جاھان جاڭالىقتارى مادەنيەت شوۋ-بيزنيس
Google X كومپانياسىنىڭ كاليفورنياداعى كەڭسەسىنە كيىز ءۇي تىگىلدى (فوتو)
Google X كومپانياسىنىڭ ماۋنتين-ۆيۋ قالاسىندا ورنالاسقان كەڭسەسىنە كيىز ءۇي تىگىلدى. بۇل تۋرالى كومپانيانىڭ قىزمەتكەرى، قىرعىزستاندىق تىلەك مامىتوۆ ءمالىم ەتتى دەپ حابارلايدى BNews.kz.
فوتو / تىلەك مامىتوۆ
«Google X كەڭسەسىنە كيىز ءۇي ورناتتىم. كومەكتەسكەن ارىپتەسىم ەميلگە جانە وسى كيىز ءۇيدى جاساپ بەرگەن ريچاردقا راحمەت»، – دەدى ول.
ونىڭ ايتۋىنشا، كيىز ءۇي كەزدەسۋ وتكىزەتىن بولمە رەتىندە قىزمەت ەتەتىن بولادى.
ەستەرىڭىزگە سالا كەتەيىك، 2014 جىلى قازاقستان مەن قىرعىزستاننىڭ بىرلەسە كۇش سالۋىمەن، كوشپەلى حالىقتاردىڭ بىرەگەي باسپاناسى – كيىز ءۇيدى جاساۋدىڭ ءداستۇرلى ماعلۇماتى جانە ونەرى يۋنەسكو-نىڭ تىزىمىنە ەنگەن بولاتىن.
پىكىر قالدىرۋ