“ORISŞA ÖZDERİÑ AUDARIP ALIÑDAR”- degen ER QAZAQ ÜKİMET tizginin aldı
Sonımen, Kärim Mäsimov Prem'er-ministr bola salısımen, bir jıl ötpey-aq, “qaşan ketedi?”-degen eldiñ tilegi 10 jılğa juıq uaqıttan soñ orındaldı… 8 qırküyekte Prezident jarlığımen Ükimet taratılıp, 9 qırküyek küni Baqıtjan Sağıntaev Ükimet tizginin qolğa aldı.
Damığan eldiñ bäri basqa-basqa, ükimet basqaratın twlğanıñ qanday qasietterine basa män beretinin bağamdap körsek, ol qanşa jerden keremet bolsa da, eñ aldımen onıñ boyındağı wlttıq müddege adaldığın alğa qoyatını anıq. Osı twrğıdan alğanda, Baqıtjan Sağıntaev Imanğali Tasmağambetovten keyingi wlttıq wstanımı berik prem'er bola aladı degen ümittemiz.
Sözimiz qwrğaq bolmauı üşin Baqıtjan Sağıntaevtıñ Ükimet basşısınıñ birinşi orınbasarı retinde türli jiındarda memlekettik tilge basımdıq beretinin aytuğa boladı. Tipti, ana bir jılı, Oñtüstik Qazaqstan oblısına barğanda, Maqtaral audanında qaptağan tilşilerge swhbat berip twrğanda, “Endi orısşa aytıp jiberiñizşi”-degende: “Orısşağa özderiñ audarıp alıñdar”-degen Ükimettegi birinşi adam desek te artıq aytqandıq emes. Iä, ükimettegi. Sebebi, jalpı bilikti aytar bolsaq, Elbasımız Nwrswltan Nazarbaevtıñ 2012 jılı BAQ-qa swhbat berip twrıp, “orısşa aytıp beriñizşi”-degen tilşilerge :Öziñ aytıp bermeysiñ be orısşañdı?”–dep, qaytarıp tastağan videosı ğalamtarda jür. Bir qızığı, Elbası osı swhbatında, 2012 jılı qırküyekte Baqıtjan Sağıntaevtıñ «Nwr Otan» partiyası törağasınıñ birinşi orınbasarı bolıp saylanuına baylanıstı mälimet berip twrğan bolatın… Mümkin, Baqıtjan Sağıntaevtıñ 2014 jılı Jetisayda jergilikti tilşilerge “Orısşağa özderiñ audarıp alıñdar”-deuiniñ negizi Elbasınıñ sol sözinde jatqan şığar… Degenmen, qazaqşa oylanatın, memlekettik til-memlekettik müddeni birinşi orınğa qoyatın, erik-jigeri bar batıl sayasatker ğana osılay ayta aladı dep bilemiz. Täuelsizdikke şirek ğasır bolsa da, Qazaq sayasatkerlerinen Reseydiñ memlekettik tilin swray beretin, “dayın asqa tik qasıq” boluğa üyrenip alğan tilşilerge de obal joq… Özbekstanda osınday oqiğa bolsa, onday tilşilerdi it qosıp quıp, qızıqtap qarap twrar edi…
2015 jılı jeltoqsanda «Atameken» WKP wyımdastırğan «Wlı dala eli» forumında «Qazaqstannıñ üzdik tauarı» körmesin aralağan QR Prem'er-ministriniñ birinşi orınbasarı Baqıtjan Sağıntaev otandıq tauarlardıñ aluan türliligine köñil audara otırıp: «Bügin säukele, şapan nemese tağı basqa da sol siyaqtı wlttıq bağıttağı tauarlardı körip qana qoymay, müldem basqa deñgeyge şıqqanımızdı bayqap otırmız”-dep, razılıq bildirgenine qarap, “teñizdiñ dämi tamşıdan” degendey, osı bir auız sözinde de köp män jatır.
Sonımen qatar Baqıtjan Sağıntaev osı forumda Euraziyalıq ekonomikalıq odaqtağı ekonomikalıq qatınastardağı tüytkildi mäseleni köterdi. “Keybir belorustıq süt önimin öndiruşiler tauarlarınıñ dizaynın qazaqstandıq naqışta resimdep, wsaq qarippen «Belorus'ta öndirilgen» dep jazadı eken. EEK Keñesiniñ otırıstarında osı mäselelerdi köteruge tiispiz. Bastısı, sizder järdemge keliñizder – qay jerde zañ bwzuşılıqtar orın alğanın aytıp otırıñızdar», – degenine qarap, är el körpeni özine tartısı keletin talas-tartısta wlt müddesin qorğay alatın zerektigin bayqaymız.
Ükimet basşısınıñ birinşi orınbasarlığına deyin ekonomikalıq damu jäne sauda ministri, öñirlik damu ministri jäne Pavlodar oblısı äkimi bolğan, yağni, Elbasımız aytqanday jan-jaqtı täjiribesi mol, ekonomika ğılımınıñ kadidatı Baqıtjan Äbdirwlınıñ alğaşqı qızmetteri – joğarı oqu orındarındağı sayasi ekonomiya men äleumettanu kafedraları oqıtuşısı, docent bolğanın eskersek, jalpı qoğamdıq-äleumettik salanı da jetik biledi degen senimdemiz.
Keşe Elbası Parlament müşeleriniñ kelisimin alıp, jaña prem'erditanıstırıp, ülken ümit artqan kezde de QR Prem'er-ministri Baqıtjan Sağıntaev tek qazaq tilinde ğana söyledi. Sözi mıqtı, közi ottı, özi jigerli.
Endeşe, baspasözde basa män berilip aytılıp jatqanday, qazaqtıñ qasietti sanı toğızınşı aydıñ toğızınşı küni Ükimetti alğan toğızınşı prem'erge Aq jol tileymiz.
“Toğızınşı wldan saqtan”-degen belgili fil'mniñ atın özgertip paydalansaq, toğızınşı prem'erden ümit kütemiz.
Qazıbek ISA
qazaquni.kz
Pikir qaldıru