Mäskeu Kenesarı hannıñ basın qaytaru jayın qarastırmaq
kerey.kz
Kärim Mäsimov Dmitriy Medvedevpen Kenesarı han men Keyki batırdıñ basın qaytaru mäselesin talqıladı.Bwl turalı Qazaqstan prem'eriniñ resmi saytında habarlandı.
QR Prem'er-Ministri Kärim Mäsimov özi uäde etkendey, RF Ükimet törağası Dmitriy Medvedevpen kezdesui barısında ötken jüz jıldıqtağı wlt-azattıq qozğalıstıñ köşbasşıları Kenesarı han men Keyki batırdıñ mürdelerin elge qaytaru turalı mäseleni köterdi.
Dmitriy Medvedev bwl mäseleni anıqtap, şeşu üşin qajetti tapsırmalar beretinin ayttı.
«Men auızşa jäne eger qajet bolsa, jazbaşa tapsırma berip, bwl mäseleniñ anıq-qanığın anıqtaytın bolamın», – dep jauap berdi D.Medvedev K.Mäsimovtiñ wlt kösemderiniñ mürdelerin kömu üşin Qazaqstanğa qaytaru turalı ötinişine.
Bwdan bwrın Kärim Mäsimov Dmitriy Medvedevpen atalmış jädigerdi qaytaru turalı mäseleni talqılaytını turalı öziniñ Tvitterinde jazğan edi.
Qazaqstan üşin asa qwndı jädigerdi keñes däuirinen beri qaytaruğa birneşe märte wmtılıs jasaldı. Soñğı kezderi bwl taqırıp, äsirese, äleumettik jelilerde jii köterile bastadı. Mäselen, qazaqstandıq Nwrlan Ämireqwlov Facebook äleumettik jelisinde osı taqırıptağı postın jariyaladı.
Reseylik äriptesimen kezdesu kezinde Kärim Mäsimov Astanada ötetin XIII Aymaqaralıq ıntımaqtastıq forumına qatıstı mäselelerdi de talqıladı. Atap aytqanda, Batıs Europa-Batıs Qıtay tärizdi iri kölik jobaların jüzege asıru barısı söz boldı. Jayıq transşekaralıq özenine qatıstı taqırıpqa basa nazar audarıldı. Prem'er-Ministr bwl mäsele boyınşa ükimetaralıq kelisimge qol qoyudı wsındı.
Sonımen qatar logistika, şekara mañı ıntımaqtastığı jäne naqtı ekonomika salasındağı basqa da mañızdı mäseleler boyınşa özekti taqırıptar talqığa salındı.
Dmitriy Medvedev körşiles memleketterdiñ ekijaqtı qarım-qatınası twraqtı äri joğarı deñgeyde ekenin atap ötti.
Pikir qaldıru