|  | 

ساياسات

جوعارى قولباسشىلىقتىڭ پرەزيدەنتتىك رەزەرۆى كىم ءۇشىن قۇرىلماق؟


وتاردا وتكەن اسكەري پاراد. جامبىل وبلىسى، 7 مامىر 2018 جىل.

وتاردا وتكەن اسكەري پاراد. جامبىل وبلىسى، 7 مامىر 2018 جىل.

ۇكىمەت قارۋلى كۇشتەر جوعارى قولباسشىلىعىنىڭ پرەزيدەنتتىك رەزەرۆىن قۇرۋ تۋرالى جارلىق جوباسىن ازىرلەدى. وعان سايكەس اسكەري قىزمەتكەرلەر اراسىنان ارنايى توپ جاساقتالىپ، كەيىن ونىڭ مۇشەلەرىن جوعارى قولباسشىلىقتاعى قىزمەتتەرگە ۇسىنۋ جوسپارلانعان. ساراپشىلار باستامانىڭ قاعاز جۇزىندەگى نۇسقاسىن قۇپتاعانمەن يدەيانىڭ ءساتتى جۇزەگە اسىرىلاتىنىنا كۇماندانادى.

ناۋرىز ايىنىڭ سوڭىندا «اشىق ۇكىمەت» سايتىندا قۇجاتتار ءتىزىمى جاريالانىپ، قوعامدىق تالقىلاۋعا ۇسىنىلدى. وندا ۇكىمەتتىڭ قارۋلى كۇشتەر پرەزيدەنتتىك رەزەرۆىن قۇرۋ ۇسىنىسى جايلى ايتىلعان.

جوبا بويىنشا، بۇل توپقا «ەرەكشە سۇرىپتاۋدان» وتكەن اسكەري قىزمەتكەرلەردى ەنگىزۋ كوزدەلگەن، كەيىن ولاردى جوعارى قولباسشىلىق لاۋازىمىنا ۇسىنباق (قورعانىس ءمينيسترى قىزمەتى وعان كىرمەيدى). باستامانى قازىر نۇرلان ەرمەكباەۆ باسقارىپ وتىرعان قورعانىس مينيسترلىگى كوتەرگەن.

جارلىق جوباسى

اتالعان جارلىق جوباسى قارۋلى كۇشتەرگە اسكەري قىزمەتتى وتەۋ ەرەجەسىنە ءتيىستى وزگەرىستەر ەنگىزۋدى ۇسىنادى. پرەزيدەنتتىك رەزەرۆ قۇرۋ بويىنشا جۇمىس قورعانىس مينيسترلىگىنە جۇكتەلەدى.

قۇجاتقا سايكەس، ىرىكتەۋ كەزىندە ۇمىتكەرلەردىڭ جەكە جانە ىسكەرلىك قاسيەتتەرى، قىزمەتتەگى جەتىستىكتەرى ەسەپكە الىنادى، اسكەريلەر اراسىنداعى «ارنايى تەكسەرۋ» جانە جوعارى اتتەستاتسيالىق كوميسسيا شەشىمى نەگىزىندە تاڭدالادى.

كەلەسى كەزەڭدە ولار قاۋىپسىزدىك كەڭەسىندە ىرىكتەۋدەن وتەدى. 2019 جىلدان بەرى ونىڭ حاتشىسى – بۇرىنعى ىشكى ىستەر ءمينيسترى قالمۇحانبەت قاسىموۆ. كەڭەستى ءومىر بويى باسقارۋ قۇقىعى بۇرىنعى پرەزيدەنت نۇرسۇلتان نازارباەۆقا بەرىلگەن.

قازاقستاننىڭ تۇڭعىش پرەزيدەنتى نۇرسۇلتان نازارباەۆ جانە قاۋىپسىزدىك كەڭەسىنىڭ حاتشىسى، بۇرىنعى ىشكى ىستەر ءمينيسترى قالمۇحانبەت قاسىموۆ. قاراشا ايى، 2018 جىل.

