سيريادا رەسەيدىڭ مي-8 تىكۇشاعىن اتىپ ءتۇسىردى
سيريانىڭ يدليب پروۆينتسياسىندا رەسەيدىڭ مي-8 تىكۇشاعىن جەردەن اتىپ ءتۇسىردى دەپ حابارلايدى BBC.
رەسەي قورعانىس مينيسترلىگىنىڭ اقپاراتىنا قاراعاندا، تىكۇشاق الەپپو قالاسىنا گۋمانيتارلىق جۇك جەتكىزىپ حمەيميم اۋە بازاسىنا قايتىپ كەلە جاتقاندا جەردەن اتىپ تۇسىرىلگەن.
“تىكۇشاق بورتىندا ءۇش ۇشقىش پەن رەسەيدىڭ سيرياداعى سوعىسۋشى تاراپتاردى بىتىمگە كەلتىرۋ ورتالىعىنىڭ ەكى وفيتسەرى بولدى. رەسەيلىك اسكەريلەردىڭ تاعدىرى جان-جاقتى انىقتالىپ جاتىر” دەلىنەن قورعانىس مينيسترلىگىنىڭ اقپاراتىندا.
تىكۇشاقتى كىم اتىپ تۇسىرگەنى ازىرگە بەلگىسىز.
رەسەي اسكەري-اۋە كۇشتەرى سيرياداعى بەس جىلدان اسقان ازاماتتىق سوعىستا وسى ەل پرەزيدەنتى باشار اسادتى قولداپ، سوعىسقا كيلىككەن.
ازات ەۋروپا / ازاتتىق راديوسى
پىكىر قالدىرۋ