P.S. بۇلار ءۇشىن “پاتشايىم” دەگەن ادىلەتتىڭ سيمۆولى، زاڭنىڭ قورعانى، مەملەكەتتىڭ نەگىزگى بەلگىسى، تۇتاس حالىقتىڭ جيىنتىق رۋحى. سوندىقتان “پاتشايىمنىڭ” اتى دا اتالمايدى، زاتى بولسا جەتەدى.

ۋەلس قۇراماسى مەن جانكۇيەرلەرى شىرقايتىن گيمن

اتا-بابام قالدىرعان كوزگە ىستىق مەكەن،
شايىرلار مەن انشىلەردىڭ، ۇلىق جۇرتتىڭ جەرى.
جۇرەك جۇتقان باتىرلارى مەن پاتريوتتارى
ازاتتىعى ءۇشىن قانىن توككەن.

اتامەكەنىم! اتامەكەنىم! ادالمىن ساعان!
تەلەگەي تەڭىز جەرىمە قورعان بولىپ تۇرعاندا،
ءتىلىم دە جاسايدى ماڭگىلىك!

تاۋلارعا سىيىنعان كونە دالام – اقىنداردىڭ ۇجماعى!
ءاربىر شاتقال، ءاربىر جارتاس – كورىكتى كۇزەتشىسى ونىڭ.
بال بۇلاقتارى مەن وزەندەرىنىڭ ءۇنى
ەلگە دەگەن ماحابباتتىڭ شاتتىق داۋىسىنداي.

اتامەكەنىم! اتامەكەنىم! ادالمىن ساعان!
تەلەگەي تەڭىز جەرىمە قورعان بولىپ تۇرعاندا،
ءتىلىم دە جاسايدى ماڭگىلىك!

اتاجۇرتىم قاس دۇشپاننىڭ اياعىنا تاپتالسا دا،
كونە ۋەلس ءتىلى بەرىلمەيدى ەشقاشان.
ساتقىننىڭ قولى رۋحىمدى جانشي المادى،
ەلىمنىڭ ارفاداي ادەمى اۋەزىن تۇنشىقتىرا المادى.

اتامەكەنىم! اتامەكەنىم! ادالمىن ساعان!
تەلەگەي تەڭىز جەرىمە قورعان بولىپ تۇرعاندا،
ءتىلىم دە جاسايدى ماڭگىلىك!

P.S. بۇل گيمنىڭ ءسوزىن 1856 جىلى بەلگىلى ۋەلس اقىنى ءھام كومپوزيتورى ەۆان دجەيمس ۇلى كىشى دجەيمس ەكەۋى شىعارعان.

عالىم بوقاشتىڭ facebook پاراقشاسىنان الىندى