«Qazaqstan Respublikasınıñ memlekettik basqaru jüyesin odan äri jetildiru jönindegi şaralar turalı» Jarlıq
Qazaqstan Respublikası Konstituciyasınıñ 44-babınıñ 3) tarmaqşasına säykes memlekettik basqaru jüyesin jañğırtu jäne onıñ tiimdiligin arttıru maqsatında qaulı etemin:
1. Qazaqstan Respublikasınıñ Aqparat jäne kommunikaciyalar ministrligi, oğan Qazaqstan Respublikasınıñ Investiciyalar jäne damu ministrliginiñ aqparat, aqparattandıru jäne baylanıs salasındağı funkciyaları men ökilettikteri berile otırıp, qwrılsın.
2. Qazaqstan Respublikasınıñ Wlttıq ekonomika ministrligi, Qazaqstan Respublikasınıñ Auıl şaruaşılığı ministrligine jer resurstarın basqaru, geodeziyalıq jäne kartografiyalıq qızmet salasındağı memlekettik sayasattı qalıptastıru jäne iske asıru ayasındağı funkciyaları men ökilettikteri berile otırıp, qayta wyımdastırılsın.
3. Qazaqstan Respublikasınıñ Ükimeti:
1) Qazaqstan Respublikasınıñ Prezidenti Äkimşiligimen kelisu boyınşa qayta wyımdastırılatın jäne qwrılğan memlekettik organdardıñ ştat sanın qayta böludi;
2) osı Jarlıqtan tuındaytın özge de şaralar qabıldaudı qamtamasız etsin.
4. «Qazaqstan Respublikası Ükimetiniñ qwrılımı turalı» Qazaqstan Respublikası Prezidentiniñ 1999 jılğı 22 qañtardağı № 6 Jarlığına mınaday tolıqtıru engizilsin:
1-tarmaqta:
«Qazaqstan Respublikasınıñ Memlekettik qızmet isteri ministrligi;» degen joldan keyin mınaday mazmwndağı jolmen tolıqtırılsın:
«Qazaqstan Respublikasınıñ Aqparat jäne kommunikaciyalar ministrligi;».
5. Osı Jarlıqtıñ orındaluın baqılau Qazaqstan Respublikası Prezidentiniñ Äkimşiligine jüktelsin.
6. Osı Jarlıq qol qoyılğan küninen bastap qoldanısqa engiziledi.
Qazaqstan RespublikasınıñPrezidenti |
N.Nazarbaev |
Astana, Aqorda, 2016 jılğı 6 mamır
№ 253
Pikir qaldıru