TMD-nı zamanaui jağdayğa beyimdeu qajet
Qazaqstan Prezidenti otırıs Dostastıqtıñ qwrıluınıñ mereytoyı jılında ötip otırğanın ayttı.
– 1991 jılı qol qoyılğan Almatı deklaraciyası arqılı negizi qalanğan Täuelsiz memleketter dostastığı büginde elderimizdi jaqındastıra tüsetin biregey alañ bolıp qala beredi. Bizdiñ Dostastıq jwmısın jalğastırıp jäne bolaşaqqa degen josparlardı iske asıra otırıp, öziniñ ömirşeñdigin, tiimdiligin jäne perspektivalılığın däleldedi. Sonday-aq, Dostastıqtıñ täjiribesi EAEO jäne ŞIW tärizdi integraciyalıq wyımdarğa da septigin tigizdi. Osılayşa, Almatıda 1991 jılı 21 jeltoqsanda TMD-nıñ qwrıluı zor tarihi mänge ie boldı. Meniñ bastamam boyınşa bügin biz TMD-nıñ 25 jıldığı jöninde mälimdeme qabıldap otırmız. Ol bağdardı ayqındap, aldımızğa jaña mindetter qoyadı, – dedi Nwrswltan Nazarbaev.
Sonımen birge Memleket basşısı jaqında ötken G-20 sammitinde älemdik ekonomikanıñ ornıqtı damuın qamtamasız etu üşin ekonomikalıq sayasattı üylestiru turalı uağdalastıqqa qol jetkizilgenin atap ötti.
– Sammitte damudıñ eskirgen modelin almastıru jäne jahandıq industriyalıq revolyuciyadan soñ kelgen jaña sandıq ekonomikağa köşu mäseleleri talqılandı. Bwl – energiyanıñ jaña türine, valyutanıñ jaña sanatına jäne qoğamdıq qarım-qatınastıñ jaña formalarına negizdelgen qoğamdıq öndiristiñ jaña täsilin tabu men igere bastaudıñ nışanı. Jaña problemalar aldında TMD ayasında bizge de tığız özara is-qimıl jasap, birlesken jobalardı jandandıru qajet, – dedi Nwrswltan Nazarbaev.
Qazaqstan Prezidenti Dostastıqtıñ qazir 2008 jılı qabıldanğan ekonomikalıq damu strategiyasın iske asırudıñ üşinşi kezeñine köşkenine nazar audardı.
– Qazirgi uaqıtta älemdik ekonomikadağı jağday aytarlıqtay özgerdi. Sondıqtan Qazaqstan Dostastıq elderiniñ ekonomikalıq damuına serpin beruge arnalğan şaralar jiıntığın jandandıru tüsudi wsındı, – dedi Memleket basşısı.
Bwdan bölek, Qazaqstan Prezidenti TMD elderin damıtudağı kölik-tranzit äleuetin tiimdi paydalanudıñ mañızdı rölin atap ötti.
– Key jağdayda auqımdı kölik-tranzittik jobalardı iske asıruda elder arasında bir-birin qaytalau kezdesip qaladı, özara kelisudiñ jetispeytindigi bayqaladı. Osığan baylanıstı, bwl saladağı sayasatımızdı üylestiru qajet. Bwl jobalarımızdıñ tiimdiligin edäuir arttıruğa mümkindik beredi, – dedi Nwrswltan Nazarbaev.
Sonımen birge, Elbası ötken jolğı kezdesude TMD-nı zamanaui jağdayğa beyimdeu qajettigi jönindegi uağdalastıqqa qol jetkizilgenin keñeske qatısuşılardıñ esine saldı.
– Taraptardıñ belsendi özara is-qimılı arqasında Dostastıqtıñ tiimdiligin arttıratın naqtı şaralar äzirlendi. TMD qızmetin jetildirip, onıñ funkcionaldıq ikemdiligine qol jetkizu üşin twraqtı türde jwmıs jürgizip otıru qajet, – dedi Qazaqstan Prezidenti.
Soñında Memleket basşısı TMD-ğa 2017 jılı Resey Federaciyasınıñ törağalıq etui jönindegi şeşimdi Qazaqstannıñ qwptaytının jetkizdi.
Pikir qaldıru