قازاقستاننىڭ تۇڭعىش پرەزيدەنتى نۇرسۇلتان نازارباەۆ جانە قاۋىپسىزدىك كەڭەسىنىڭ حاتشىسى، بۇرىنعى ىشكى ىستەر ءمينيسترى قالمۇحانبەت قاسىموۆ. قاراشا ايى، 2018 جىل.

«جىل سايىن قازاننىڭ 1-ىنە دەيىن قازاقستان رەسپۋبليكاسى قورعانىس مينيسترلىگى قازاقستان رەسپۋبليكاسى قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس بولىمىنە پرەزيدەنتتىك رەزەرۆكە وتكىزۋگە ۇسىنىلعان قارۋلى كۇشتەر اسكەري قىزمەتكەرلەرىنىڭ ءتىزىمىن جىبەرەدى» دەلىنگەن جارلىق جوباسىندا.

بۇدان سوڭ پرەزيدەنتتىك رەزەرۆ ۇمىتكەرلەرىنىڭ ءتىزىمى پرەزيدەنت اكىمشىلىگى جەتەكشىسىنە تابىستالادى، ول پرەزيدەنتتىك رەزەرۆكە قابىلداۋ نەمەسە قابىلداماۋ تۋرالى شەشىم شىعارادى. ءتىزىم جىل سايىن جاسالادى، ال اسكەريلەردىڭ وندا بولۋ مەرزىمى «ءۇش جىلدان اسپاۋى كەرەك».

پرەزيدەنت جارلىعى جوباسىنا ۇكىمەتتىڭ بەرگەن تۇسىندىرمە حابارلاماسىندا «جارلىق جوباسىن جۇزەگە اسىرۋدىڭ تەرىس الەۋمەتتىك-ەكونوميكالىق جانە قۇقىقتىق سالدارى بولمايدى، رەسپۋبليكالىق بيۋدجەتتەن قوسىمشا شىعىندى تالاپ ەتپەيدى» دەپ كورسەتىلگەن.

پرەمەر-مينيسترگە باعىتتالعان تۇسىندىرمە جازباسىندا قورعانىس مينيسترلىگى جارلىقتىڭ «جوعارى قولباسشىلىق لاۋازىمىن اتقارۋ ءۇشىن اسكەري قىزمەتكەرلەردى ساپالى ىرىكتەۋگە» مۇمكىندىك بەرەتىنىن ايتىپتى. قورعانىس مينيسترلىگى جارلىق قابىلدانعان جاعدايدا حالىقارالىق شارت بولىپ ەسەپتەلمەيتىنىن، سوندىقتان راتيفيكاتسيا جاساۋدىڭ كەرەگى جوعىن ايتادى.

ساراپشىلار نە دەيدى؟

قورعانىس ءمينيسترىنىڭ بۇرىنعى ورىنباسارى گەنەرال-مايور ايتقالي ەسەنعۇلوۆ ۇكىمەتتىڭ پرەزيدەنتتىك رەزەرۆ قۇرۋ تۋرالى باستاماسىن قۇپتايدى.

— جاقسى يدەيا، ەندى جوعارى لاۋازىمعا كادرلاردى ءادىل تاڭدايتىن بولار. مۇنداي باستامانى قولدايمىن، – دەدى گەنەرال ەسەنعۇلوۆ.

قورعانىس ءمينيسترىنىڭ تاعى ءبىر بۇرىنعى ورىنباسارى، گەنەرال امىربەك توعىسوۆ جوبانى ناقتى جۇزەگە اسىرۋ پەرسپەكتيۆاسىنا كۇمان كەلتىرەدى. توعىسوۆتىڭ ايتۋىنشا، «جاقسى يدەيانىڭ» تيىسىنشە جۇزەگە اسۋى ەكىتالاي جانە ول رەزەرۆ قۇرامىنا كىرەتىن كانديداتتاردى تالقىلاۋعا قوعام مۇشەلەرىنىڭ قاتىساتىنىنا سەنبەيدى.

