|  |  | 

جاھان جاڭالىقتارى ساياسات

اقش پەن قىتاي اراسىنداعى باسەكەدە ورتالىق ازيا تەكەتىرەس ارەناسىنا اينالا ما؟


قىتاي ليدەرى سي تسزينپين (وڭ جاقتا) مەن قازاقستاننىڭ سول كەزدەگى پرەزيدەندى نۇرسۇلتان نازارباەۆ باتىس قىتايدان باتىس ەۋروپاعا جۇك تاسيتىن تەمىرجولدىڭ اشىلۋ سالتاناتىندا. 8 ماۋسىم 2017 جىل.

قىتاي ليدەرى سي تسزينپين (وڭ جاقتا) مەن قازاقستاننىڭ سول كەزدەگى پرەزيدەندى نۇرسۇلتان نازارباەۆ باتىس قىتايدان باتىس ەۋروپاعا جۇك تاسيتىن تەمىرجولدىڭ اشىلۋ سالتاناتىندا. 8 ماۋسىم 2017 جىل.

قىتاي مەن اقش اراسىنداعى باقتالاستىقتىڭ ارتۋى ەۋرازيا ەلدەرىنە اسەر ەتپەي قويمايدى. سەبەبى قوس دەرجاۆا دا الەمنىڭ باسقا بولىگىمەن سالىستىرعاندا ەۋرازياعا وزگەشە ستراتەگيالىق كوزقاراسپەن قارايدى. بۇل قۇرلىق ەكى دەرجاۆا اراسىنداعى باسەكەدەگى نەگىزگى ارەناعا اينالا ما؟

پەكين مەن ۆاشينگتون قارىم-قاتىناسىنىڭ ناشارلاۋى 18-19 ناۋرىز كۇندەرى الياسكادا اقش پەن قىتايدان كەلگەن رەسمي تۇلعالاردىڭ اراسىندا وتكەن ەكىكۇندىك كەلىسسوزدە ايقىن كورىندى. كەزدەسۋدە ەكى تاراپ سوزبەن شارپىسىپ قالدى. الياسكاداعى كەزدەسۋ قوس مەملەكەتتىڭ قارىم-قاتىناسى تۇزەلۋى مۇمكىن دەگەن ءۇمىتتى جوققا شىعاردى.

بۇل – دجو بايدەن اقش پرەزيدەنتى بولىپ سايلانعالى الەمدەگى ءىرى ەكى دەرجاۆا وكىلدەرىنىڭ اراسىندا ءبىرىنشى رەت وتكەن جوعارى دەڭگەيلى جەكە كەلىسسوز ەدى. كەزدەسۋ الدىندا قوس تاراپ حالىقارالىق اقپارات قۇرالدارىنىڭ الدىندا ءبىر-ءبىرىن قاتاڭ سىناپ مىنەدى.

اقش-تىڭ مەملەكەتتىك حاتشىسى ەنتوني بلينكەن مەن ۇلتتىق قاۋىپسىزدىك جونىندەگى كەڭەسشى دجەيك سالليۆان قىتايدىڭ تايۆانعا قاتىستى اسكەري پوزيتسيا ۇستانۋىن، ەلدىڭ باتىسىنداعى شىڭجاڭ وڭىرىندە مۇسىلمانداردى لاگەرگە جابۋىن، گونكونگتاعى دەموكراتيانى باسىپ-جانشۋىن جانە اۆسترالياعا ەكونوميكالىق قىسىم كورسەتۋىن سىنادى.

الياسكادا وتكەن كەلىسسوزدەردە قىتاي سىرتقى ىستەر ءمينيسترى ۆان ي جانە ساياسي بيۋرو مۇشەسى ءارى قىتاي كوشباسشىسى سي ءتسزينپيننىڭ جوعارى شەندى ەلشىسى يان تسزەچي “اقش-تىڭ قىرعي-قاباق سوعىس كەزىندەگى مەنتاليتەتكە سۇيەنىپ”، الەم ەلدەرىن قىتايعا قارسى ايداپ سالۋعا تىرىسىپ وتىر دەپ ايىپتادى. ول اقش-تىڭ رەسمي تۇلعالارىن “ناسىلدىك ماسەلەلەر” ءۇشىن سوكتى.

