JAĞIMPAZDIQ NOKAUTQA TÜSTİ!
Auruhanadan keşe şıqqanmen FB-ğa bügin ğana kirip edim, onşaqtı künniñ işinde qanşama özgerister bolıp ketken?! Qaradan qarap twrıp Astananıñ atı özgerip kete jazdaptı! P@lament ğimaratınıñ töbesine şapalaq soğıp twrğan alaqan beynesinde jağımpazdıq simvolın ornatuğa layıq pa dep qaldım.
«Partiya qalaulıları» jağımpazdıq olimpiadasınıñ jelayaqtarı bolğanımen, al wlt üşin mañızdı mäseleniñ bärinde – «straus». Jer dauında bwğıp qaladı, Petropavl men Pavlodar qalalarınıñ atın auıstıruğa kelgende jaq aşpaydı, Konstituciyağa memleket qwrauşı wlttıñ atı men qwqığın engizuge – kereñ, qwqıqtıq aktiler men zañ jobaların memlekettik tilde äzirleuge – soqır. Al jağımpazdıq jarısında qwlaqtar «aşılıp», soqır közderi «körip ketedi». Osınday jağımsız «qılıqtarımen» abıroydan ayırılıp bitti.
Özderiniñ batpaqqa batqan abıroyın qoyşı, Prezidenttiñ işki-sırtqı bedelin joyqın zilzaladay küyretip kete jazdadı emes pe. Memleket basşısı «Resey-24» telearnasına bergen swqbatında elorda atınıñ özgertilmeytini turalı mälimdemesimen parlamenttik jağımpazdıqtı kezekti ret taldırıp tüsirdi! Özderine de sol kerek! (Wzaqqa sozılğan du qol şapalaq).
Pikir qaldıru