— تىزىمگە كىرەتىن كانديداتتاردى اشىق تۇردە تالقىلاماسا، ءتۇرلى اتتەستاتسيالاۋ كوميسسيالارى جابىق ءوتىپ، پروتەكتسيونيزمگە جول بەرەدى، – دەيدى گەنەرال.

تاۋەكەلدەردى باعالاۋ توبىنىڭ ديرەكتورى دوسىم ساتپاەۆ قازاقستاندىق بيلىكتىڭ بۇعان دەيىن دە مەملەكەتتىك قىزمەتكەرلەر اراسىنان باسقارۋشى ەليتا دايىنداۋعا تىرىسقانىن، ولاردى «ا» جانە «ب» كورپۋسقا بولگەنىن ەسكە سالادى.

2015 جىلى «مەملەكەتتىك قىزمەت تۋرالى» زاڭ قابىلداندى، وعان سايكەس مەملەكەتتىك قىزمەتكەرلەر ءۇش كورپۋسقا ءبولىندى: ساياسي مەملەكەتتىك قىزمەتكەرلەر (مينيسترلەر، وبلىس اكىمدەرى); «ا» كورپۋسىنىڭ اكىمشىلىك مەملەكەتتىك قىزمەتكەرلەرى جانە «ب» كورپۋسىنىڭ اكىمشىلىك مەملەكەتتىك قىزمەتكەرلەرى.

سول كەزدە پرەزيدەنت اكىمشىلىگى جەتەكشىسىنىڭ ورىنباسارى بولعان باۋىرجان بايبەك «ەليتانىڭ ەليتاسى» دەپ اتاعان «ا» كورپۋسىنا مينيسترلەردىڭ جاۋاپتى حاتشىلارى، اۋدان اكىمدەرى مەن وزگە دە مەملەكەتتىك قىزمەتكەرلەر كىردى. «ب» كورپۋسىنا – اتقارۋشى مەملەكەتتىك قىزمەتكەرلەر كىردى. زاڭدا «ا» كورپۋسىنا كادرلىق رەزەرۆ جاساقتاۋ مەن وعان ىرىكتەۋدىڭ ەرەكشە ءتارتىبى قاراستىرىلعان.

ساياساتتانۋشى ساتپاەۆتىڭ ايتۋىنشا، كورپۋستاردى جاساقتاۋ كەزىندە شەتەلدىك جوو-دا وقىعان جانە شەت تىلدەرىن بىلەتىن جاس مامانداردى تابۋعا ەرەكشە ءمان بەرىلدى.

شەتەلدەن كەلگەن جاس ءارى تالانتتى جەتەكشىلەر جەمقورلىققا باتقان جۇيەنى وزگەرتۋدىڭ ورنىنا وزدەرى سوعان بەيىمدەلەدى.
دوسىم ساتپاەۆ.

الايدا شەتەلدەن قازاقستانعا ورالىپ، جوعارى لاۋازىمدى قىزمەتكە ورنالاسقان جاس ماماندار ء(تىپتى اراسىندا مينيستر دە بولدى) «بىلىكسىزدىك تانىتتى» دەگەن ساتپاەۆ «پوتومۋ چتو، پوتومۋ چتو» ءسوزىن قايتالاي بەرگەن جاس مينيسترلەردىڭ ءبىرىن ەسكە الدى (ساياساتتانۋشى سول كەزدە ەڭبەك ءمينيسترى بولعان سەرىك ابدەنوۆتى ايتادى. «قازاقستاندا ايەلدەردىڭ زەينەتكە شىعۋ جاسىن نەگە كوتەرىپ جاتىر؟» دەگەن ساۋالعا ول «كوپ جۇمىس ىستەۋ كەرەك. <…> 50 جاستا زەينەت تۋرالى ويلاۋدىڭ كەرەگى نە؟» دەپ جاۋاپ بەرگەن بولاتىن).

