Jahan jañalıqtarı Sport Şou-biznis
ANGLIYA qwraması men janküyerleri aytatın gimn
Birneşe sağattan soñ bastalatın Angliya-Uel's matçınıñ aldında eki eldiñ änwrandarın qazaq tiline jolma-jol audarıp wsınıp otırmın.
ANGLIYA qwraması men janküyerleri aytatın gimn
Iya, Täñirim, jüregi ıstıq Patşayımdı aman et,
Bekzatıma wzaq ğwmır näsip qıl!
Jeñimpaz häm baqıttı, saltanattı qalpınan
aynımağan küyi bizdi bilesin!
Iya, Täñir-tağalam, Patşayımnıñ dwşpandarın talqan et,
Aram qulıq, sayasatın äşkere et!
Sağan ğana ümit arttıq,
Saqta bizdi, Jasağan!
Nığmetiñe böle Onı,
Qorğan bolsa zañıma,
Wzaq bizdi bilesin!
“Iya, Täñirim, jüregi ıstıq Patşayımdı aman et!”
dep tileytin şın nietpen bärimiz
osı halden ayırma!!!
P.S. Bwlar üşin “patşayım” degen ädilettiñ simvolı, zañnıñ qorğanı, memlekettiñ negizgi belgisi, twtas halıqtıñ jiıntıq ruhı. Sondıqtan “patşayımnıñ” atı da atalmaydı, zatı bolsa jetedi.
UEL'S qwraması men janküyerleri şırqaytın gimn
Ata-babam qaldırğan közge ıstıq meken,
Şayırlar men änşilerdiñ, wlıq jwrttıñ jeri.
Jürek jwtqan batırları men patriottarı
Azattığı üşin qanın tökken.
Atamekenim! Atamekenim! Adalmın sağan!
Telegey teñiz jerime qorğan bolıp twrğanda,
Tilim de jasaydı mäñgilik!
Taularğa sıyınğan köne dalam – aqındardıñ wjmağı!
Ärbir şatqal, ärbir jartas – körikti küzetşisi onıñ.
Bal bwlaqtarı men özenderiniñ üni
Elge degen mahabbattıñ şattıq dauısınday.
Atamekenim! Atamekenim! Adalmın sağan!
Telegey teñiz jerime qorğan bolıp twrğanda,
Tilim de jasaydı mäñgilik!
Atajwrtım qas dwşpannıñ ayağına taptalsa da,
Köne Uel's tili berilmeydi eşqaşan.
Satqınnıñ qolı ruhımdı janşi almadı,
Elimniñ arfaday ädemi äuezin twnşıqtıra almadı.
Atamekenim! Atamekenim! Adalmın sağan!
Telegey teñiz jerime qorğan bolıp twrğanda,
Tilim de jasaydı mäñgilik!
P.S. Bwl gimniñ sözin 1856 jılı belgili Uel's aqını häm kompozitorı Evan Djeyms wlı kişi Djeyms ekeui şığarğan.
Ğalım BOQAŞtıñ facebook paraqşasınan alındı
Pikir qaldıru