«جامان ايتپاي جاقسى جوق»!سەپاراتيزممەن، ماڭگۇرتيزممەن ساقتانايىق!
نۇرلان ءسادىرءدىڭ facebook پاراقشاسىنان .
بارلىق ادامنىڭ بويىندا ىشەك تاياقشاسى (كيشەچنايا پالوچكا، escherichia سoli) دەگەن باكتەريا بار. سەبەبى، ول – توق ىشەكتەگى قالىپتى ميكروفلورانىڭ وكىلى، قالىپتى جاعدايدا ادامعا الىپ بارا جاتقان اسا زيانى دا جوق، كەرىسىنشە بىرقاتار پايدالى قىزمەتتەر اتقارادى، سونىڭ ىشىندە ىشەك اۋرۋىن تۋدىراتىن باكتەريالارعا،شىرىتكىش باكتەريالارعا، Candida تۋىستىعىنداعى ساڭىراۋقۇلاقتارعا انتاگونيست (جاۋ)بولىپ كەلەدى; «ە»، «ك» توبىنداعى ۆيتاميندەردى سينتەزدەۋگە قاتىسادى،كلەتچاتكانى جارتىلاي ىدىراتادى. بىراق سانيتارلىق دارىگەرلەر بۇل باكتەريانى اۋىز سۋىنان تابا قالسا دۇرلىگىپ كەتەدى، ولاردىڭ ويبايلايتىنداي دا ءجونى بار، ىشەك تاياقشاسى – قورشاعان ورتا نىساندارىنىڭ فەكالدى لاستانۋىن انىقتايتىن سانيتارلىق-كورسەتكىش باكتەرياسى (سانيتارنو-پوكازاتەلنايا باكتەريا) بولىپ تابىلادى. قاراپايىم سوزدەرمەن ايتقاندا، قورشاعان ورتادان، مىسالى سۋدان مومىن ميكروورگانيزم – ىشەك تاياقشاسىنىڭ تابىلۋى بۇل سۋدىڭ ادامنىڭ ۇلكەن دارەتىمەن (ال بۇل دارەتتە ءبىزدىڭ تاياقشادان الدەقايدا تەنتەك ميكروبتاردىڭ ءورىپ جۇرەتىنى ايتپاسا دا تۇسىنىكتى شىعار ) لاستانعانىن بىلدىرەدى.
گەورگي تاسپاسى دا سول سياقتى، ءبىر قاراساڭ – قاراپايىم ءبىر شۇبەرەك، قالىپتى جاعدايدا ەش زيانى جوق، كەرىسىنشە مالدىڭ موينىنا بايلاۋعا، كلاسسيكالىق (سوزىلمايتىن) دامبالباۋ سياقتى ۋاق-تۇيەك ىستەرگە ابدەن جاراپ قالادى. بىراق قورشاعان ورتادا، مىسالى قوعامدىق ورىنداردا بۇل تاسپانىڭ انىقتالۋى، اسىرەسە كوبەيۋى وسى ورتانىڭ سەپاراتيزممەن، ماڭگۇرتيزممەن ، بوتەنيمپەريالىق ساياساتپەن بىلعانعانىن كورسەتەدى. قورشاعان ورتادا ىشەك تاياقشاسى تابىلعان جاعدايدا سانيتارلىق دارىگەرلەر دابىل قاعاتىنى سىقىلدى، قوعامدا گەورگي تاسپاسى بەلەڭ العاندا مەملەكەت پەن مەملەكەتشىل قاۋىم ءدۇر ەتە قالۋى كەرەك ەدى، بىراق وكىنىشكە وراي ساناۋلى جەكەلەگەن ازاماتتاردىڭ جانايقايى مەن ۇكىمەتتىڭ كەيبىر جارتىكەش ءھام بىلقىلداقتاۋ ءسوز بەن ىستەرىنەن باسقا كوپ ەشتەڭە بايقالمايدى. مەن ءوزىمدى ورىسشا ايتقاندا زاكونوپوسلۋشنىي گراجدانين-مىن دەپ سانايمىن، سوندىقتان سەپاراتيزم مەن وتارلاۋ سيمۆولىن تاققانداردىڭ بارىپ جاعاسىنان الا قويماسپىن، بىراق ىندەتتىڭ الدىن الۋعا اسا كوڭىل بولەتىن بۇرىنعى سانيتارلىق دارىگەر رەتىندە مىنا نارسەگە نازار اۋدارعىم كەلەدى – ىشەك تاياقشاسى مەن گەورگي تاسپاسىنىڭ كورسەتكىشتىك ءمانى زور، ياعني بۇل باكتەريا مەن شۇبەرەك ەرتەڭ بالەنىڭ قاي جەردەن شىعاتىنىن شۇقىپ كورسەتەتىنىمەن ماڭىزدى. سوندىقتان، «جامان ايتپاي جاقسى جوق»، دياگنوستيكالىق جانە كلينيكالىق تۇرعىدان العاندا قۇندى جەرلەردى جاتتاپ الىڭىزدار.
گۇرجى ەلى. گرۋزيا.
facebook الەۋمەتتىك جەلىسىنەن الىندى.
پىكىر قالدىرۋ