ساتپاەۆ اقپان ايىندا استانادا جەر ۇيدە شىققان ورتتەن كوز جۇمعان بەس اپكەلى-ءسىڭلىلى كىشكەنتاي قىزداردىڭ قازاسىنا قاتىستى كەيبىر بيلىك وكىلدەرىنىڭ ءسوزى قوعامدا تەرىس رەاكتسيا تۋدىرعانىن دا اتاپ ءوتتى. ولاردىڭ اتا-اناسى وتباسىن اسىراۋ ءۇشىن تۇنگى اۋىسىمعا جۇمىسقا كەتكەن.

وسى وقيعادان سوڭ بىرنەشە قالادا كوپ بالالى انالار نارازىلىق تانىتىپ، جاعدايلارىن جاقسارتۋدى تالاپ ەتتى. سول كەزدە اقش-تىڭ كولۋمبيا جانە گارۆارد ۋنيۆەرسيتەتتەرىنىڭ تۇلەگى، ەڭبەك جانە حالىقتى الەۋمەتتىك قورعاۋ ءمينيسترى بولعان ءمادينا ابىلقاسىموۆا «كوپ بالالى انالار مەملەكەتتەن ميلليونداپ اقشا الادى، باسقا ەلدەردە ونداي جوق» دەپ مالىمدەدى.

ساتپاەۆتىڭ ايتۋىنشا، وتە ءبىلىمدى ءارى ادامگەرشىلىك تۇرعىسىنان ءمىنسىز سانالعان وزگە تالانتتى ءارى جاس شەنەۋنىكتەر تۇرمەگە قامالدى. مىسالى، اقش-تىڭ دجوردج ۆاشينگتون ۋنيۆەرسيتەتىنىڭ تۇلەگى، بۇرىنعى ۇلتتىق ەكونوميكا ءمينيسترى، 38 جاستاعى قۋاندىق بيشىمباەۆ 2017 جىلى “جەمقورلىق جاسادى” دەپ ايىپتالىپ، 10 جىلعا سوتتالدى. دوسىم ساتپاەۆتىڭ پىكىرىنشە، «ەسكىنى وزگەرتپەي، جاڭا دۇنيە جاساۋ مۇمكىن ەمەستىگىن» وسىدان كورسە بولادى.

– شەتەلدەن كەلگەن جاس ءارى تالانتتى جەتەكشىلەر جەمقورلىققا باتقان جۇيەنى وزگەرتۋدىڭ ورنىنا وزدەرى سوعان بەيىمدەلەدى، – دەيدى ساتپاەۆ.

ساياساتتانۋشىنىڭ پىكىرىنشە، جوعارى قولباسشىلىقتىڭ پرەزيدەنتتىك تىزىمىنە كىرەتىن اسكەريلەر دە جەمقورلىق پەن پاراقورلىقتان ازات ەمەس اسكەري جۇيەگە بەيىمدەلۋگە ءماجبۇر. ساتپاەۆ ءبىر كەزدەرى جىل سايىن اسكەري مەكەمەنى ءدۇر سىلكىندىرگەن جەمقورلىق داۋلارىن ەسكە سالادى.

– قانداي رەزەرۆكە تۇسسە دە، بۇل جاعدايدا اسكەريلەرگە بىلايعى جۇرتتان دا اۋىر تيەدى، سەبەبى ولاردا «بۇيرىق تالقىلانبايدى، ورىندالادى» دەگەن ەرەجە بار. حالىق اراسىندا ونى بىلاي تۇسىندىرەدى: «ءبىرىنشى تارماق «باسشىنىڭ ايتقانى اركەز ءجون». ەكىنشى تارماق «باسشىنىڭ ءسوزى تەرىس بولسا، ءبىرىنشى تارماققا قارا»، – دەيدى ول.

جوعارى اسكەري كادرلار قۇرامىن نازارباەۆ باقىلاماق، ياعني، ءوز بيلىگىن كۇشەيتپەك. ال قازىرگى پرەزيدەنت توقاەۆ نازارباەۆ ماقۇلداعان تىزىمگە قول قويىپ قانا وتىرادى.
سەرگەي دۋۆانوۆ.

ادام قۇقىعى جونىندەگى قازاقستاندىق بيۋرونىڭ اقپاراتتىق-باقىلاۋ ورتالىعىنىڭ جەتەكشىسى، جۋرناليست جانە قۇقىق قورعاۋشى سەرگەي دۋۆانوۆتىڭ ايتۋىنشا، پرەزيدەنتتىك رەزەرۆ قۇرۋ تۋرالى باستامانى قورعانىس ءمينيسترى نۇرلان ەرمەكباەۆتىڭ كوتەرگەنى انىق (پرەزيدەنتتىك وكىلەتىن تاپسىراردان ءبىر تاۋلىك بۇرىن نۇرسۇلتان نازارباەۆ ۇقك باسشىسى كارىم ءماسىموۆ پەن ەرمەكباەۆقا گەنەرال پاگونىن تاقتى).

– بۇرىن اسكەري شەنى جوق قورعانىس ءمينيسترىن وزىنە جاقىن تارتۋ ءۇشىن سولاي ىستەدى. جارلىق جوباسىندا قورعانىس ءمينيسترى جىل سايىن پرەزيدەنتتىك رەزەرۆ كانديداتتارىنىڭ ءتىزىمىن قاۋىپسىزدىك كەڭەسىنە ۇسىنادى دەپ كورسەتىلگەن، ونى نۇرسۇلتان نازارباەۆ باسقارادى. دەمەك، جوعارى اسكەري كادرلار قۇرامىن نازارباەۆ باقىلاماق، ياعني، ءوز بيلىگىن كۇشەيتپەك. ال قازىرگى پرەزيدەنت توقاەۆ نازارباەۆ ماقۇلداعان تىزىمگە قول قويىپ قانا وتىرادى، – دەيدى دۋۆانوۆ.

قۇقىق قورعاۋشىنىڭ ايتۋىنشا، ەندى قورعانىس مينيسترلىگى جاڭا گەنەرال ەرمەكباەۆتىڭ باسشىلىعىمەن پرەزيدەنت توقاەۆقا رەسمي تۇردە عانا باعىناتىن ءتارىزدى، ال شىن مانىندە نۇرسۇلتان نازارباەۆقا ادالدىعىن دالەلدەۋگە تىرىسادى.

– نۇرسۇلتان نازارباەۆقا ادال ەكەنىن قورعانىس مينيسترلىگى (مينيستر ەرمەكباەۆ) رەسمي سايتى دا ارقىلى كورسەتىپ جاتىر، ونىڭ ءبىرىنشى بەتىندە قازاقستان رەسپۋبليكاسىنىڭ ءبىرىنشى پرەزيدەنتى – ەلباسىنىڭ تسيتاتاسى كەلتىرىلگەن (وعان ەش قارسىلىعىم جوق), سوعان قوسا نازارباەۆتىڭ باس قولباسشى فورماسىنداعى سۋرەتى تۇر. نازارباەۆ جارتى ايدان بەرى باس قولباسشى ەمەس. ال قازىرگى پرەزيدەنت جانە كونستيتۋتسيا بويىنشا باس قولباسشى قاسىم-جومارت توقاەۆ تۋرالى قورعانىس مينيسترلىگى سايتىنىڭ باستاپقى بەتىنەن تۇك مالىمەت كورمەيسىز، – دەيدى دۋۆانوۆ.

قازاقستاننىڭ قورعانىس مينيسترلىگىنىڭ سايتى. سكرينشوت 4 ءساۋىر كۇنى جاسالعان.

قازاقستاننىڭ قورعانىس مينيسترلىگىنىڭ سايتى. سكرينشوت 4 ءساۋىر كۇنى جاسالعان.