اقش پەن قىتاي دەلەگاتسياسى الياسكاداعى كەزدەسۋدە وتىر. 18 ناۋرىز 2021 جىل.

اقش پەن قىتاي دەلەگاتسياسى الياسكاداعى كەزدەسۋدە وتىر. 18 ناۋرىز 2021 جىل.

بۇل شارپىسۋ پەكين مەن ۆاشينگتوننىڭ اراسىن سۋىتىپ، تەكەتىرەس الداعى جىلدارى ءورشي تۇسەتىنىن كورسەتتى. دەمەك، ەكى ەل اراسىنداعى سالقىندىقتى كورگەن باسقا ەلدەرگە ارقانى كەڭگە سالۋعا ءالى ەرتە.

اقش-قىتاي قارىم-قاتىناسىنداعى سالقىندىق شىعىس ەۋروپادان ورتالىق جانە وڭتۇستىك ازياداعى ەلدەرگە ءارتۇرلى اسەر ەتەدى.

كوپ ساراپشى اتالعان وڭىردە قىتايدىڭ ەكونوميكالىق جانە ساياسي ىقپالى ارتىپ كەلە جاتقانىن، بۇل بولاشاقتا ۆاشينگتوننىڭ قارسىلىعىن تۋعىزۋى مۇمكىن ەكەنىن ايتادى. بىراق قوس مەملەكەت اراسىنداعى تەكەتىرەستىڭ نەگىزگى تاقىرىبى قىتايدىڭ شىعىسىنداعى وڭتۇستىك قىتاي تەڭىزى مەن تايۆان بولادى.

“ەۋرازيا اقش پەن قىتاي باقتالاستىعىنىڭ ورتاسىندا تۇرعان جوق. بۇل ەۋرازيا ماڭىزدى ءوڭىر بولۋدان قالادى دەگەندى بىلدىرمەيدى، بىراق نەگىزگى باسەكە قىتايدىڭ باتىس قاقپاسىندا ەمەس، شىعىس جاعالاۋىندا جۇرەتىن بولادى” دەيدى دجونس حوپكينس ۋنيۆەرسيتەتىنىڭ پروفەسسورى جانە اقش مەملەكەتتىك دەپارتامەنتىنىڭ وڭتۇستىك ازيا تاقىرىبىن زەرتتەگەن بۇرىنعى قىزمەتكەرى دەنيەل ماركي.

شىعىس جاعالاۋ VS باتىس قاقپا

بۇل ءوڭىردىڭ باستى نازاردا ەكەنىن كورسەتۋ ءۇشىن اقش-تىڭ رەسمي تۇلعالارى الياسكاداعى كەلىسسوزدەردىڭ الدىندا جاپونيا مەن وڭتۇستىك كورەياداعى وداقتاستارىمەن كەزدەسىپ، قىتايعا قاتىستى ءىس-قيمىلداردى تاعى ءبىر پىسىقتاپ الدى. ال توكيو مەن سەۋل ءۇشىن قىتاي قاۋىپسىزدىك سالاسىنداعى باستى ماسەلە سانالادى.

پەكين كەزدەسۋدىڭ كۇنتارتىبىنە كولەمدى ماسەلەلەر شىعارىپ، بۇكىل الەمدە قىتايعا دەگەن سەنىم ارتىپ كەلە جاتقانىن كورسەتۋگە تىرىستى. قىتاي ەكونوميكاسى اقش پرەزيدەنتى دونالد ترامپپەن بولعان ساۋدا سوعىسىنا توتەپ بەرىپ، پاندەميا سالدارىنان تۋعان قارجىلىق قيىندىقتاردى ەڭسەردى.

بۇعان كەيىنگى ونجىلدىقتا قىتايدىڭ ەكونوميكالىق جانە ساياسي ىقپالىن ارتتىرۋ ءۇشىن ء“بىر بەلدەۋ – ءبىر جول” ينفراقۇرىلىمدىق جوباسىن جۇزەگە اسىرىپ، ەۋرازياداعى ءرولىن نىعايتۋى سەبەپ بولىپ وتىر.

