جاعىمپازدىق نوكاۋتقا ءتۇستى!
اۋرۋحانادان كەشە شىققانمەن فب-عا بۇگىن عانا كىرىپ ەدىم، ونشاقتى كۇننىڭ ىشىندە قانشاما وزگەرىستەر بولىپ كەتكەن؟! قارادان قاراپ تۇرىپ استانانىڭ اتى وزگەرىپ كەتە جازداپتى! پ@لامەنت عيماراتىنىڭ توبەسىنە شاپالاق سوعىپ تۇرعان الاقان بەينەسىندە جاعىمپازدىق سيمۆولىن ورناتۋعا لايىق پا دەپ قالدىم.
«پارتيا قالاۋلىلارى» جاعىمپازدىق وليمپياداسىنىڭ جەلاياقتارى بولعانىمەن، ال ۇلت ءۇشىن ماڭىزدى ماسەلەنىڭ بارىندە – «ستراۋس». جەر داۋىندا بۇعىپ قالادى، پەتروپاۆل مەن پاۆلودار قالالارىنىڭ اتىن اۋىستىرۋعا كەلگەندە جاق اشپايدى، كونستيتۋتسياعا مەملەكەت قۇراۋشى ۇلتتىڭ اتى مەن قۇقىعىن ەنگىزۋگە – كەرەڭ، قۇقىقتىق اكتىلەر مەن زاڭ جوبالارىن مەملەكەتتىك تىلدە ازىرلەۋگە – سوقىر. ال جاعىمپازدىق جارىسىندا قۇلاقتار «اشىلىپ»، سوقىر كوزدەرى «كورىپ كەتەدى». وسىنداي جاعىمسىز «قىلىقتارىمەن» ابىرويدان ايىرىلىپ ءبىتتى.
وزدەرىنىڭ باتپاققا باتقان ابىرويىن قويشى، پرەزيدەنتتىڭ ىشكى-سىرتقى بەدەلىن جويقىن ءزىلزالاداي كۇيرەتىپ كەتە جازدادى ەمەس پە. مەملەكەت باسشىسى «رەسەي-24» تەلەارناسىنا بەرگەن سۇقباتىندا ەلوردا اتىنىڭ وزگەرتىلمەيتىنى تۋرالى مالىمدەمەسىمەن پارلامەنتتىك جاعىمپازدىقتى كەزەكتى رەت تالدىرىپ ءتۇسىردى! وزدەرىنە دە سول كەرەك! (ۇزاققا سوزىلعان دۋ قول شاپالاق).
پىكىر قالدىرۋ