2019 جىلى ءساۋىردىڭ 4-ءى كۇنگى دەرەك بويىنشا، قورعانىس مينيسترلىگى سايتىنىڭ جوعارعى بولىگىندە راسىمەن نازارباەۆتىڭ اسكەري فورماداعى سۋرەتى تۇر. قازىر ول بۇرىنعى پرەزيدەنتتىڭ ادەتتەگى كيىمىمەن اۋىستىرىلدى.

ءساۋىردىڭ 4-ءى كۇنى باستاپقى بەتكە توقاەۆتىڭ سۋرەتى قويىلمادى. كونستيتۋتسيانىڭ 44-بابى بويىنشا قازاقستان پرەزيدەنتى – قارۋلى كۇشتەردىڭ باس قولباسشىسى سانالادى، ول قارۋلى كۇشتەر جوعارعى قولباسشىلىعىن قىزمەتكە تاعايىنداپ، بوساتادى.

2018 جىلدىڭ شىلدەسىندە ءوزى قول قويعان زاڭ بويىنشا نازارباەۆ قاۋىپسىزدىك كەڭەسىن ءومىر بويى باسقارۋعا قۇقىلى. سول زاڭعا سايكەس بۇل مەكەمە كەڭەس بەرۋشىدەن كونستيتۋتسيالىق مەكەمەگە اينالدى. قۇجاتتا كورسەتىلگەندەي، مەكەمەنىڭ ميسسياسى حالىقارالىق ارەنادا مەملەكەتتىڭ ۇلتتىق مۇددەسىن قورعاۋ، ۇلتتىق قاۋىپسىزدىك پەن قورعانىستى، ىشكى ساياسي تۇراقتىلىقتى قامتاماسىز ەتۋ، كونستيتۋتسيالىق قۇرىلىمدى ساقتاۋ.

ۇكىمەت قاۋلىسىنىڭ جوباسى، پرەزيدەنت جارلىعىنىڭ جوباسى، قازاقستان قارۋلى كۇشتەرىنىڭ جوعارعى قولباسشىلىعى پرەزيدەنتتىك رەزەرۆىن قالىپتاستىرۋ تۋرالى نەگىزدەمە ءساۋىردىڭ 12-سىنە دەيىن قوعامدىق تالقىلاۋدا بولادى.

ازات ەۋروپا / ازاتتىق راديوسى

Related Articles

  • لۋكاشەنكو رەسەيدىڭ قازاقستانعا مۇناي تاسىمالداۋعا رۇقسات بەرمەي وتىرعانىن ايتتى

    بەلارۋس پرەزيدەنتى الەكساندر لۋكاشەنكو. بەلارۋس پرەزيدەنتى الەكساندر لۋكاشەنكو 21 قاڭتاردا مينسك قالاسىندا مۇناي تاسىمالداۋ ماسەلەسىنە ارنالعان جيىندا “رەسەي قازاقستانعا بەلارۋسقا مۇناي ساتۋعا رۇقسات بەرمەي وتىرعانىن” ايتتى. “قازىر راسىمەن رەسەي مۇنايىن تولىق الماستىراتىن باسقا كوز جوق. مۇنايدى جان-جاقتان الۋ كەرەكپىز. ءبارىبىر مۇنايدىڭ 30-40 پايىزىن رەسەيدەن ساتىپ الامىز. قالعانىن30 پايىزىن بالتىق ەلدەرىنەن، 30 پايىزىن ۋكراينادان الۋىمىز قاجەت. ەگەر رەسەي كەلىسسە، قازاقستان دا بىزگە مۇناي جەتكىزىپ بەرە الادى. ءبىزدىڭ ءبىر وداقتاسىمىز ەكىنشى وداقتاسىمىزعا مۇناي تاسىمالداۋعا كەلىسىم بەرمەي وتىرعانى تاڭ قالدىرادى” دەدى لۋكاشەنكو. 2020 جىلدىڭ 1 قاڭتارىنان باستاپ رەسەي بەلارۋس ەلىنە مۇناي تاسىمالداۋدى توقتاتقان. وسىدان سوڭ بەلارۋس ەلىندە مۇناي تاپشىلىعى باستالدى. لۋكاشەنكو مەن رەسەي مۇناي تاسىمالداۋ تۋرالى بىرنەشە رەت كەلىسسوز جۇرگىزگەنىمەن ناتيجە شىقپادى. ازات