ء“بىر بەلدەۋ – ءبىر جول” باستاماسىنىڭ اياسىندا جۇزەگە اسقان جوبالاردىڭ ىقپالى ارتىپ، قىتاي ءۇشىن ەۋرازيا گەوساياسي زەرتحاناعا اينالدى. ال قىتايدىڭ مەملەكەتتىك بانكتەرى تاۋەكەل دەپ قىمبات قۇرىلىس جوبالارىن قارجىلاندىرۋ ارقىلى ءوز كومپانيالارىنا جاڭا مۇمكىندىكتەر اشىپ، پەكيننىڭ ىقپالىن ودان ءارى كۇشەيتتى. قازىر قىتاي پاكىستانداعى گۆادار پورتى، ورتالىق ازيا ارقىلى وتەتىن تەمىر جول جانە يرانداعى كولەمدى بولعانىمەن، ماسەلەسى كوپ مۇناي سەكتورى سياقتى ستراتەگيالىق نىساندارعا ينۆەستيتسيا قۇيىپ وتىر.

“پەكيننىڭ ەۋرازياداعى ارەكەتتەرى ۇلكەن ماڭىزعا يە. قىتاي ماقساتىنا جەتسە، بۇل جوبالار ارى قاراي دا ماڭىزدى بولىپ قالا بەرەدى. بىراق بۇل وڭاي جەڭىس بولمايدى” دەيدى ماركي.

شىعىس ازيا ءالى دە اقش-تىڭ اسكەري بازاسى مەن وداقتاستارى شوعىرلانعان ءوڭىر سانالادى، ال ەۋرازيا پەكينگە قاستىعى از ءارتۇرلى مەملەكەتتەردەن تۇراتىن قۇراق كورپەگە ۇقسايدى.

قىتايدىڭ ء“بىر بەلدەۋ – ءبىر جول” جوباسى ارقىلى ەكسپانسيانى باتىسىنداعى وڭىردەن باستاۋىنا شەتەلدىك كاپيتالدى اڭساعان، ارباۋعا تەز كونەتىن ۇكىمەتتەر، اقش-تىڭ اسكەري بازالارى جابىلعان ۇلكەن تەرريتوريا جانە امەريكا اسكەرىنىڭ اۋعانستاننان كەتە باستاۋى سەبەپ بولعان.

“قىتاي باتىس ەلدەرىمەن اشىق قاقتىعىسقا شىققىسى كەلمەدى. سوندىقتان ەۋرازيادان مۇمكىندىكتەر ىزدەيتىن ستراتەگياسىنا كوشتى. اقش اسكەرىنىڭ اۋعانستاننان كەتۋىمەن بىرگە قىتايدىڭ وڭىردەگى ىقپالى ارتا تۇسەدى” دەيدى تەحاستاعى A&M ۋنيۆەرسيتەتىنىڭ ورتالىق ازيا بويىنشا ساراپشىسى ەدۆارد لەمون.

ەۋرازيالىق مۇددە

امەريكانىڭ ەۋرازياداعى پروتسەستەرگە ارالاسۋى بىركەلكى ەمەس. بايدەن اكىمشىلىگى ءۇشىن يران ءالى دە ماڭىزدى ماسەلە سانالسا، ۆاشينگتون سىرتقى ساياساتىندا ورتالىق ازياعا باسىمدىق بەرىپ وتىرعان جوق.

اقش-تىڭ ورتالىق ازياعا قىزىعۋشىلىعى مەن وڭىردەگى ىقپالى سوۆەت وداعى تاراعاننان كەيىن بىرەسە كۇشەيىپ، بىرەسە باسەڭدەپ وتىردى. اسىرەسە، اقش اۋعانستانعا اسكەر الىپ كىرىپ، تەرروريزمگە قارسى اسكەري وپەراتسيا باستاعاننان كەيىن ونىڭ ورتالىق ازياداعى ءرولى ءبىرشاما ارتتى.

ۆاشينگتون قىتاي مەن رەسەيدى باستى قارسىلاسى كورەتىندىكتەن، ورتالىق ازيا قايتادان الەم نازارىنا ءىلىندى. بىراق ۆاشينگتون ورتالىق ازياعا پەكين سياقتى قىرۋار قارجى جۇمساپ، ماسكەۋ سياقتى بەلسەندىلىكتى ارتتىرۋعا ىنتالى بولمايتىن سياقتى.

اقش-قىتاي قارىم-قاتىناسىنىڭ ۋشىعۋىمەن قاتار شىڭجاڭداعى قۋعىن-سۇرگىن ماسەلەسى ء(ارتۇرلى دەرەكتەر بويىنشا، قىتاي بيلىگى وڭىردە ءبىر ميلليونعا جۋىق ۇيعىر مەن باسقا دا مۇسىلمانداردى لاگەرلەردە ۇستاپ وتىر) ءجيى تالقىلاناتىن بولادى. اقش پەن باتىس ەلدەرى قازىردىڭ وزىندە لاگەرلەر تۋرالى ءجيى ايتا باستادى. 22 ناۋرىزدا ەۋروپا وداعى پەكيننىڭ شىڭجاڭداعى ارەكەتىنە بايلانىستى قىتاي شەنەۋنىكتەرىنە قارسى سانكتسيا سالدى.

قىتايدىڭ شىڭجاڭ ولكەسىندە جۇرگەن پوليتسەيلەر. 2014 جىلى تۇسىرىلگەن سۋرەت.

وقي وتىرىڭىز

ەو، اقش، بريتانيا جانە كانادا قىتايعا سانكتسيا سالدى. باتىس مۇنىمەن توقتاماق ەمەس

كەيىنگى جىلدارى پەكين قازاقستان، قىرعىزستان جانە تاجىكستانمەن شەكارالاس شىڭجاڭ وڭىرىندە باقىلاۋدى كۇشەيتىپ، جەرگىلىكتى تۇركىتىلدەس مۇسىلمان حالىقتاردى قۋدالاي باستاعان.

بۇل ساياساتتىڭ نەگىزگى زاردابىن ۇيعىرلار كوردى، بىراق لاگەردە وتىرعان ەتنيكالىق قازاقتار مەن قىرعىزدار دا جەتىپ ارتىلادى. وسىنىڭ ءبارى قىتايدىڭ بەدەلىنە ەداۋىر نۇقسان كەلتىردى.

2020 جىلى اقپاندا اقش-تىڭ سول كەزدەگى مەملەكەتتىك حاتشىسى مايك پومپەو ورتالىق ازياعا ساپارى بارىسىندا قىتايدىڭ بۇل ايماقتاعى رولىنە نازار اۋدارىپ، جەمقورلىق، كرەديت جانە شىڭجاڭداعى قۋعىن-سۇرگىن ماسەلەسىنە قاتىستى الاڭداۋشىلىق بىلدىرگەن. ءىرى دەرجاۆالارمەن جاقسى قارىم-قاتىناسىن ساقتاپ، پەكين مەن ماسكەۋدىڭ ايماقتاعى ءرولىن ەسكەرىپ، ۆاشينگتوننان ىرگەسىن اۋلاق ۇستاۋعا تىرىساتىن جەرگىلىكتى بيلىككە اقش وكىلىنىڭ قىتايعا قارسى ايتقان سىنى ۇنامادى.

“ورتالىق ازيا اقش-قىتاي باقتالاستىعىنىڭ نەگىزگى الاڭى بولمايدى، بىراق قوس مەملەكەت اراسىنداعى قارىم-قاتىناستىڭ ۋشىعىپ، باسەكەنىڭ ارتقانىن ەسكەرسەك، بۇل مايداننان تىس قالۋ قيىن بولاتىن سياقتى” دەيدى گارۆاردتىڭ قىتايدىڭ ورتالىق ازياداعى ءرولىن زەرتتەۋمەن اينالىساتىن اعا عىلىمي قىزمەتكەرى نارگيس قاسەنوۆا.

