|  | 

Жаһан жаңалықтары

Стамбул әуежайындағы жарылыстардан ондаған адам өлді

Стамбулдағы жарылыс орнына келген дәрігерлер. 28 маусым 2016 жыл.

Стамбулдағы жарылыс орнына келген дәрігерлер. 28 маусым 2016 жыл.

Стамбулдағы жарылыстардан кем дегенде 36 адам қаза тауып, 140 кісі жараланды. Жарылыстар халықаралық Ататүрік әуежайында маусымның 28-і күні кешке болды.

Түркия билігі “үш жанкештінің әуежайға таксимен келіп, полициямен атысқанын, мұнан соң жолаушыларды тіркеу аймағында жарылыстар жасағанын” мәлімдеді. Шабуыл жасағандардың бірі әуежайдағы жұртқа оқ жаудырған.

Түркияның әділет министрі Бекир Боздаг әуежайға жақын жердегі метро бекетінде де жарылыс болғаны туралы ақпарат тарағанын хабарлады. Түрік премьер-министрі Бинали Йылдырым жарылыстардың артында “Ислам мемлекеті” (ИМ – Қазақстанда тыйым салынған) экстремистік ұйымы тұр деуге негіз бар екенін мәлімдеді. Түркия президенті Режеп Тайып Ердоған жарылыстарды жасаған содырларды айыптап, “кінәсі жоқ бейбіт тұрғындар” қаза тапқанын айтты. Ол мұндай жарылыстар басқа елдердің де әуежайларында қайталануы мүмкін екенін ескертіп, “Біз барлық елдерді, әсіресе, Батыс мемлекеттерін терроризмге қарсы қатаң күресуге шақырамыз” деп мәлімдеді. .

Куәгерлердің айтуынша, үш жойқын жарылыс болған кезде әуежай ғимаратының төбесі опырылып, жұрт үрейден жан-жаққа қашқан. Кем дегенде 147 адам ауруханаға түсті. Олардың арасында полиция қызметкерлері де бар.

Жарылыстардан соң әуежайдан ұшқалы тұрған барлық рейстер шегерілген. Ұшып келетін жолаушыларды жақын маңдағы басқа әуежайлар қабылдаған. Маусымның 29-ы күні Ататүрік әуежайының жұмысы қайта жалғасқаны хабарланды.

Ал Алматы әуежайында бүгін Turkish Airlines компаниясының таңертеңгі сағат 6:45-те Стамбулға ұшуы тиіс рейсі бөгеліп, сағат 10-да ұшуы тиіс тағы бір рейсі шегерілген. Сонымен қатар осы компанияның таңертең Стамбулдан ұшып келуі тиіс рейсі де тоқтатылған.

ӘЛЕМ ЕЛДЕРІ ЖӘНЕ ҚАЗАҚСТАН РЕАКЦИЯСЫ

АҚШ, БҰҰ, Германия және басқа елдер Стамбул әуежайына жасалған шабуылды қатаң айыптады.

Ақ үй (АҚШ) өкілі Джош Эрнест «Халықаралық Ататүрік әуежайы – биыл шабуылға ұшыраған Брюссель аэропорты сияқты халықаралық байланыстардың символы. Олар бізді біріктіреді. Біз НАТО-дағы одақтасымыз әрі әріптесіміз Түркияны қолдаймыз» деді.

Медики и спасатели в стамбульском аэропорту после взрывов. 28 июня 2016 года.

Медики и спасатели в стамбульском аэропорту после взрывов. 28 июня 2016 года.

Қазақстанның сыртқы істер министрлігі (СІМ) “әзіргі ақпараттар бойынша, Стамбул әуежайында жараланғандар мен қаза тапқан адамдар арасында Қазақстан азаматтары жоқ” деп хабарлады. СІМ баспасөз хатшысы Әнуар Жайнақов “Қазіргі деректерге қарағанда, жараланғандар мен қаза тапқандар арасында Қазақстан азаматтары жоқ. Бұл алғаш жеткен ақпарат. Бұл жайтты анықтауды жалғастыра береміз” деді.

