Elbası Tramptı jeñisimen qwttıqtadı
Memleket basşısı Qazaqstan halqınıñ jäne jeke öziniñ atınan D.Tramptı qwttıqtap, biıl elderimiz arasında diplomatiyalıq qarım-qatınas ornağanına 25 jıl tolatının atap ötti.
«Sizdiñ basşılığıñızben Amerika Qwrama Ştattarı dünie jüzinde twraqtılıqtı, qauipsizdikti saqtau jäne ösip-örkendeu jolında tirek bolıp qala beretinine senimdimin», – delingen jedelhatta.
Elbası Qazaqstannıñ 2017-2018 jıldarda BWW Qauipsizdik keñesine twraqtı emes müşe boluı äriptestigimizdiñ mañızdı kezeñine aynalatınına senim bildirdi.
«Biz Keñes jwmısına eleuli üles qosıp, AQŞ-pen barlıq özekti mäseleler boyınşa özara tiimdi is-qimıl jasauğa äzirmiz», – delingen jedelhatta.
Soñında Nwrswltan Nazarbaev Donal'd Trampqa tabıs tilep, onı Qazaqstanğa saparmen keluge şaqırdı.
Pikir qaldıru