Doing Business: Qazaqstan 35-orınğa şıqtı
Qazaqstan Düniejüzilik banktiñ biznes jasauğa qolaylılıqtı anıqtaytın Doing Business 2017 reytinginde altı orın köterilip, 35-orınğa şıqtı. Bıltır jariyalanğan reytingte Qazaqstan 41-orında bolğan edi.
Düniejüzilik banktiñ “Doing Business 2017: Equal Opportunity for all” dep atalatın esebinde Qazaqstan Bruney, Keniya, Belarus', Indoneziya, Serbiya, Gruziya, Päkistan, Birikken Arab Ämirlikteri jäne Bahreynmen birge 2015-2016 jıldarı bizneske qolaylı jağday tuğızuda ülken jetistikterge jetken on el qatarına kirgeni aytıladı.
Bizneske eñ qolaylı elder tizimin biıl Jaña Zelandiya bastağan. Ekinşi orındağı Singapur bwğan deyin on jıl boyı tizimniñ basında bolğan edi. Alğaşqı ondıqqa sonımen qatar Daniya, Gonkong, Oñtüstik Koreya, Norvegiya, Wlıbritaniya, AQŞ, Şveciya jäne Makedoniya kirgen.
Reytingte postsovettik elderden Belarus' 37, Armeniya 38, Resey 40, Qırğızstan 75, Özbekstan 87, Täjikstan 187-orında twr. Reytingte barlığı 190 memlekettiñ körsetkişi saralanğan.
Doing Business esebinde memleketterdiñ azamattardıñ biznesti aşıp, jürgizuine qolaylı jağdaylar jasauı men kedergi keltirui, sırtqı sauda jürgizu qızmeti, salıq tölemderi, investorlar müddesin qorğau deñgeyine qatıstı 190 körsetkişi taldanğan.
Azat Europa / Azattıq radiosı
Pikir qaldıru