QAZAQTAR – MEMLEKET QWRUŞI WLT!
Qoğam öz erkin, tilegin, maqsatı men talabın emin erkin bildirip qalıptasqanı dwrıs. Bwl bilik pen qoğam arasındağı şınayı dialogqa wlastıradı. Biraq bizde osı memlekettik instituttar men qoğamdıq instituttar arasındağı qabattar teoriyalıq deñgeyde qwjattıq bolsın, qwqıqtıq sayasi bolmıstar bar dep bilemiz. Mısalı keşe ğana saylauda mäjilistiñ 82 payız dauısın alğan “Nwrotan” partiyası qoğam men bilik arasında köpir boluı tiis edi. Nege alañğa tögilgen halıq arasında osı partiya körinbeydi? Nege halıq erki parlamentte ökildigimen tanılmaydı? Sonda parlamenttegilerdi halıq saylamasa kim saylağan? Jeke közqarasım, Nwrotan partiyası işi quıs, mazmwnı joq, sayasi qwrılım. Egemen el bolğalı beri bilik qoğamdıq sananı twnşıqtırumen aynalıstı. Qoğamdı sayasi bolmıstıq jauapkerşilikten maqwrım qıldı. Nätijesinde el tağdırın bilik eşkimmen aqıldaspay aq özi şeşip üyrendi. El şın mäninde öz eliniñ qojayını sezine almadı. Halıq ta sabır saqtadı, yaki şındığında sayasi sanası da bilikke ıqpal eter äleueti de damımadı. Şirek ğasır boyı ne prezidenttik ne parlamenttik basqaru jüyesi qoğam men bilik arasındağı birlik pen twtastıqtı qalıptastıra almadı. Qoldan jasalğan partiyalar men mäjilistegi orındar, atı men zatı bölek bolsa da, bir ğana biliktiñ qolşoqparı boldı äli de solay. Memleketti qwruşı mädenietpen onıñ twğırlıq bolmısımen bilik sanaspadı. Mädenieti de tili de äleumeti de qwqı da eskerilmedi. Wlt qwndılıqtarı turalı keşendi sayasat jasalmadı. Wlttıq söylemder men sezimder taptaldı, sınaldı. Konstituciyada da orın almadı. YAğni Qazaqstan memlekettik qwrılımı jağınan dästürsiz el siyaqtı negizdermen tüsindirildi. Qazaqtıñ wlttıq örkeniettik namısı men täjiribesin eskermeu qalıptı jağdayğa aynaldı.
Bilik bügingi qoğamdıq sananıñ twnşığıp qaluında eñ bastı röl'di atqardı. Totalitarlıq, korrupciyalıq keşen qazaqtı qazaqqa dwşpan qılıp körsetti. Bwrınğı keñestik qala berdi reseydiñ şovinistik sayasatı sol qalpı jalğasın taptı. Wlı jüz orta jüz kişi jüz arasındağı “tepe-teñdik teoriyası” wlttıq twğırdıñ damuın tejedi. Wlt sözin aytqandar “eşteñe körmegen, qolına eşteñe timegen” bişaralar retinde anıqtaldı.
Ras, el müddesi bolaşağı üşin tınıştıqtan asqan qwndılıq joq. Qazaq mwnı öte jaqsı sezinip, tanitın wlt. Sondıqtan barlıq baylığı satılıp jatsa da, sayasi bolmıstıq twğırda ün şığarmadı. Endi eñ soñğı wlt twğırı turalı öziniñ qasietti tuğan jeriniñ tağı da sol egesimen sanaspay talanğa salınuı qazaq degen wlttıñ şın mäninde, ontologiyalıq twrğıdan bar ekendigin paş etti. Demek qazaq degen wlt tiri eken.
Wsınısım, bilik osı aqiqattı bwdan bılay eskerse, bayandılığı men abıroyın jinap aları haq. Al eger eskermey özderi sırtqı qoğamdıq injenerlerdiñ şablonımen kete beretin bolsa, qazaq bwğan endi könbeydi.
Qazaqtıñ biligi men eli twtas bolğanda ğana mına memlekettiligimiz bayandı wstanımdarına qauışadı.
Dosay KENJETAY
facebook paraqşasınan alındı
Pikir qaldıru