بيىلعى جىلى ورازا ۇستاعان وتاندىق جۇلدىزدار
اۋىز بەكىتىپ، ورازا ۇستاۋدىڭ رۋحاني تۇرعىدان دا، دەنساۋلىق تۇرعىسىنان دا پايداسى زور. وسى ورايدا NUR.KZپورتالى بيىلعى جىلى ورازا ۇستاعان وتاندىق جۇلدىزداردى نازارعا ۇسىنادى.
ساكەن مايعازيەۆ
اللانى اۋزىنان تاستامايتىن دىنگە بەرىك وتاندىق جۇلدىزداردىڭ ءبىرى – ءانشى ساكەن مايعازيەۆ. ول ءوز جەلى پاراقشاسىندا ورازا ايىن تاعاتسىز كۇتىپ جۇرگەنىن بايقاتىپ، التىنشى ماۋسىمعا قاراعان ءتۇنى اۋىز بەكىتكەنىن جازعان.
“اسسالاۋماعالەيكۋم، اعايىن! بۇگىن، ياعني، ماۋسىم ايىنىڭ 5-نەن 6-نا قاراعان ءتۇنى تاڭ الدىندا اۋىز بەكىتەمىز. رامازان – پەندەنىڭ جاراتۋشىسىنا جاقىنداي تۇسەتىن ۋاقىتى. وسى مۇمكىندىكتى ءاربىر مۇسىلمان جىبەرىپ الماۋى كەرەك. شەكسىز مەيىرىم يەسى اللا تاعالا پەندەلىگىمىزدى، السىزدىگىمىزدى كەشىرىپ، وتىز كۇن ورازامىزدى قابىل ەتكەي”، – دەپ جازعان ورازا باستالاردىڭ الدىندا ساكەن مايعازيەۆ.
كەنجەبەك ءجانابىلوۆ، مەيرامبەك بەسباەۆ، نۇرلان ابدۋللين، اباي بەگەي سىندى انشىلەرىمىز دە مەككەگە بارىپ، بەس ۋاقىت ناماز وقيتىن، رامازان ايىن اسىعا كۇتىپ، اۋىز بەكىتەتەتىن جاندار.
اينۇر تۇرسىنباەۆا
ايتىسكەر اقىن اينۇر تۇرسىنباەۆا دا بيىل اۋىز بەكىتكەن جۇلدىزدار قاتارىندا.
“وسى پوستتى جازامىن دەپ جۇرگەنiمە 2-3 كۇن بولدى، ايتەۋiر قولىم بوساماي قويدى… كەشەدەن بەرi باسىم سىنىپ، تەلەفونعا قاراۋعا شامام كەلمەي قالدى… بۇگiن جازباسام كەش بولاتىنىن بiلiپ، قينالسام دا جازايىن دەپ وتىرمىن… دوستارىم، قاسيەتتi رامازان ايى دا كەلدi, بۇيىرسا بۇگiن تۇندە اۋىز بەكiتەمiز… جالپى باسقالارعا قاراعاندا مەنiڭ وقىرماندارىم وتە يماندى.. 80-90% وقىرمانىم ورازانى انىق ۇستايدى… بۇل پوست ورازانى ۇستاۋعا دايىن ەمەسپiز دەۋشiلەرگە، قينالىپ قالام دەپ قورقىپ وتىرعاندارعا ارنالادى… ەڭ الدىمەن ورازا ۇستاپ ءولiپ قالعان ەشكiم جوق، كەرiسiنشە بارلىق اۋرۋ استان بولادى، ال كەشكە دەيiن اش جۇرۋگە شىدامىڭىز جەتپەسە، سiز وتە ءالسiز ادامسىز”، – دەپ رامازان ايى الدىندا جازبا جاريالاعان اقىن ورازا ايىنىڭ عاجايىپتارىن ءسوز ەتتى.
