AQŞ ortalıq barlau basqarmasınıñ (CRU) basşısı Uil'yam Berns ötken aptada Kievke jasırın kelip, Ukraina prezidenti Vladimir Zelenskiy jäne ukrain barlau qızmetiniñ basşılarımen kezdesken. Bwl jöninde derekközge süyengen The Washington Post basılımı jazdı.

Basılım derekköziniñ aytuınşa, Berns Zelenskiyge Reseydiñ Ukrainada josparlap otırğan äreketteri turalı habar bergen.

Amerika barlauşıları men batıs sarapşıları Mäskeu ukrain armiyasınıñ oq-däri tausılıp bara jatqanın paydalanıp, aldağı uaqıtta jaña şabuıl dayındap otırğanın joqqa şığarmaydı.

Dereközdiñ aytuınşa, Zelenskiy AQŞ Kongresiniñ ökilder palatasında baqılau demokrattardan respublikalıqtarğa köşkennen keyin Ukraina AQŞ pen Batıs elderine qanşalıqtı arqa süyey aladı degen swraqtıñ jauabın bilgisi kelgen.

Basılımnıñ jazuınşa, Berns kömek alu säl qiınday tüsetinin rastağan.

WP jazuınşa, degenmen Zelenskiy men kömekşileri kezdesuden Bayden äkimşiliginiñ Kievti qoldau nietiniñ azaymaytındığına senimdi küyde şıqqan. Al jeltoqsan ayında Kongress qabıldağan 45 mlrd dollar kölemindegi kömek 2023 jıldıñ mausım-tamızına deyin jetui tiis.

Uil'yam Berns bwğan deyin Kievte qazan jäne qaraşa aylarında bolğan. 

Qaraşa ayında CRU basşısı Resey sırtqı barlau qızmetiniñ jetekşisi Sergey Narışkinmen Ankarada kezdesken. AQŞ pen Reseydiñ lauazımdı twlğaları soğıs bastalğalı beri alğaş ret sol kezde kezdesken. Taraptar Reseydiñ yadrolıq qaru qoldanu qaupi mäselesin talqılağan.