  • قاستەر مەن مۇراگەر قىتايعا قايتارىلمايدى

    سوت زايسان اۋدانى ارقىلى (شقو -اۆت.) «شەكارانى زاڭسىز كەسىپ ءوتتى» دەپ ايىپتالعان قاستەر مۇساحانۇلى مەن مۇراگەر ءالىمۇلىنا قاتىستى ۇكىم شىعاردى. ۇكىم وقىلار الدىندا «بوستاندىق» دەپ ايقايلاعان قاستەر مەن مۇراگەردىڭ جاقتاستارى سوت زالىنا باسىپ كىردى، دەپ حابارلايدى Azattyq ءRýhyتىلشىسى. قازاقستاننىڭ تۇكپىر-تۇكپىرىنەن جينالعان بەلسەندىلەر سوت وتىرىسى ءۇشىن كەڭىرەك زال بەرۋدى تالاپ ەتتى. سوت پروتسەسىنە كىرمەك بولعان ادامداردى پوليتسيا توقتاتپاقشى بولعانمەن، ولار ەسكەرتۋگە قۇلاق اسپادى. ءتىپتى، ايعايعا باسقان ازاماتتار ءتارتىپ ساقتاۋدى تالاپ ەتكەن پوليتسيا قىزمەتكەرلەرىن يتەرىپ، سىرتقا شىعارىپ تاستادى. تۇسكە دەيىن بولعان سوت وتىرىسىندا پروكۋرور ەرجان ازىمباەۆ قاستەر مۇساحانۇلى مەن مۇراگەر ءالىمۇلىن ءبىر جىلعا باس بوستاندىعىنان ايىرىپ، قىتايعا دەپورتاتسيالاماۋدى سۇراعان. ادۆوكات ءلاززات احاتوۆانىڭ ايتۋىنشا، پروكۋروردىڭ جەڭىل جازا سۇراۋىنا ەكى جىگىتتىڭ تەرگەۋمەن اشىق جۇمىس ىستەگەندەرى، ءارى كامەلەتتىك جاسقا تولماعان جاس بالالارىنىڭ

  • ازيا سوقپاعى قايدا اپارادى؟

    قۋانىشبەك قاري سولدان وڭعا قاراي: ازەربايجان پرەزيدەنتى يلحام اليەۆ، رەسەي پرەزيدەنتى ۆلاديمير پۋتين، قازاقستان پرەزيدەنتى قاسىم-جومارت توقاەۆ جانە فيليپپين پرەزيدەنتى رودريگو دۋتەرتە. ۆالداي پىكىرتالاس كلۋبى، سوچي، رەسەي، 3 قازان 2019 جىل. اقوردا سايتىنداعى سۋرەت. قازاقستان پرەزيدەنتىنىڭ سوچيدە ايتقان رەسەيدىڭ ورتالىق ازياداعى ورنى تۋرالى پىكىرىن ەلدەگى رەسمي ءباسپاسوز جاريالامادى. ساراپشىلاردىڭ كەيبىرى توقاەۆتىڭ ايتقاندارىن قىتايعا ساپاردان كەيىنگى اقتالۋ رەتىندە باعالاسا، كەيبىرى ديپلوماتيالىق ىلتيپاتپەن بايلانىستىرادى. وتكەن اپتادا رەسەيدىڭ سوچي قالاسىندا حالىقارالىق “ۆالداي” پىكىرتالاس كلۋبىندا سويلەگەن سوزىندە قازاقستان پرەزيدەنتى قاسىم-جومارت توقاەۆ رەسەيدى “ۇلى مەملەكەت” دەپ اتادى. قازاقستان باسشىسى ورتالىق ازيانىڭ رەسەي يمپەرياسىنىڭ ءبىر “بولىگى” بولعانىن ايتىپ، قازىر دە ماسكەۋدىڭ ورتالىق ازيادا “جەتەكشى ورىنعا يە بولۋى كەرەكتىگىنە” توقتالدى. الايدا ونىڭ رەسەي تۋرالى پىكىرى قازاقستانداعى رەسمي

