جاھان جاڭالىقتارى زۋقا باتىر 150 جىل تۇلعالار قازاق حاندىعىنا 550 جىل
قىتايدىڭ ءۇرىمجى قالاسىندا زۋقا باتىردىڭ 150 جىلدىق مەرەي تويى اتالىپ ءوتتى.
2016 جىلدىڭ 4 ماۋسىمىندا قىتايدىڭ باتىسىنداعى قازاقتار كوپ شوعىرلانعان ورتالىق قالاۇرىمجىدە قىتايداعى قازاق قايراتكەرلەرى مەن زيالى قاۋىمى زۋقا باتىر ءسابيتۇلىنىڭ 150 جىلدىق مەرەي تويىن اتاپ ءوتتى.
قىتايدىڭ ءار وڭىرىنەن 300 گە تارتا قوناق كەلىپ قاتىستى. اسقا جينالعان قوعام قايراتكەرلەرى مەن جازۋشىلار زۋقا باتىردىڭ تۋعان ەلىن قورعاعان جاۋ جۇرەكتىلىگىن، ادىلەتسىزدىككە قارسى تۇرعان ىزگى ىستەرىن ، ۇلتىنا ، رۋىنا قاراماي پاناسىنا العان حالىقشىلدىعىن ساعىنىشپەن ەسكە الدى. باتىر اتا ۇرپاقتارى اتىنان ايدىن ءۋالدانۇلى ۇيىمداستىرۋشى اقساقالدارعا شاپان جاۋىپ راحمەتىن ايتتى. توي سوڭى كونتسەرتتىك شاراعا ۇلاستى.
مەرەي تويعا سۇلتان جانبولاتوۆ، قادىس ءجانابىل، ءشارىپحان كارىم، اۋەلحان قالي، جاقىپ مىرزاحان، رازدان ايدارحانۇلى، باتىرحان قۇسبەگين، باياحمەت جۇمابايۇلى قاتارلى قوعام قايراتكەرلەرى مەن جازۋى اعالارىمىز قاتىستى.
زۋقا باتىر- 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، جاۋىز بيلىكتىڭ ەزگىسىنە تاپ بولعان حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.
زۋقا باتىر تۋرالى قىتايدا باتىرحان قۇسبەگيننىڭ ”زۋقا باتىر” رومانى، قاجىقۇمار شابدانۇلىنىڭ “پانا” رومانى مەن باياحمەت جۇمابايۇلىنىڭ “ساعىنىش” رومانى جارىق كورگەن. حالىق اراسىنا تارالعان بەس داستان مەن كۇيلەر بار.
ەسكە الۋ شارالارى قازاقستان، گەرمانيا، اۆستريا، انگليا، امەريكا، تۇركيا، قىتاي، موڭعىليا سىندى 10 شاقتى ەلدە جۇرگىزىلەدى.
جۇماباي ءمادىبايۇلى
kerey.kz
پىكىر قالدىرۋ