СІМ-нің ресми мәлімдемесінде “Түркия үкіметіне және бауырлас халыққа, осы зұлымдық әрекет құрбандарының туыстары мен жақындарына қайғырып көңіл айтамыз. Қазақстан терроризмнің кез келген көрінісіне қарсы ымырасыз күресті өзінің толық қолдайтынын растай отырып, терроризмге қарсы кең ауқымды халықаралық коалиция құру арқылы осы бағыттағы халықаралық әрекеттерді үйлестіруді барынша нығайтуға шақырады” деп жазылған.

Қазақстан премьер-министрі Кәрім Мәсімов Түркия ремьер-министрі Бинали Йылдырымға Стамбулдағы терактіге байланысты көңіл айту жеделхатын жолдады. Түрік халқына Қазақстан сенаты спикері Қасым-Жомарт Тоқаев Twitter арқылы көңіл айтты.

Кейінгі айлар ішінде Түркияда бірнеше жарылыс болды. Ол жарылыстарды түрік билігі ИМ содырлары мен күрд көтерілісшілерінен көреді.

Азаттық радиосы

Related Articles

  • АҚШ сенаты Украинаға қаржылай көмек қарастырылған заң жобасын мақұлдады

    АҚШ конгресі.  АҚШ сенаты 13 ақпанда Украина, Израиль және Тайваньға 95 млрд доллар болатын қаржылай көмек беру туралы заң жобасын мақұлдады. Сенатта демократтар басым орынға ие. Енді заң жобасын Республикалық партия басым Өкілдер палатасы қарайды. Өкілдер палатасында жобаның заң статусын алуға мүмкіндігі аз деген болжам да айталады. Президент-демократ Джо Байден біраз уақыттан бері екі палатаны Украина мен АҚШ-тың Үнді-Тынық мұхит аумағындағы серіктестеріне көмек беруді жылдамдатуға шақырып келеді. Украина билігі басты одақтасы АҚШ-тан қолдау азайған тұста қару-жарақ жетпей жатқанын бірнеше рет мәлімдеген. Украина президенті Владимир Зеленский бүгін, 13 ақпанда АҚШ сенатының бұл заң жобасын мақұлдағанына алғыс айтты. Құжатта Киевке 61 млр доллар беру қарастырылған. “Американың көмегі Украинаға бейбіт өмірді жақындастырып, әлемдік

  • АҚШ сенаты Украина мен Израильге көмек беру туралы заң жобасын мақұлдады

    Азат Еуропа / Азаттық радиосы АҚШ сенаты Украина мен Израильге 118 миллиард доллар қосымша қаржы көмегін беру туралы екі партия ұсынған заң жобасын және АҚШ-тың оңтүстік шекарасын нығайту туралы заң жобасын мақұлдады. Былтыр қазан айынан бері жалғасып келе жатқан “ұлттық қауіпсіздікке байланысты қосымша қаржыландыру туралы” дауға нүкте қоятын компромистік мәтін АҚШ сенатының сайтына шыққан. Заң жобасы бойынша, сенаторлар 60 миллиард долларды Украинаны қолдауға, 14 миллиардты Израильге көмекке, 20 миллиардтан астам долларды АҚШ-тың Мексикамен шекарасын қауіпсіздендіруге, шамамен бес миллиардты АҚШ-тың Тынық мұхит аймағындағы серіктерін қаржыландыруға, екі жарым миллиардқа жуық долларды “Қызыл теңіздегі” операцияны қолдауға, тағы да сондай қаржыны АҚШ-тың Орталық қолбасшылығына бөлуді жоспарлаған. АҚШ президенті Джо Байден конгресстен Украина, Израиль және Тайваньға

  • Мәскеу Тоқаевтан Пригожиннің бүлігін басуға көмектесуді сұрады ма?

    Елнұр ӘЛІМОВА Қазақстан президенті Қасым-Жомарт Тоқаев және Ресей басшысы Владимир Путин. Бұл аптада Батыс басылымдары маусым айында «ЧВК Вагнердің» жетекшісі Евгений Пригожиннің әскери бүлігі кезінде Ресей Қазақстаннан көмек сұрағанын, бірақ президент Қасым-Жомарт Тоқаев одан бас тартқанын жазды. Сонымен қатар Астана мен Анкара әскери саладағы серіктестікті күшейтіп, 2024 жылы елде дрон шығара бастайтынына тоқталды. Бұдан бөлек Орталық Азия Батыс елдері үшін не себепті маңызды аймаққа айналғанын талдады. ҚАЗАҚСТАН МЕН ТҮРКИЯ ANKA ДРОНЫН ШЫҒАРА БАСТАЙДЫ АҚШ-тағы Jamestown қоры Қазақстан мен Түркия әскери серіктестікті күшейтіп жатқанына назар аударады. Қазақстан 2024 жылдан бастап елде Түркияның Anka дрондарын шығара бастайды. 28 қараша күні қорғаныс министрлігі дрон өндіретін отандық компанияны таңдап жатқанын хабарлады. Мәлімдемеде Түркияның Anka дроны елде

  • Әзербайжан Қарабаққа шабуыл бастады. Қазірге дейін не белгілі?

    Азаттық радиосы Әзербайжан қорғаныс министрлігінің Таулы Қарабақта “армениялық әскерилердің позициясын жойдық” деп таратқан фотосы. 19 қыркүйек 2019 жыл.  19 қыркүйекте Әзербайжан Таулы Қарабақта “антитеррористік операция” бастағанын мәлімдеді. Бакудың бұл мәлімдемесінен соң Қарабақта тұратын армяндар артиллериядан шабуыл басталғанын айтады. “Степанакертте жарылыс естіліп жатыр. Балалар мен ата-аналар жертөлелерге түсті. Балконымнан әр жақтан жарылыс дауысы естіліп жатыр, тоқтар емес. Артиллерия қатты атқылап жатыр, атыс дауысы да толастар емес” деді Таулы Қарабақтағы тәуелсіз журналист Марут Ванян. Азаттықтың Армян қызметінің хабарлауынша, 19 қыркүйек 11:10-да Әзербайжан күштері Қарабақтағы Аскеран ауданын атқылаған. “Эхо Кавказ” сайты Степанакерт қаласында әуе дабылы қағылғаны хабарланды. Степанакерт қаласында қашып бара жатқан адамдар. 19 қыркүйек 2023 жыл. Таулы Қарабақтағы армяндардың бақылауындағы аймақтың омбудсмені

  • АҚШ украин сарбаздарын F-16 жойғыш ұшақтарын басқарып үйретуге рұқсат берді

    F-16 жойғыш ұшағы.         АҚШ президенті Джо Байден украин ұшқыштарын F-16 жойғыш ұшағын басқарып үйретуге рұқсат берді. Бұл жөнінде Пентагонның баспасөз хатшысының орынбасары Сабрина Сингх хабарлады. Оның айтуынша, Нидерланд және Дания оқыту жағына жауап беруі мүмкін. Пентагон өкілі бұдан өзге ақпарат бермеді. Шілде айында Politico журналы Дания мен Нидерланд бастаған 11 елден құралған коалиция украин ұшқыштарын F-16 жойғыш ұшақтарын басқарып үйретуге дайын екенін, алайда ол үшін ұшақты шығарушы ел АҚШ-тың ресми рұқсаты қажет екенін хабарлаған. Басылымның жазуынша, дегенмен 11 елдің ешқайсысы әзірге ол бағдарлама үшін ұшақ бөлмеген. Шілде айында Ақ үйдің ұлттық қауіпсіздік жөніндегі үйлестірушісі Джон Кирби оқыту мерзімі, орны мен ұзақтығы әлі қарастырылып жатқанын айтқан. Өткен аптада Politico

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: