Wlanbatırda qazaq wşqışı, Moñğoliya äue küşteriniñ bas qolbasşısı M.Zaysanovtı eske aldı (FOTO)
7 mamırda Wlanbatır qalasında Qazaqstan Elşiligi Otan qorğauşılar küni merekesine oray jäne Jeñis küni qarsañında Moñğoliyanıñ ataqtı qazaq wşqışı, Moñğoliya äue küşteriniñ bas qolbasşısı, general-mayor Müdäris Zaysanovtıñ qwlpıtasına gül şoqtarın qoyu räsimin ötkizdi.
Gül qoyu räsimine Qazaqstan Respublikasınıñ Moñğoliyadağı Elşisi Qalıbek Qoblandin, Moñğoliya Parlamentiniñ deputattarı Tileyhan Almalıq, Bäkey Ağıpar, jazuşı, Moñğoliyanıñ belgili qoğam qayratkeri Swltan Täukeywlı jäne Moñğoliyanıñ eñbek siñirgen wşqışı, otstavkadağı podpolkovnik Täştuan Töteywlı qatıstı.
Müdäris Zaysanov – Moñğoliya qarulı küşterinde qızmet atqarğan qazaq azamatı, general-mayor. 1910 jılı Zaysan öñirinde tuılıp, 1920 jıldarı Monğoliyağa qonıs audarğan. 1932 jılı Orınbordağı wşqıştar dayarlaytın uçilişeni tämamdağan. Halhin-Gol şayqası kezindegi erlikteri üşin Moñğoliyanıñ jäne Keñes Odağınıñ eñ joğarğı nagradalarınıñ biri – «Qızıl tu» ordenimen marapattalıp, 1942 jılı general-mayor şeninde Moñğoliya Äue äskerleriniñ bas qolbasşısı lauazımına tağayındalğan. Zaysanov 57 jasında Wlanbatırdağı äskeri gospital'da dünie saldı.
QazAqparat
Pikir qaldıru