  • نىگماتۋللينگە حات

    قۇرمەتتى نۇرلان زايرۋللاۇلى! تۇرىك پارلامەنتىنىڭ سپيكەرى م.شەنتوپ مىرزا ءبىزدىڭ ەلگە كەلىپ كەتكەننەن كەيىن ءبىراز ماسەلەنىڭ ءالى كۇنگە دەيىن باسى اشىلماي قالىپ وتىر. قازىرگە دەيىن نۇرشىلار مەن گۇلەنشىلەر سەكتاسى تۋرالى از جازىلعان جوق. فەتكۋللاح گۇلەننىڭ جۇمىسىنا ساراپتاما جاساپ قاراساق، ونىڭ جاماعاتىنداعى كاپيتالدىڭ جالپى كولەمى 50 ملرد دوللاردان اسىپ كەتەدى ەكەن. بۇل اقشانىڭ ءبارىن ولار زاڭدى جولمەن تاۋىپ وتىرعان جوق. «نۇرشىلاردىڭ» ەسىرتكى تاسىمالى مەن قارۋ- جاراق ساۋداسى سياقتى تابىسى كوپ كاسىپكە دە قاتىسى بولۋى مۇمكىن. تۇرىك ءباسپاسوزى وسىعان دەيىن ولاردىڭ تۇركياداعى بار كاپيتالدىڭ 30 پايىزىنا («يسلام كاپيتالى») دەيىن يەلىك ەتىپ وتىرعانىن تالاي رەت جازدى. مەملەكەت تاراپىنان قىسىم كورگەننەن كەيىن نۇرشىلار استىرتىن ارەكەتكە كوشىپ، سپەتسسلۋجباعا ۇقسايتىن ارناۋلى قىزمەتتى دە قۇرىپتى. ولار تۇركىتىلدەس حالىقتار

  • داۋدىڭ باسى داەش-تەن 2

    Eldes Orda ەستەرىڭىزدە بولسا وتكەن جىلدىڭ قازان ايىندا اتالمىش تاقىرىپ اياسىندا العاشقى پوستىمدى جاريالاعان ەدىم. ودان بەرى ءبىر جىلدىڭ كولەمىندە ايماقتىق ستراتەگيالىق ساياساتتا كوپ وزگەرىستەر تۇبەگەيلى ورىن الىپ جاتىر… سيريا اۋماعىنداعى داەش-ءتىڭ نەگىزگى قارۋلى كۇشتەرى ءدال بۇگىنگى ۋاقىتتا اۋعانىستان ايماعىنا توپتالىپ بولىپ قالدى دەسەك تە بولادى. سيرياداعى داەش كۇشى سوڭعى كەزدەرى السىرەدى دە، نەگىزگى قارۋلى توپتار ورتالىق ازيانى بەتكە الىپ اۋعان توپىراعىنا اعىلىپ كەتە باردى. داەش-ءتىڭ سيريا اۋماعىنداعى وسى ءبىر ءولارا ءالسىز تۇسىن ءجىتى باقىلاپ وتىرعان قازاقستان “جۋسان” جوباسىن ۇيىمداستىرا قويدى دا وڭىردەگى قانداستارىمىزدى ەلگە اكەلىپ الدى. بىراق، مىنانى انىق ءبىلۋىمىز كەرەك، وڭىردەگى ساياسي ويىن بۇنىمەن بىتكەن جوق، وڭىردەگى ساياسي ويىن ەندى باستالۋى بەك مۇمكىن… 2017′دەن بەرى سيريا اۋماعىنان جانە

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: