بيىك بولسىن قىرىن ەلدىڭ تۇعىرى
kerey.kz
اسسالاۋماعالەيكۋم،مىنا كەلىپ جەتكەن قاسيەتتى تاۋەلسىزدىك مەرەكەمىز قۇتتى بولسىن ، اللا ەلىمىزدى امان،جۇرتىمىزدى تىنىش قىلىپ ،تاۋەلسىزدىگىمىزدى ماڭگىلىك ەتسىن ！
وتان ،وتان سەنەن ىستىق وت بارما،
وتان ءۇشىن تۇسەم قىزىل وتتارعا.
<<بىرلىك بولسا تىرلىك بولار>>دەگەن بار،
توزعان قازدى باسىنادى توپ قارعا.
اتا-بابام اڭساپ كەلگەن سان عاسىر ،
مىنا عاسىر ءبىزدىڭ عاسىر نار عاسىر .
قازاق اتى ماشھۇر بولعان الەمگە،
تاۋاپ ەتەم تاۋەلسىزدىك تاڭعا اسىل .
جوقشىلىقتاي جولىن جاپقان جومارتتىڭ،
جەپىس جىلدا قانشا اسىلدى جوعالتتىڭ.
كوپ سالتىمىز كوگەنىندە قيىلدى،
ءجايسىز جاتقان جاستىعىنداي قوناقتىڭ.
بار قازاقتىڭ باقىت كۇنى مىنا كۇن ،
تورتكىل الەم بىزگە ءتۇردى قۇلاعىن.
تاۋەلسىزدىك ءتاڭىر بەرگەن تۇپ-تۇنىق ،
قاينارى مول قانىپ ىشەر بۇاعىم.
جەلبىرەسىن كوك تۋىمىز ماڭگىلىك ،
اتا بەرسىن ارايى اپپاق تاڭ كۇلىپ .
ءار قازاقتىڭ قۇلاعىنىڭ تۇبىندە،
تاۋەلسىزدىك تۇرسا ەكەن جاڭعىرىپ.
ۇزىن بولىپ ەگەمەن ەل عۇمىرى،
بيىك بولسىن قىران ەلدىڭ تۇعىرى.
ەل تىزگىنىن الىپ جۇرەر ەرتەڭگە ،
ۇل كوبەيسىن جەلكىلدەگەن تۇلىمى.
قىز كوبەيسىن بۇلعاقتاعان بۇرىمى.
شاھيدوللا سامۇراتۇلى بوكەەۆ
kerey.kz
پىكىر قالدىرۋ