“مەنiڭ بiر تانىسىم دارiگەرلەر ەشقاشان بالاڭ بولمايدى، ۇرىقتارىڭ ءولiپ قالعان دەگەن ەدi, كەيiن قىزدى بولدى… سەبەبiن سۇراعانىمدا وتىز كۇن ورازادا بiر كۇن دەمالماي دۇعا جاسادىم، ورازا بiتە سالىپ ايەلiم بالا كوتەردi دەگەن بولاتىن… كiمنiڭ جۇرەگi تىنىش ەمەس، كiمنiڭ جۇمىسى جۇرمەي جاتىر، كiم قينالىپ ءجۇر، كiمنiڭ وتباسىندا بەرەكە بولماي تۇر؟ بۇگiنگi تۇننەن قالماي ورازا ۇستاسىن! ەش دايىندىقتىڭ كەرەگi جوق! مەن ورازا ۇستاۋعا نيەت ەتتiم، اللا بارلىق قيىندىقتان قۇتقار دەپ دۇعا جاساسا بولدى! بۇل ايدىڭ قاسيەتiن مەن سوزبەن تۇسiندiرە المايمىن… ءاربiر مينۋتتى پايدالانىپ قالىڭىزدار… اللا ايتادى، باتەڭكەگە باۋ كەرەك بولسا دا مەنەن سۇرا، مەن بارلىق كەرەگiڭدi تاۋىپ بەرەمiن، بارلىق دۇعاڭدى قابىل ەتەمiن دەيدi, ال رامازان ايى بارلىق دۇعا قابىل بولاتىن اي دوستارىم… ال، كiمدەر ورازانى اسىعا كۇتiپ وتىر ەكەن، ايتا وتىرىڭىزدار؟”، – دەيدى اينۇر تۇرسىنباەۆا جەلى پاراقشاسىندا.
عاني مەن بوتا جۇنىسوۆتەر
عاني مەن بوتا جۇنىسوۆتەر دە جىلداعى ادەتتەرى بويىنشا، ورازا ۇستاپ اۋىز بەكىتۋدە دەپ حابارلادى 31 ارنا. قاسيەتتى جۇمادا دۇعا-تىلەك جاساۋ ءۇشىن مەشىتكە كەلەتىن ادەتتەرى بار.
سيۆي ماحمۋدي
رامازان ايىندا ورازا ۇستاعان كەزەكتى وتاندىق جۇلدىز – ءانشى سيۆي ماحمۋدي. ول جەلى پاراقشاسىندا اۋىز بەكىتكەنگە دەيىن كىرپىك ىلمەيتىنىن جازعان.
“اۋىز بەكىتكەنشە ۇيقى جوق”، – دەيدى سيۆي جەلى پاراقشاسىندا.
اۋىزاشار بەرىپ، يگى ىستەر تىندىرىپ جۇرگەن وتاندىق جۇلدىزدار
مەرۋەرت تۇسىپباەۆا
ەلىمىزدىڭ شوۋ-بيزنەس جۇلدىزدارى اراسىندا اۋىز بەكىتكەن-بەكىتپەگەنىن اشىق ايتپاسا دا، اۋىزاشار بەرىپ، يگى ءىس تىندىرىپ جۇرگەندەر بارشىلىق. سولاردىڭ ءبىرى – مەرۋەرت تۇسىپباەۆا. بۇگىندە گرۋزيادا دەمالىپ جۇرگەن ءانشى جاقىندا 83 جاستاعى اجەسىنە اۋىزاشار بەرگەن ەكەن.
“شەتەلگە جول جۇرەر الدىندا 83 جاستاعى (13 جاستان اۋىزىن بەكiتكەن،11 بالا تۋعان) اجەنىڭ اق باتاسىن الىپ، اۋىزاشار بەردiم”، – دەپ جازعان مەرۋەرت.
مارجان اراپباەۆا
مارجان اراپباەۆا اۋىزاشارعا ماحابباتپەن ءدامدى تاماق ءپىسىرىپ جۇرگەنىن جازعان بولاتىن. الايدا ءانشى سوڭعى كەزدەرى تۇماۋراتىپ قالىپ، ءجوندى تاماق ازىرلەي الماي قالعانىنا كۇيىنىشىن بىلدىرگەن.
“اۋىرعاندى جەك كورەمىن. توسەك تارتىپ جاتقانىما ءۇش كۇن بولدى. ءتۇر بىت-شىت، شاش بىت-شىت، تىرناعىم دا بىت-شىت. ال مەن كوشەگە شىققىم كەلەدى. دەگەنمەن ەرتەمەن تۇرىپ، جۇمىستارىما كىرىسۋگە نيەتتىمىن. ۇيدەگىلەردىڭ “نورمالنىي تاماق” جەمەي جۇرگەندەرىنە ەكىنشى كۇن بولدى. اۋىزاشارعا اجەپتاۋىر پىسىق بولىپ، ماحابباتپەن ءدامدى تاماق ءپىسىرىپ ءجۇر ەدىم. ۇيدەگىلەر ماعان قاراپ، “ويپىرماي كوز تيمەسىن” دەپ ءجۇر ەدى… سوندا دا كوز ءتيىپ كەتكەن سياقتى عوي”، – دەپ جازعان مارجان جەلى پاراقشاسىندا.
قاراقات ءابىلدينا
ءانشى قاراقات ءابىلدينا كۇيەۋى قىدىرالى بولمانوۆپەن بىرگە يسلام ءدىنىن بەرىك ۇستاناتىندارىن جاسىرمايدى. ولار جەلى پاراقشاسىندا بالالارىن دا ناعىز مۇسىلمان ەتىپ تاربيەلەپ جۇرگەندەرىن اڭداتادى. ماسەلەن، قاراقات ۇلىن كىشكەنتايىنان نامازعا ۇيرەتكەندى ءجون ساناپ، ۇلىنىڭ ەكى جاسىندا نامازعا جىعىلعان فوتوسىمەن بولىسكەن بولاتىن.
قاراقات وسى جىلى “ورازا باعدارلاماسىنا كوشۋگە نيەتتى” ەكەنىن ءوز جەلى پاراقشاسىندا جازعان. الايدا ءانشىنىڭ باعدارلاما دەي وتىرىپ نەنى مەڭزەگەنى، قاراپايىم سالماق تاستاۋ باعدارلاماسىن با، الدە رامازان ايىندا ورازا ۇستاۋدى ما، ول جاعى تۇسىنىكسىزدەۋ بولىپ قالعان.
“قايىرلى تاڭ دوستار! مەن تاعى دا سالماق تاستاۋ باعدارلاماسىن قولعا الدىم. وسىدان ءبىر جىل بۇرىن، وسى باعدارلاما قىزمەتىن قولدانىپ، ناتيجەسiنە وتە ريزا بولعانمىن، ەندi كونتسەرتتiڭ الدىندا تاعى بiر كۋرس الىپ، ورازا باعدارلاماسىنا بىرتىندەپ كوشۋدى جوسپارلاپ وتىرمىن”، – دەپ جازعان ءانشى رامازان ايى باستالار الدىندا.
ءابىلدينا اۋىز بەكىتەر مەن اشارداعى دۇعالاردى، ۋاعىزداردى جەلى پاراقشاسىنا جۇكتەپ، ۇلدارىمەن مەشىتكە جول تارتقان ساتىنەن فوتوسىمەن بولىسكەن.
“قوڭىر قوزىم مەن اق قوزىمدى ەرتiپ، يماندىلىق ساباعىنا مەشiتكە بەت الدىق. اللا تاعالام ساليقالى ۇرپاق ءسۇيۋدى ءناسiپ ەتسiن”، – دەپ جازعان قاراقات فوتو استىنا.
پىكىر قالدىرۋ