بىراق ساياسي احۋال ناشارلاپ، پەكين مەن ۆاشينگتون اراسىنداعى باسەكەنىڭ ارتۋىنا قاراماستان، قوس مەملەكەت تە ورتالىق ازيا مەن ونىڭ سىرتىنداعى ەلدەرمەن قارىم-قاتىناسىندا ءداستۇرلى ادىسىنەن جاڭىلمايدى.

قىتاي ليدەرى سي تسزينپين (سول جاقتا) مەن رەسەي پرەزيدەنتى ۆلاديمير پۋتين (وڭ جاقتا) ماسكەۋدە كەزدەسكەن ءسات. 5 ماۋسىم 2019 جىل.

قىتاي ليدەرى سي تسزينپين (سول جاقتا) مەن رەسەي پرەزيدەنتى ۆلاديمير پۋتين (وڭ جاقتا) ماسكەۋدە كەزدەسكەن ءسات. 5 ماۋسىم 2019 جىل.

قاسەنوۆانىڭ ايتۋىنشا، اقش پەن قىتاي اراسىنداعى تەكەتىرەس شاعىن مەملەكەتتەرگە قيىندىق تۋعىزادى. “ويتكەنى ولار ۆاشينگتونمەن قارىم-قاتىناسى ناشارلاعان سوڭ، قىتايعا جاقىنداي تۇسكەن رەسەيمەن بايلانىسىن دا ساقتاپ قالعىسى كەلەدى” دەيدى ول.

ساراپشىنىڭ سوزىنشە، سىرتقى نەگىزگى ويىنشىلار ورتالىق ازيانى نەمەسە ونىڭ كورشىلەرىنىڭ جەرىن جاڭا قاقتىعىس الاڭىنا اينالدىرعىسى كەلمەيدى.

“ولار ءاردايىم جەرگىلىكتى ەرەكشەلىكتەرگە قۇرمەتپەن قاراپ كەلگەن. ارى قاراي دا سولاي بولا بەرەتىن سياقتى” دەيدى ول.

ازات ەۋروپا / ازاتتىق راديوسى

Related Articles

  • الەم الپاۋىتتارىنىڭ ستراتەگيالىق كەزدەسۋلەرى نەگە جيىلەدى؟ (شاعىن ساراپتاما)

    ناۋرىزدىڭ 18- كۇنى اقش سىرتقى ىستەر ءمينيسترى انتوني بلينكەن مەن قىتاي سىرتقى ىستەر ءمينيسترى ۆان ي (王毅) الياسكادا اسا ماڭىزدى كەزدەسۋ جاسادى. وسى كەزدەسۋدەن سوڭ قوس ۇيەككە جىكتەلگەندەي بولعان ەكى جارتى شاردىڭ الپاۋىتتارى توقتاۋسىز ستراتەگيالىق كەزدەسۋلەردى بىرىنەن سوڭ ءبىرى باستاپ كەتتى. اقش سىم’لەرى جاپون، كورەيا، ۇندىستانمەن ماڭىزدى كەزدەسۋلەر جاساپ جاتقاندا 22- ناۋرىز رەسەي سىرتقى ىستەر ءمينيسترى لاۆروۆ گۋيليندە قىتاي ءسىم’ى ۆان ي-مەن كەزدەستى. 24- ناۋرىز تۇركيا ءسىم’ى مەۆليۋت چاۆۋشوگلۋ (Mevlüt Çavuşoğlu) بريۋسسەلبەگى ناتو سىم’لەرىنىڭ باسقوسۋىندا اقش-تىڭ ءسىم بلينكەنمەن كەزدەستى. 27- ناۋرىز قىتاي-يران سىرتقى ىستەر مينيسترلەرى اسا ماڭىزدى تاريحي كەزدەسۋ جاسادى دا اسا ءىرى ستراتەگيالى قۇجاتقا قول قويدى. يران وسى ماڭىزدى كەلسىمنەن سوڭ ورتالىق ازيا ەلدەرىن بەتكە الىپ 7- ءساۋىر ءبىزدىڭ

  • كەنەسارى حان ءۇشىن قۋانىپ وتىرا بەرۋدىڭ پايداسى قانشا؟

    رەسەي قورعانىس مينيسترلىگى ورتالىق اسكەري وكۋرگىنىڭ ءباسپاسوز قىزمەتى ءساۋىردىڭ ەكىنشى كۇنى ءىرى كولەمدى اسكەري جاتتىعۋلاردىڭ الداعى ۋاقىتتا ودان ارى جالعاسا بەرەتىنىن ايتقانىن بىلەسىزدەر. ورتالىق اسكەري وكۋرگ قولباسشىسى گەنەرال-پولكوۆنيك الەكساندار لاپين، ورتالىق ازيا ايماعىنداعى 2-ءشى جانە 41-ءشى بىرىككەن جويقىن قارۋلى كۇشتەردىڭ قاتىسۋىمەن دە ءىرى كولەمدى اسكەري جاتتىعۋلار وتكىزەتىنىن حابارلاعان ەدى. قازاق، قىرعىز جانە تاجىك تەرريتورياسىنداعى اسكەري نىسانداردى دا قامتيتىن ورتالىق اسكەري وكۋرگتىڭ الداعى ءىرى كولەمدى اسكەري جاتتىعۋى ورتالىق ازياعا كوزالارتىپ وتىرعان توڭىرەكتەگى ايماقتىق كۇشتەر مەن دەرجاۆالاردىڭ نازارىن اۋداراتىنى انىق. وسىنداي تۇستا بىزگە سۇيەگى الدە-قاشان ءشىرىپ كەتكەن كەنەسارى حان ءۇشىن قۋانىپ وتىرا بەرۋدىڭ پايداسى قانشا؟ ءساۋىر بويى وسى “قۋانىشتىڭ” بۋىمەن ءماز-مايرام بەيعام وتىرعاندا رەسەيدىڭ بىزدەگى اسكەري نىساندارى كەلەلى ستراتەگيالىق ءىس-قيمىلىن جۇزەگە اسىرىپ

  • ۋكراينا مەن رەسەي اراسى نە بولىپ جاتىر؟ 6 سۇراققا جاۋاپ

    مايك ەككەل رەسەي اسكەري كۇشتەرى قىرىمداعى جاتتىعۋ جيىنىندا. 19 ناۋرىز، 2021 جىل. كەيىنگى كۇندەرى الەۋمەتتىك جەلىدە رەسەيلىك اۋىر اسكەري تەحنيكا تيەلگەن پويىزداردىڭ بىرنەشە ۆيدەوسى تارادى. ءتۇرلى اقپارات كوزدەرى پويىزداردىڭ سىبىردەن ۋكراينامەن شەكارالاس اۋداندارعا بارا جاتقانىن ايتادى. ال رەسەي باقىلاۋىنداعى قىرىم كوپىرى قىسقا ۋاقىتقا جابىلىپ قالعان. بۇل دا قارۋ-جاراق تاسىمالىنا بايلانىستى بولۋى مۇمكىن. رەسەيدىڭ مەملەكەتتىك تەلەارنالارى بولسا، ۋكراينا مەن رەسەيدىڭ قولداۋىنا يە سەپاراتيستىك كۇشتەردىڭ شارتتى شەكاراسىندا ارتيللەريالىق اتىس بولىپ جاتىر دەگەن ۇرەيلى اقپار تاراتۋمەن الەك. مۇنىڭ ءبارى ۋكراينا مەن رەسەي اراسىنداعى “قىرعي-قاباق” سوعىس كەسكىلەسكەن شايقاسقا اينالادى دەگەندى بىلدىرە مە؟ ازاتتىق ماسەلەنىڭ جاي-جاپسارىن ءتۇسىندىرۋ ءۇشىن ۋكراينا-رەسەي تەكەتىرەسىنە قاتىستى التى نەگىزگى سۇراققا جاۋاپ ۇسىنىپ وتىر. ۋكراينانىڭ شىعىسىندا ونسىز دا سوعىس بولىپ جاتقان جوق

