|  |  | 

Sayasat Äleumet

Soltüstik Qazaqstan oblısınıñ əkimi Erik Swltanovtıñ halıq aldındağı esebi

SQO-da 7,6 mlrd. teñgeniñ 6 iri jobasın jüzege asıru josparlanğan

d98e0541e8bfe1959ed1823fbf5

suret 365info.kz alındı

 

22 aqpanda Petropavl qalasındağı Pogodin teatrınıñ ğimaratında Soltüstik Qazaqstan oblısınıñ əkimi Erik Swltanovtıñ halıq aldındağı esebi ötti. Eki sağatqa sozılğan kezdesu barısında oblıs basşısınıñ 2016 jılı atqarılğan is-şaralar qorıtındısı men bolaşaqta atqarılar jwmıs josparları tıñdaldı. Kezdesu barısında jwmıs istegen call centre-ge 30 swraq kelip tüsse, 20-dan astam soltüstikqazaqstandıq aymaq basşısına aşıq mikrofon arqılı swraqtarın qoyıp, jauap aldı. Oblıs əkiminiñ esebine aqparat jəne kommunikaciya ministri Dəuren Abaev qatıstı.

Öñir basşısınıñ aqparatı boyınşa ötken jılı äleumettik-ekonomikalıq damuı oñ serpin bergen, makroekonomikalıq körsetkişter ösimi qamtamasız etilgen.

 

2016 jılı 38,0 mlrd. teñge kiris jinalğan. 2015 jılmen salıstırğanda ösim qarqını 18,5 payız boldı. Byudjettiñ şığıs böligi 99,6 payızğa orındaldı.

 

Auıl şaruaşılığı

 

Salanıñ ülesine öñirlik jalpı önimniñ şirek böligi tiesili. 2016 jıldıñ qorıtındısı boyınşa auıl şaruaşılığı önimderiniñ kölemi 1,8 payızğa östi jäne 416,7 mlrd. teñgeni qwradı.

2016 jılı oblıs diqandarı gektar berekeligin ortaşa eseppen 17,2 centnerge jetkizip, 5,5 million tonna astıq jinadı.

Jıl sayın biz alıs jäne jaqın şetelderge 1,5 mln. tonna sapalı soltüstikqazaqstandıq astıqtı, 250 mıñ tonna wndı, 150 mıñ tonna maylı daqıldardıñ twqımın eksportqa şığaramız.

2016 jılı auıl şaruaşılığı öndirisine demeuqarjı üşin byudjetten 31,0 mlrd. astam  qarjı bölindi, bwl 2015 jılğı deñgeymen salıstırğanda 1,8 ese köp.

Oblıstıñ agroqwrılımdarı jıl sayın mal şaruaşılığı üşin 20 mıñ bastan astam iri qara satıp alındı.

Auıl şaruaşılığı önimderin qayta öñdeu jäne tamaq önerkäsibi kartası şeñberinde 3 mıñnan astam jaña jwmıs ornın aşuğa mümkindik beretin soması 191 mlrd. teñgeden asatın 64 investiciyalıq jobanı jüzege asıru közdelgen. 2016 jılı soması 7,8 mlrd. teñge bolatın 20 investiciyalıq joba jüzege asırılıp, 270 jwmıs ornı aşıldı.

 

         

Önerkäsip

Jetekşi maşina jasau käsiporındarı twraqtı ösu serpinin körsetti. Önerkäsip öndirisi köleminiñ artuına önim şığarudı 1,7 esege köbeytken “ZIKSTO” akcionerlik qoğamı eleuli üles qostı. Ol Ükimettiñ qoldauı negizinde “Qazaqstan Temir Jolı” wlttıq kompaniyasımen jasalğan 15 mlrd. teñgeniñ kelisimşartınıñ arqasında mümkin boldı.

Önim şığaru “S.M.Kirov atındağı zauıt” AQ-da – 8 payızğa, “Kazneftegazmaş” AQ-da – 43 payızğa, “Köpbeyindi jabdıqtar zauıtı” JŞS-inde – 29,3 payızğa, “Poisk” VF” JŞS-inde 5,4 payızğa artqanı bayqaldı.

 

Industrialandıru kartası

2010-2016 jıldarı aralığında Industrialandıru kartası boyınşa 47 mlrd teñgege 54 joba iske qosılıp, 2 mıñnan astam twraqtı jwmıs orındarı aşıldı, sonıñ işinde 2016 jılı 8,8 mlrd. teñgege 9 joba iske qosıldı.

Qazir käsipkerlikti qoldau  kartasına 41 joba engizildi, onıñ jalpı soması 72 mlrd. teñge.

V iyule proşlogo goda Glave gosudarstva v ramkah telemosta bıl prezentovan Petropavlovskiy traktornıy zavod, na baze kotorogo osuşestvlyaetsya sborka traktora sel'skohozyaystvennogo i kommunal'nogo naznaçeniya pod brendom «K-704 «Batır». Osvoen posevnoy kompleks, kotorıy vıydet na ispıtaniya v aprele, takje budet nalajen vıpusk zernometov.

“K-704-4R “Batır” brendimen traktorlar şığaratın Petropavl traktor zauıtınıñ aşıluı ülken jañalıq boldı. Bwl – jer jırtatın, topıraqtı öñdeytin, kommunaldıq qajettilikterge jaraytın köpbeyindi traktor.

Jeltoqsan ayında Elbasınıñ qatısuımen ötken Jalpıwlttıq teleköpir barısında “Tayınşa-may” JŞS-niñ maylı daqıldar öñdeytin zauıtınıñ birinşi kezeñi iske qosıldı. Joba qıtaylıq “Ayczyu” kompaniyasımen birlesip jüzege asırıldı.

2017 jılı qwnı 7,6 mlrd. bolatın 6 joba iske qosılmaq, 300-den astam jwmıs ornı aşıladı.

Tayau uaqıtta Sergeevka qalasında öz şikizatın paydalana otırıp, jılına 10 mıñ tonna qant şığaratın “Transagroinvest” JŞS-niñ qant zauıtın salu jobasın jüzege asıru közdelgen. Zauıttı üstimizdegi jıldıñ soñında iske qosu josparlanıp otır. Käsiporınnıñ paydalanuğa berilui oblıstıñ qantqa degen swranısın 100 payız qanağattandıruğa mümkindik tuğızadı.

Investiciyalar

2016 jılı oblıs ekonomikasına 165,7 mlrd. teñge investiciya tartıldı.

Bıltır Astana qalasında 33 diplomatiyalıq missiyanıñ jetekşilerimen bizneslanç ötkizdik. Osı kezdesudiñ nätijesinde Estoniyanıñ, Germaniyanıñ, Malayziyanıñ, Şveciyanıñ, Qıtaydıñ, Reseydiñ jäne basqa da elderdiñ isker toptarınıñ ökilderi oblısımızğa issaparmen kelip, ıntımaqtastıqtıñ mümkin bağıttarın talqıladı. Jekelegen bağıttar boyınşa qazirdiñ özinde birlesken jobalar jüzege asırıluda. Investorlar üşin negizgi qızığuşılıq agroönerkäsiptik keşen men auıl şaruaşılığı maşinaların jasau salaları bolıp tabıladı.

 

Käsipkerlik pen turizm

Bizdiñ oblıs demeuqarjı beru boyınşa qol qoyılğan kelisimder sanı jağınan respublika öñirleri arasında 1-orında twr.

Käsipkerler biznesterin damıtu üşin memlekettik qoldau tetikterin belsendi paydalanuda. “Biznestiñ jol kartası – 2020”, “Jwmıspen qamtudıñ jol kartası – 2020”, “Agrobiznes – 2020”, “Önimdilik – 2020”, “Eksporter – 2020”, tağı basqa salalıq jäne ükimettik bağdarlamalar jüzege asırıluda.

 

Jol-köliktik infraqwrılım

Biz üşin jol-kölik infraqwrılımın jaqsartu jäne jañğırtu mañızdı mäsele bolıp qala bermek. 016 jılı wzındığı 143 şaqırım “Astana – Petropavl” avtojolın jañartu jwmıstarı ayaqtaldı.

Jergilikti mañızdağı 385 şaqırım avtojol 6,8 milliard teñge qarjı jwmsalıp jöndeldi. 2016 jıldıñ jeltoqsan ayında Petropavl qalası äuejayı terminalı jäne wşu-qonu jolağın jañartu jwmıstarınan keyin paydalanuğa berildi.

2017 jıldıñ qañtar ayınan äuejay tolıq kölemde jwmıs istep twr. Bwl öñir üşin erekşe mañızğa ie, öytkeni, bwl äuejay Resey, europalıq jäne aziyalıq kompaniyalardıñ jükterin tranzitteu üşin geografiyalıq twrğıdan tartımdı.

Twrğın üy qwrılısı

2016 jılı 619 päterlik 7 twrğın üy, sonday-aq, “SevKazEnergo” AQ qızmetkerlerine arnalğan 90 päterlik bir üy salındı. “Jwmıspen qamtudıñ jol kartası – 2020” bağdarlaması ayasında jwmısşı jastarğa arnalğan 5 qızmettik twrğın üy jäne oblısımızdıñ bes audanında 135 päterlik 6 jataqhana paydalanuğa berildi.

Sonımen qatar, 2016 jılı “Qazaqstannıñ twrğın üy qwrılıs jinaq banki” AQ-nıñ salımşıları jäne jergilikti atqaruşı organdarda kezekte twrğan twrğındar üşin 834 päterlik 10 twrğın üydiñ qwrılısı bastaldı, onıñ 3-eui bıltır paydalanuğa berildi. Qalğan 7 üydiñ qwrılısı (kelisimşart mindettemeleri boyınşa) 2017 jılı ayaqtaladı. 1446 päterlik 16 twrğın üy iske qosıladı.

Sumen jabdıqtau

2016 jıldıñ qorıtındısı boyınşa “2020 jılğa deyin öñirlerdi damıtu” bağdarlaması şeñberinde eki eldi mekende sumen jabdıqtau jaqsardı, 2 auılğa auızsu berildi. Auıldardıñ ortalıqtandırılğan suğa qoljetimdiligi 56 payızğa deyin östi (2015 jıldıñ soñında 55,8 payız).

Bwl jobanı jüzege asıru qoldanıstağı tozığı jetken sumen jabdıqtau jelilerin 2020 jılğa deyin 72 payızdan 60 payızğa deyin tömendetuge mümkindik beredi.

“Nwrlı jol” bağdarlaması ayasında 2017 jılı 683 million teñgege Petropavl qalasında su tartu boyınşa 6 jobanı jüzege asıru bastaladı.

 

Energetika

2015 jılı jañartu barısında jılu-elektr ortalığında qwnı 5,6 milliard teñgeniñ №1 truboagregatı iske qosıldı. Atalmış turbina elektr quatın 63 MVt-ğa (479 MVt-ğa deyin) arttırdı. Ötken jılı qwnı tiisinşe 3,4 jäne 6,6 milliard teñge bolatın №12 jılıtu qazandığı agregatı jäne №5 turbinalıq agregatın iske qosu belgilengen quattılıqtı 479-dan 541 MVt-ğa deyin arttıruğa mümkindik berdi.

Jılu jelilerin jañartu jobaların odan äri jüzege asıru 2020 jılı qwbırlardıñ tozuın 62 payızğa deyin tömendetuge mümkindik beredi.

 

Bilim beru

Bilim beru salasında 3 pen 6 jas aralığındağı balalardı mektepke deyingi tärbiemen jäne oqumen qamtu 98 payızğa jetti.

