Qazaqstan kelesi jılğa BWW Qauipsizdik keñesiniñ twraqtı emes müşesi bolıp saylandı. Bwl jañalıq elimizde tarihi oqiğa dep bağalanıp jatır. Jalpı, onıñ Qazaqstan üşin mümkindigi men artıqşılığı qanday?
Bwl rette biz sözge tartqan sayasattanuşı Äzimbay Ğali halıqaralıq wyımnıñ tizginin qolğa alu Qazaqstan jäne Qazaqstan diplomatiyası üşin ülken olja ekenin aytadı.
Onıñ pikirinşe,
bwl oqiğa büginderi geosayasatta arası qattı alşaqtağan Resey men AQŞ qarım-qatınasına „jılılıq„ äkelui mümkin.
— İİ-düniejüzilik soğıstan keyin qwrılğan Birikken Wlttar Wyımınıñ Qauipsizdik keñesiniñ maqsatı iri derjavalar arasında äskeri qaqtığıstı boldırmau bolıp tabıladı. Osı maqsatta är jıldarı twraqtı jäne twraqtı emes müşeleri almasıp, keñeske törağalıq etude beybitşilik müddesinde türli bastama köteredi.
Biıl twraqtı emes müşeni saylauda Qazaqstan kezdeysoq tañdalıp otırmağan sekildi. Osı jağınan alğanda, halıqaralıq qauımdastıq arası tım suıp bara jatqan Batıs pen Reseydi, AQŞ pen Reseydi tabıstırğısı keletin boluı kerek. Öytkeni bwl dürdarazdıq barlıq taraptıñ ekonomikasına aytarlıqtay ziyan äkelip jatır, — deydi ol.
Sonday-aq sayasattanuşı Ukraina mäselesiniñ de bir retke kelip qalu ıqtimaldılığın joqqa şığarmaydı.
— Reseyge sankciya Ukrainağa qatıstı salındı. Qazir sankciyanı alu turalı Europanıñ birqatar memleketi mäsele köterip jatır. Resey de bwl mümkindikti paydalanıp, kelissözderge baruğa dayındaladı, — deydi ol.
Halıqaralıqtan tıs aymaqaralıq mäselelerdi de oñtaylı şeşip aluğa mümkindik tumaq. Ortalıq Aziya üşin şeşimin tappağan ortaq mäsele köp. Mısalı, su, energetika, esirtki tasımalı mäseleleri. Mine, mwnıñ barlığın halıqaralıq wyım minberinen köterip, kürmeui qiın mäselelerdi birşama jeñildetip aluğa boladı eken.
Keşe ğana Türkiya sırtqı ister ministrligi Qazaqstannıñ, äsirese Memleket basşısı Nwrswltan Nazarbaevtıñ Resey men Türkiya arasına arağayındıq jasap, dostastıq qarım-qatınastı jañğırtuğa qosqan ülesi üşin alğıs bildirgen edi. Osı jağınan alğanda, sayasattanuşı aytpaqşı, Qazaqstannıñ jemisti arağayındıq qızmeti halıqaralıq qauımdastıqtıñ basqa da müşelerine qajet bolıp otırğan sındı.
BWW Qauipsizdik wyımı 15 memleketten twradı, onıñ 5-ui twraqtı müşe (RF, AQŞ, QHR, Wlıbritaniya jäne Franciya). Al qalğan onınıñ ärqaysısı 5 aymaqtıq toptan eki jılğa saylanadı. Demek, kelesi jılı Qazaqstan Aziya-Tınıq mwhit tobındağı memleketterdi tanıtuşı Malayziyanıñ ornın basatın boladı.
Bügin Senatta Qasım-Jomart Toqaev «Bwl — şın mäninde tarihi oqiğa, Elbası bastağan otandıq diplomatiyanıñ tarihi jeñisi, bükil älem tanığan sırtqı sayasatı sındarlı el ekenimizdiñ ayqın körinisi bolıp tabıladı„ dep mälimdedi.
Pikir qaldıru