Reuters: لوندونداعى تەراكتىنى يم ەكسترەميستىك توبى موينىنا الدى
لوندونداعى 22 ناۋرىزدا بولعان تەراكتىنى “يسلام مەملەكەتى” (يم) ەكسترەميستىك توبى موينىنا الدى دەپ حابارلادى Reuters اگەنتتىگى.
لوندوندا ناۋرىزدىڭ 22-ءسى كۇنى كۇندىز كولىككە مىنگەن بەلگىسىز بىرەۋ بريتان پارلامەنتى عيماراتى قاسىنداعى ۆەستمينستەر كوپىرىندە بىرنەشە ادامدى باسىپ ءوتىپ، سول ماڭداعى ۆەستمينستەر سارايىنىڭ قورشاۋىنا سوعىلعان. كولىكتەن جۇگىرىپ تۇسكەن ەر ادام ءوزىن بوگەمەك بولعان قارۋسىز پوليتسيا قىزمەتكەرىن پىشاقتاعان. وقيعا ورنىنا جەتكەن وزگە پوليتسەيلەر ونى اتىپ جارالاپ، كۇدىكتى اۋرۋحاناعا اپارا جاتقاندا قايتىس بولعان.
سوڭعى دەرەككە قاراعاندا، كەشەگى شابۋىلدان جيىنى ءتورت ادام (پوليتسەي كيت پالمەر، 43 جاستاعى ايشا فرەيد ەسىمدى ايەل مەن 50-لەر شاماسىنداعى ەر ادام جانە شابۋىلداۋشىنىڭ ءوزى) قازا تاپقان.
اۋرۋحانادا جارالى 29 ادام جاتىر، ولاردىڭ جەتەۋىنىڭ ءحالى مۇشكىل.
لوندونداعى شابۋىلعا بايلانىستى سەگىز ادام تۇتقىندالدى دەپ حابارلادى ۇلىبريتانيا پوليتسياسى.
ازات ەۋروپا / ازاتتىق راديوسى
پىكىر قالدىرۋ