Öñirimizde üş auısımdıq bilim beru mäselesin tübegeyli şeşu üşin “Nwrlı jol” bağdarlaması şeñberinde oblısımızdıñ audandarında eki jaña mekteptiñ qwrılısı ayaqtaldı. Osı nısandardı paydalanuğa beru nätijesinde 2016 jılı üşauısımdıq jäne apattıq mektepter mäselesi şeşildi.

Jergilikti byudjetten bölingen qarjı esebinen Qızıljar audanınıñ Bäyterek auılında 300 orındıq mekteptiñ qwrılısı ayaqtaldı.

Komp'yuterlik tehnologiyalardıñ teñ qoljetimdiligin qamtamasız etu maqsatında 2016 jılı komp'yuterlerdi jañartuğa jäne bir mıñnan astam komp'yuterdi satıp aluğa byudjetten 100 mln. teñge bölindi. Qazir 5 oquşığa 1 komp'yuterden kelip otır. Oblısımızdıñ 26 mektebinde IT-tehnologiya engizu üşin 2016 jıldıñ 1 qırküyeginen bastap robototehnika kursı ötkiziledi, 107 robot jiıntığı satıp alınıp, 1500 oquşı qamtıldı.

2017 jılı elimizde Memleket basşısınıñ “Barlığı üşin tegin käsiptik-tehnikalıq bilim beru” jobası iske asırıla bastaydı.

Densaulıq saqtau

Ötken jılı densaulıq saqtau salasın qarjılandıru 20 payızğa artıp, 25 mlrd.   teñgege jetti.

2016 jılı medicinalıq wyımdardı jöndeu men materialdıq-tehnikalıq bazasın nığaytuğa 1,2 mlrd. teñge bölindi.

Äleumettik qorğau

Jwmıspen qamtu salasın damıtu mañızdı basımdıqtardıñ biri bolıp qala bermek. 2016 jılı 23 mıñnan astam adam jwmıspen qamtılıp, 11,5 mıñ jaña jwmıs ornı aşıldı.

Qoldanılğan şaralardıñ nätijesinde oblıs boyınşa jwmıssızdıq deñgeyi 2016 jıldıñ üşinşi toqsanında 4,9 payızdı qwradı. Künköris deñgeyi tömen twrğındar sanı 3,3,2 payızğa deyin  tömendedi.

Az qamtılğan azamattardı “Örleu” jobası arqılı belsendi jwmıs türimen tartu maqsatında 211 äleumettik kelisim jasalıp, 228 adam jwmısqa ornalastırıldı.

Mädeniet

Qazaqstan Respublikası Täuelsizdiginiñ 25 jıldığın merekeleu ayasında ötken jılı oblısta twrğındardıñ köpşiliginiñ qatısuımen 12 mıñnan astam mädeni-bwqaralıq is-şaralar ötkizildi. Oblıstıñ teatr-koncerttik wyımdarı şalğay audandardağı eldi mekenderge 45 ret gastrol'dıq saparğa şıqtı. Spektakl'der körsetip, koncertter men körmeler wyımdastırıp, qayırımdılıq şaraların ötkizdi.

2017 jılı Säbit Mwqanov atındağı qazaq sazdı-drama teatrınıñ qazirgi ğimaratına ıñğaylastırılğan 500 orındıq körermender zalınıñ qwrılısı bastaladı. Bügingi küni onıñ jobalıq-smetalıq qwjatı memlekettik saraptamadan ötude. Jaña ğimarattı 2018 jılı paydalanuğa beru josparlanğan.

 

Sport

Öñirde 170 mıñnan astam adam nemese jalpı halıq sanınıñ 30 payızı dene şınıqtıru jäne sportpen aynalısadı.

2016 jılı sport salası 2,6 milliard teñgege qarjılandırılsa, bwl aldıñğı jılğa qarağanda 1,1 milliard teñgege artıq.

