, qazanımız taqırlap qalıp edi- degen eken körşi üyden kelgen äyel.
«Meniñ hatşım swlu, äri aqıldı»
Qımbat meyramhanada eki ülken mekemeniñ eki basşısı tüski tamaq işip otır. Birinşisi ekinşisine:
-Meniñ hatşı qızımdı kördiñ be?- dep swraydı.
-Kördim.
-Qalay, swlu ma?
-Iä, ädemi eken. Al, meniñ hatşıma nazar audarsañ, ol da sonday swlu, äri aqıldı!
-Aqıldı? ! Ol qanday mağınada?
-Oy, sen qızıq ekensiñ ğoy! Meniñ üydegi äyelim tekserip künde jwmısıma keledi. Sonda da ol meniñ hatşı qızben jüretinimdi sezbeydi -depti ekinşisi.
Jwmat ÄNESWLI
«Men men onımen jata almaymın»
Bir äyeldiñ erke qızı küyeuge şığıp, toy jasaydı. Toy bitip, alğaşqı tüni qız bölmesinen “Mama!”dep ayqaylap atıp şığıp, mamasınıñ jatqan bölmesine jetip kelipti. “Ne bolıp qaldı?” deydi maması tañdanıp, sonda qızı: “Mama, onıñ denesiniñ bärin jün basıp ketken, mağan jaqındasa boldı, denemdi qışıtadı, men onımen birge jata almaymın!” depti.
«Söz aytpay küldiruge bola ma»
Jwrt “Qiqu tartar” degen komediyanı körip otır. Aldıñğı qatarda komediyanıñ rejisseri men teatr sınşısı otır. Komediya jürip jatır, biraq jwrt külmeydi. Sosın rejisser: “bwl jwrt nege külmeydi?” degendey, sınşığı qayta qayta jaltaqtap qaray beripti.Wzaqqa sozılğan külmesterden qajığan rejisser qasında otırğan sınşığa qarap: “Jwrt nege külmeydi?” dep swraptı. Oğan jauap retinde teatr sınşısı: “Qaydan külsin, komiktiñ orında tragik, tragiktiñ ornında komik oynap jürse!” depti. Sonda rejisser sınşıdan: “Onda eldi söz aytpay küldiruge bola ma?” dep swraydı. Oğan sınşı: “Boladı! Ol üşin Çaplin bolu kerek qoy!” degen eken.
«Sınşılar bar bolsa, osı otırğandardı bäri nege klassik»
Bir top aqın jazuşılar bir jerde bas qosıp qap, işindegi bireui: ” Bizdiñ ädebiet qazir “Altın ğasırğa” ötti. Öleñ deseñ öleñ, dastan deseñ dastan, roman, epopeya, trilogiya deseñ de bäri bar. Sınşılardıñ köptigi sonday, ayaq alıp jüre almaysıñ” dep şalqıptı. Sonda sol jerde otırğan bir qisıqtau ädebietşi: “Bizde sınşılar bar bolsa, osı otırğandardıñ bäri nege klassik?” degen eken.
«Ekeumiz qosılğannan beri mwnıñ közine bir şöp salğan emespin»
Tilşi “Qarttar” üyindegi 90- ğa kelgen şal kempirden swhbat aluğa keledi.
-Mereyli toylarıñızben qwttıqtaymın! (Tilşi ekeuine gül tapsıradı). Şal men kempir:
-Rahmet!
-Rahmet!- deydi.
-Ekeuiñizdiñ otbasın qwrğandarıñızğa qanşa jıl boldı?
-Jiırma jıl.
-O o! Keremet! Osında baqıttı ğwmır keşip jatırsızdar?
-Iä.
-Iä.Tilşi sosın kempirden:
-Ekeuleriñiz qosılğanğa deyin basqa otbasıñız bolmap pa edi?
-Bolğan. Men bwğan deyin bes küyeuge tigenmin. AL, osı şalğa tigennen keyin mwnıñ közine bir şöp salıp körgen emespin!- degen eken.
Jwmat ÄNESWLI, jazuşı
kerey.kz
Pikir qaldıru