مەرەكەلەرىڭىزبەن، دوستار!
وسىدان تۋرا 26 جىل بۇرىن، 1990 جىلى 25-قازاندا رەسپۋبليكا جوعارعى كەڭەسى «قازاق كسر-ءنىڭ مەملەكەتتىك ەگەمەندەگى تۋرالى» دەكلاراتسيا قابىلداعان ەدى. ءبىز، بۇكىل قازاق جۇرتى وسى كۇندى اسىعا كۇتكەن بولاتىنبىز. ويتكەنى، كسرو قۇرامىنداعى وداقتاس رەسپۋبليكالاردىڭ ءبىرازى وسىنداي دەكلاراتسيالارىن قابىلداپ، تاۋەلسىزدىككە قاراي ماڭىزدى قادامدارىن جاساپ قويعان.
اقيقاتىندا بۇل دەكلاراتسيا قازاق حالقىنىڭ مەملەكەت قۇراۋشى ۇلت رەتىندەگى ءرولى ايقىندالعان، رەسپۋبليكا اۋماعىندا دەربەس ساياسات جۇرگىزەتىندىگى كورسەتىلگەن ەگەمەندىكتىڭ ەلەۋلى قۇجاتى. 25-قازان – ۇزاق جىلدار رەسپۋبليكا كۇنى رەتىندە مەرەكەلەنىپ كەلدى. كەيىن تاۋەلسىزدىك كۇنىمەن بىرىكتىرىلدى دە اتالىپ وتىلمەيتىن بولدى.
وكىنىشتىسى دەكلاراتسياداعى كەيبىر مىندەتتى قاعيدالار اتا زاڭىمىزعا كىرمەي قالدى. سول رەسپۋبليكا كۇنى مەرەكەسىن قايتا تىرىلتكەنىمىز دۇرىس بولار ەدى.
مەرەكەلەرىڭىزبەن، دوستار!
پىكىر قالدىرۋ