Soñğı eki jılda Soltüstik Qazaqstan oblısında sporttıñ hokkey, futbol, basketbol türleri jandanuda. 2016 jılı “Qızıljar SK” futbol klubı Birinşi liga komandaları arasında el birinşiliginiñ, al “Barıs” basketbol klubı Joğarı liganıñ erler komandaları arasında Qazaqstan Respublikası çempionatınıñ qola jüldegerleri atansa, 2015 jılı qwrılğan “Qwlager” hokkey komandası Qazaqstan Respublikasınıñ kubogın jeñip aldı.

Esepti kezeñde respublikalıq jäne halıqaralıq sport jarıstarınan soltüstikqazaqstandıqtar 540 medal' äkeldi, onıñ 361-i sporttıñ olimpiadalıq türleri boyınşa. Rio-de-Janeyrodağı 31-şi Olimpiada oyındarına bes soltüstikqazaqstandıq qatıstı.

 

Jergilikti policiya qızmeti

 

2016 jılı jalpı qılmıstıñ 10,6 payızğa tömendeui bayqaldı.

kerey.kz

Related Articles

  • AQŞ memlekettik hatşısınıñ orınbasarı Devid Heyl Nwr-Swltandağı sammitke qatısadı

    AQŞ memlekettik hatşısınıñ orınbasarı Devid Heyl. AQŞ memlekettik hatşısınıñ sayasi mäseleler jönindegi orınbasarı Devid Heyl 20-23 tamız aralığında Ortalıq Aziya elderine resmi saparmen keledi. Sapardıñ negizgi maqsatı – 21 tamızda Nwr-Swltanda ötetin Ortalıq Aziyadağı bes eldiñ joğarı deñgeydegi jiınına qatısu. S5+1 degen ataumen belgili jiın barısında Heyl Qazaqstan, Qırğızstan, Özbekstan, Täjikstan men Türkimenstan sırtqı ister ministrlikteri ökilderimen kelissözder ötkizedi. “Olar Ortalıq Aziyadağı qauipsizdik, damu jäne qarım-qatınastı birlesip nığaytu jayın talqılaydı” dep habarladı AQŞ memlekettik departamenti 19 tamızda. S5+1 formatı 2015 jılı qaraşada AQŞ pen Ortalıq Aziyanıñ bes eli arasında ekonomikalıq integraciyanı damıtu, qorşağan ortanı qorğau men qauipsizdik mäselelerin birlesip şeşu maqsatında qwrılğan. Bwğan qosa Heyl Qazaqstannıñ joğarı lauazımdı şeneunikterimen “ekijaqtı keñeytilgen

  • Türkistan oblısınıñ Tülkibas audanında jaña sport keşeni aşıldı.

    «Er Jänibek» atındağı 240 adamğa arnalğan şınıqtıru-sauıqtıru ortalığı  Sastöbe kentinde paydalanuğa berildi.  Nısan memlekettik-jekemenşik äriptestik ayasında jüzege astı. Qwnı 454 mln teñge bolatın sport keşeninde boks, dzyudo, üstel tennisi, basketbol, erkin küres jäne tağı da basqa sport türlerimen aynalısuğa boladı. Keluşilerge ıñğaylı boluı üşin kiim auıstırıp, duş qabıldauğa boladı. Bwdan bölek, bapkerler men medbikelerge arnalğan bölmelermen de qamtılğan. Türkistan oblısı, Tülkibas audanı, Sastöbe eldimekeninde ötken “Er Jänibek” atındağı sport keşeniniñ aşılu merey toyına “Tuǵurul han” Halyqaralyq Qoǵamdyq Birlestıgınıń atınan: Qarjaubay Sartqoja – Prezidium Basqarmasınıñ Törağası (qwrıltayşı); Mamırbaev Rahimbek – Prezidium Basqarmasınıñ müşesi (qwrıltayşı); Igbaev Nwrjan – “Tuǵurul han” Halyqaralyq Qoǵamdyq Birlestıgınıń Prezidenti qatarlı azamattar arnayı qatısıp qayttı.   Saltanattı jiınnıñ aşıluına

  • Şarqi Türkistanşıl men Çin Türkistanşıl arasındağı qaqtığıs

    1947-1948 jıldıñ örara kezeñinde Ürimjidegi qazaq igi-jaqsıları men ziyalıları, sayasatkerleri ölkelik ükimettiñ törağa, hatşılarımen birlesip Ürimji qalasına qarastı Qaratau (qıtayşa 南山) baurayında Naurız merekesin toylap şağın qwrıltay jinalısın ötkizedi. Naurız merekesine tigilgen onşaqtı kigiz üydiñ jäne ölkelik ükimet törağaları men äskeri adamdardıñ (qazaq äskeri de bar) suretin anıq köre alasız. 1947-1948 jıldarı Şarqi Türkistanşıl küşter men Çin Türkistanşıl küşter arasındağı qırğiqabaq qaqtığıs qattı uşığıp twrğan kez edi. 1946-1947-1948 jıldarı Manas, Qwtıbi, Böken (Fukañ), Jemsarı, Şonjı, Mori audandarınan qazaq äskeri jasaqtalıp Manas özeniniñ künbatıs betindegi Şarqi Türkistan äskerine arnayı qarulı qorğanısqa ötken kezeñ edi. Sonımen Manastı şekara etken Şarqi Türkistanşıl küşter men Çin Türkistanşıl küşter bolıp eki jaqqa bölingen qazaqtardıñ sayasi

  • Qaraqalpaqtar jappay qazaq bop jazılıp jatır

    Özbekstan Respublikasınıñ qwramına kiretin Qaraqalpaqstan azamattarı jappay qazaq bolıp jazılıp jatır. Bwl turalı  IWPR basılımınıñ tilşisi Ol'ga BORISOVA habarlaydı.. Juırda Qaraqalpaqstan astanası Nükis qalasında bizdiñ tilmen aytqanda HQO siyaqtı mekemeniñ basşısı twtqındalğan. Ol para alıp adamdardıñ wltın özgertip otırıptı. YAğni qaraqalpaqtardı qazaqqa aynaldırğan. Jergilikti policiyanıñ aytuınşa, soñğı kezderi osınday qılmıstar köpten tirkelude. Demografiya jäne migraciya agenttiginiñ aqparatına süyensek 1991 jıldan beri Qaraqalpaqstannan Qazaqstanğa 100 mıñ adam köşip ketken. Halıqaralıq Araldı qwtqaru qorınıñ mälimetinşe soñğı jeti jıldıñ işinde 250 mıñ adam Qazaqstanğa qonıs audarğan eken. 1 mln 842 mıñ halqı bar Qaraqalpaqstan üşin bwl ülken körsetkiş. Sonday-aq, qazir ol jerge özbekter sanınıñ artıp kele jatqanın da eskeru qajet. 2018 jılğı statistikağa süyensek

  • Grant 2019: Bilim grantı iegerleriniñ tizimi

    Qazaqstan Respublikasınıñ Bilim jäne ğılım ministrligi «Qazaqstan Respublikasınıñ joğarı jäne joğarı oqu ornınan keyingi bilim beru wyımdarında oqu üşin bilim beru granttarın beru turalı» Qazaqstan Respublikası Bilim jäne ğılım ministriniñ 2019 jılğı 31 şildedegi № 341 bwyrığına säykes bilim beru granttarı iegerleriniñ tizimin wsınadı. 1_Granttar_(negizgi)_qaz 2_Jetimder_(negizgi)_qaz 3_Mügedek_(negizgi)_qaz 4_Äskeri_(negizgi)_qaz 5_Diaspora_(negizgi)_qaz 6_Serpin_(negizgi)_qaz egemen.kz

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: