Almatıda bank qızmetkeriniñ ölimine qatısı bar küdikti qamauğa alındı
Almatıda 28 jastağı Nwrşat Rozievtiñ ölimine qatısı bar küdikti qamauğa alındı, – dep habarlaydı Tengrinews.kz tilşisi qalalıq sottıñ baspasöz qızmetine silteme jasap.
“Almatı qalalıq Türksib audandıq sotınıñ şeşimimen 1994 jılı düniege kelgen B.J. esimdi küdikti qamauğa alındı. Ol aldın ala kelisim boyınşa qılmıs jasağanı üşin küdikti dep tanıldı”, – dep habarladı qalalıq sottıñ baspasöz qızmetindegiler. Ayta keteyik, küdikti eki ayğa – 2016 jıldıñ 14 qaraşasına deyin qamauğa alındı.
Osığan deyin Almatıda bank qızmetkeriniñ joğalıp ketkeni habarlanğan bolatın. Qazaqstandıq bankterdiñ birinde bölimşe basşısı bolıp qızmet etetin onı soñğı ret 3 qırküyekte keşki 18.00 şamasında körgender bar. Ol jattığudan keyin üyine qaytıp kele jatqan. Kelesi küni tañğı uaqıtta körşileri Roziev twratın üyden ört şıqqanın bayqağan. Ört söndirilipti, biraq üy iesi men onıñ köligi bolmağan.
Al 11 qırküyekte Almatıda iz-tüssiz joğalıp ketken bank qızmetkeriniñ denesi tabılğan edi.
Pikir qaldıru