Qazaqtıñ oyu-örnegimen oyılıp, wlttıq naqışpen ärlengen bwyımdardıñ qatarı kün sanap artıp keledi. Äsirese qazaqstandıq baylardıñ arasında elimizdiñ simvolına aynalğan erekşe dünielerdi wstau sänge aynalğan.  Sonıñ biri  – Ulysse Nardin brendiniñ qazaq baylarına arnap şığarğan qol sağattarı. Bwyımnıñ barlığı jeke tapsırıspen, eksklyuzivti türde qoldan jasalğan dep jazadıztb.kz-ke silteme jasap NUR.KZ.

1. Sağattıñ bwl nwsqası jaqında ğana jarıqqa şığıp, äuesqoylardıñ arasında ülken swranısqa ie bolğan. Sağattıñ cifrli betinde elimizdiñ kök tuı beynelengen. Atalğan aksessuardıñ nebarı 10 danası ğana dayındalıptı.  DeWitt Academia Kazakhstan –nıñ erekşeligi sol, 2 sağattıq belbeudi jäne el öñirindegi 24 qalanıñ atın körsetedi. Sağattıñ qwnı Şveycariyada 14 300 dollar. Atalğan somağa qol sağattıñ kauçuk jäne temir bauları kiredi.

2. Ulysse Nardin Altyn Adam Unique Piece

«Altın adam» dep atalatın bwl qol sağat nebarı 1 danamen ğana şığarılğan nağız wlttıq naqıştağı, eksklyuzivti aksessuar. Bwyım alğaş ret Almatıda ötken Luxe Expo –da körsetildi. Sağattıñ cifrli betinde «Altın adamnıñ» sureti beynelengen. Sağattıñ diametri 40 mm, korpusı men tilderi 18 karattıq külgin altınnan jasalğan. Sonday-aq sağattıñ bastı erekşeligi – betki äynegi jaqwt tastan. Al, artqı qaqpağında Qazaqstannıñ tuı beynelengen.

3. Ulysse Nardin Astana Limited Edition

dep atalatın bwl sağat Astana qalasına arnalğan jäne sanı da şekteuli. Erekşe jobanı Ulysse Nardin jäne First Media Group kompaniyaları birige otırıp jasağan. Jaña ülgini äuesqoylar «nağız eksklyuziv» dep ataydı. Sebebi älem boyınşa nebarı 25 danası bar. 15 danasınıñ bauı – Soltüstik Amerikalıq qoltırauınnıñ terisinen, al qalğan 10 danasıniki – kauçukten. Sağattıñ artqı qaqpağında Bäyterek mwnarası beynelengen.

4. Louis Moinet Kazakhstan Tourbillon Unique Piece

Bwl sağat älemde jalğız danamen ğana jasalğan. Qwnı 245 mıñ euro. Sağattıñ betinde Qazaqstannıñ eltañbası beynelengen.

5. Ulysse Nardin Oil Pump

Bwl sağat ta sirek kezdesetin, eksklyuziv bolıp sanaladı. Sebebi onıñ älem boyınşa 5 danası ğana şığarılğan. Bwyım Qazaqstannıñ mwnay öndirisiniñ qwrmetine arnaladı. Aksessuardıñ betinde qazaq jeriniñ kartası jäne ondağı mwnay oşaqtarı altınmen beynelengen. Bastı erekşelikteriniñ biri – ärbir sağat sayın gonga aspabınıñ erekşe dauısı şığadı.

First Media Group kompaniyasınıñ basşısı, eks-deputat Güljan Qaraqwsovanıñ küyeu balası Beybit Älibekov atalğan sağattardıñ şığu tarihın jaqsı biledi jäne bolaşaqtağı jaña tuındılar jaylı da oyımen bölisdi.

«Luxe EXPO-nıñ merekelik jiını kezinde Ulysse Nardin-diñ sağattarın Qazaqstanğa arnap şığaru ideyası tuındadı. Bwl eñ tanımal markanıñ biri. Sağattıñ bastı erekşeligi –  azamattardıñ elimizge degen süyipenşiligin körsetudi közdedik.  Atalğan kompaniya jobamızdı ülken ıqılaspen qabıldadı. Sebebi, Qazaqstan narığı sağat satıp alatın bastı elderdiñ biri. Osılayşa birden 2 jobanı yağni, «Ulysse Nardin Astana» men «Ulysse Nardin Altyn Adam-dı» qolğa aldıq. Biıldıqqa 6 sağattıñ jobası äzirlenip, dayındalu üstinde. Olardı sizder Luxe EXPO-nıñ merekelik jiını kezinde köre alasızdar. Dağdarıstan zardap şekkenniñ biri osı sağat industriyası. Ol tek bwyım ğana emes, atadan balağa mwra bolar investiciya, eger eksklyuzivti jasalğan bolsa, jıl ötken sayın bağası köterilmese, tömendemedi. Men Qazaqstandağı brendtik sağattar bolaşaqta tarihi qwndılığın saqtap qaladı degen oydamın. Sonday-aq biılğı jıl sağat jasauşılar üşin de, satıp aluşığa da ekonomikalıq jağınan auır boları sözsiz. Bastı maqsat jobanı jauıp almau. Sebebi, satılğan altın sağattardan tüsken qarajattıñ barlığı qaterli isikke şaldıqqa jandardıñ emine jwmsalatın edi», – deydi Beybit Älibekov.