  • “سانكتسيالار مەن وتكىر مالىمدەمەلەر سايىسى”. بايدەن كەلگەلى ءۇش دەرجاۆا اراسى نە بولىپ جاتىر؟

    يۋري جيگالكين اقش پرەزيدەنتى دجو بايدەن ءباسپاسوز ءماسليحاتى كەزىندە جۋرناليستەر سۇراعىنا جاۋاپ بەرىپ تۇر. بايدەن اكىمشىلىگىنىڭ قىتاي مەن رەسەيگە قارسى شىعۋ سەبەبى نە؟ اق ءۇي كرەملگە ءىرى سانكتسيا سالا ما؟ “سولتۇستىك اعىن-2″ گاز قۇبىرىنىڭ بولاشاعى قانداي؟ بايدەننىڭ ءسوزى مەن ءىسى ءبىر جەردەن شىعا ما؟ قىتاي نەلىكتەن اقش مەمحاتشىسىنا وتكىر جاۋاپ قايتاردى؟ ازاتتىقتىڭ ورىس قىزمەتى كاليفورنياداعى گۋۆەر ينستيتۋتىنىڭ قىزمەتكەرى، ەكونوميست پول گرەگوريمەن، ساياساتتانۋشى، ۆاشينگتونداعى كەننان ينستيتۋتى ديرەكتورىنىڭ ورىنباسارى دەۆيد ساتتەرمەن جانە ماسساچۋسەتستەگى ەنديكوت كوللەدجىنىڭ قىتاي بويىنشا مامانى ۆيتالي كوزىروۆپەن وسى جانە وزگە دە ماسەلەلەردى تالقىلادى. دجو بايدەن پرەزيدەنت بولعالى ەكى ايدان استى. وسى ۋاقىتتا ول سىرتقى ساياساتتا ەشكىم كۇتپەگەن ارەكەتتەرگە باردى. “سايلاۋعا قول سۇقسا، رەسەي ترامپتى، ال قىتاي بايدەندى قولدايدى”. بىلتىر پرەزيدەنت سايلاۋىندا امەريكالىق ساراپشىلار وسىلاي

  • «ارون اتابەككە اراشا سۇرايمىز!»

    ۇلىقبەك ەسداۋلەت، ولجاس سۇلەيمەنوۆ، مۇرات اۋەزوۆ باستاعان ءبىر توپ زيالى قاۋىم وكىلدەرى، قالامگەرلەر تۇرمەدەگى اقىن ارون اتابەككە اراشا سۇراپ، پرەزيدەنت قاسىم-جومارت توقاەۆقا حات جازىپتى. بۇل تۋرالى بەلگىلى زاڭگەر شىنقۋات بايجانوۆ ءوزىنىڭ جەلىدەگى پاراقشاسىندا جازدى. «ۇلىقبەك ەسداۋلەت مىرزا، ولجاس سۇلەيمەنوۆ مىرزا، مۇرات اۋەزوۆ مىرزا باستاعان ءبىر توپ قازاق مايتالماندارى ارقالى اقىن ارون اتابەككە جان ساۋعا سۇراپ قازاقستان پرەزيدەنتى توقاەۆ قاسىم-جومارت كەمەلۇلىنا ءوتىنىش حات جولدادى. قازاقستاننىڭ بارلىق زيالى قاۋىمى قول قويۋعا ءوتىنىش بىلدىرگەن، بىراق، پاندەمياعا بايلانىستى ولاردىڭ قولدارىن قويعىزۋ مۇمكىن بولمادى. پرەزيدەنت مىرزا! جان ساۋعا سۇراۋ قازاق حالقىنىڭ ەجەلدەن كەلە جاتقان اتا سالتى، ەگەر ەل اقساقالدارى، اقىندارى ءوتىنىش جاساعاندا ودان ەشبىر حان اتتاپ كەتپەگەن. ءسىز دە اتا سالتىن ساقتاپ، 68 جاستاعى جۇرەك

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: