Türkiyadan kelgen taekvondoşı Qazaqstan atınan Rioğa baradı
Filippinniñ Manila qalasında taekvondodan Rio olimpiadasına Aziya qwrlığı boyınşa irikteu jarısı ayaqtaldı.
Jarıstıñ ekinşi küni Qazaqstan qwramasınan Jansel' Deniz Rio olimpiadasına joldamağa ie boldı. Ol şirek finalda päkistandıq Najiya Rasooldı, jartılay finalda v'etnamdıq Thi Ngueindı, al finalda özbekstandıq Nigora Tursunkulovanı jeñip, jarıs jeñimpazı atandı. Türkiyada tuıp-ösken Jansel' Deniz 2014 jılı Qazaqstan azamattığın alıp, qwrama qatarına qabıldanğan.
58 kilogramda sınğa tüsken 2010 jılğı Aziya oyındarınıñ kümis jüldegeri Nwrswltan Mamaev şirek finalda jeñilip, olimpiada joldamasınan qwr qaldı.
Osılayşa, Qazaqstan Rio olimpiadasına üş taekvondoşı aparadı. Jarıstıñ alğaşqı küni Ruslan Japarov pen Aynwr Esbergenova olimpiada licenziyasın ielengen.
Qazirgi uaqıtta Qazaqstan wlttıq qwramasında 65 olimpiada joldaması bar. Riodağı jazğı olimpiada oyındarı biıl 5-22 tamızda ötedi.
Ruslan MEDELBEK
Azattıq radiosı
Pikir qaldıru