«ۋاز-پاتريوت» جاڭا كولىگىن رف پرەزيدەنتى ۆلاديمير پۋتينگە تانىستىرۋ كەزىندە ەسىكتى اشپاق بولعان رەسەيلىك گەنەرال تۇتقانى جۇلىپ الدى. بۇل ىڭعايسىز جايت سوچيدەگى ۋليانوۆسك زاۋىتىندا ورىن العان.
وسىدان-اق رەسەيلىك كولىكتەردىڭ قانشالىقتى وسال ەكەنىن اڭعارۋعا بولاتىن سەكىلدى. الايدا زاۋىت باسشىلارى مۇنى ولقىلىق كورىپ وتىرعان جوق. ءتىپتى، ەسىك تۇتقاسىن مىقتاپ بەكىتۋ دە ويلارىنا كىرىپ-شىقپايتىن كورىنەدى.
— بۇل ىڭعايسىز جايت ەسىكتىڭ بۇعاتتا تۇرعاندىعىنا بايلانىستى ورىن الدى. ارينە، گەنەرال الەكساندر شەۆچەنكو مىقتى-اق ەكەن، ونى ايتا كەتۋ كەرەك. ءبىزدىڭ سىناقتارىمىزدا كولىك ەسىگىنىڭ تۇتقاسى 120 كەلى سالماققا ءتوزىمدى بولىپ شىققان ەدى. سوندىقتان ءبىزدىڭ ەلىمىزدىڭ قاۋىپسىزدىگى وسىنداي بىلەكتىلەردىڭ قولىندا بولعانىنا تەك قۋانۋىمىز كەرەك دەپ سانايمىن، — دەگەن life.ru سايتىنا بەرگەن سۇحباتىندا ۋاز شىعاراتىن Sollers كومپانياسىنىڭ ءباسپاسوز قىزمەتىنىڭ جەتەكشىسى ەلەنا تاراسەنكو.
سونداي-اق ول زاۋىتتىڭ „ۋاز-پاتريوت„ كولىگى ەسىگىنىڭ تۇتقاسىنا قانداي دا ءبىر وزگەرىس ەنگىزبەيتىنىن جەتكىزىپتى.
365info.kz
پىكىر قالدىرۋ