|  |  | 

وقيعا ساياسات

كارىم ءماسىموۆتىڭ ۇقك-دەگى 100 كۇنى


ۇقك توراعاسى كارىم ءماسىموۆ.

ۇقك توراعاسى كارىم ءماسىموۆ.

كارىم ءماسىموۆتىڭ ۇقك توراعاسى قىزمەتىندە دە اگرەسسيالىق پياردى جاتسىنبايتىنى بايقالادى، بىراق كەي باقىلاۋشىلار ول ارنايى قىزمەت جۇمىسىنىڭ قىر-سىرىنا قانىعىپ، ءبىراز جەتىستىكتەرگە جەتتى دەپ سانايدى.

اقتوبە مەن الماتى قالالارىندا اشىق تۇردە قارۋلى شابۋىلدار جاسالعان تۇستا، بيىل قىركۇيەكتىڭ 8-ىندە ۇلتتىق قاۋىپسىزدىك كوميتەتى (ۇقك) توراعاسى قىزمەتىن سەگىز ايدان ءسال كوپ اتقارعان ۆلاديمير جۇماقانوۆ قىزمەتىنەن الىندى. ونىڭ ورنىنا بۇرىنعى پرەمەر-مينيستر كارىم ءماسىموۆتىڭ تاعايىندالۋى بيىلعى جىلدىڭ باستى وقيعالارىنىڭ بىرىنە اينالدى. ءماسىموۆتىڭ جاڭا «قۇپيا» قىزمەتتەگى ارەكەتتەرىنىڭ كوبى جۇرت نازارىنا ىلىكتى. ولاردىڭ كەيبىرى پرەمەرلىگىنىڭ سوڭعى كەزەڭىندە بايقالعان ءوز-ءوزىن جارنامالاۋدى جالعاستىرۋ سياقتى بولىپ كورىندى.

بىراق كارىم ءماسىموۆ ۇقك-ءىن باسقارعان 100 كۇن ىشىندە «مۇناي جانە مۇناي ونىمدەرىن ۇرلاپ، زاڭسىز تاسىمالداۋمەن اينالىستى» دەگەن كۇدىككە ىلىككەن ۇيىمداسقان قىلمىستىق توپتاردىڭ جولىن كەسكەن اۋقىمدى ارنايى وپەراتسيا جۇرگىزىلدى. ساراپشىلار مۇنى ءماسىموۆتىڭ ەڭبەگىنە بالايدى.

پيارعا ۇقسايدى

قاراشانىڭ 26-سى كۇنى استاناداعى بالالار ءۇيىنىڭ 30 جىلدىعىن مەرەكەلەۋگە قاتىسىپ، جەتىم بالالارعا ۇقك اتىنان سىيلىقتار تابىستاعان كارىم ءماسىموۆ ۇقك توراعاسى رەتىندە باق-تا كورىنىپ ۇلگەردى.

ۇقك-ءنىڭ ءباسپاسوز حابارلاماسىندا كارىم ءماسىموۆتىڭ «پرەزيدەنتىمىز نۇرسۇلتان ءابىشۇلى نازارباەۆ بالالار مەن ولاردىڭ قۇقىعىن قورعاۋدى ەلدىڭ الەۋمەتتىك دامۋىنىڭ باستى باعىتتارىنىڭ ءبىرى رەتىندە بەلگىلەگەن بولاتىن. ويتكەنى بالالاردى قامقورلىققا بولەۋ مەن دۇرىس تاربيەلەۋ كەلەشەگىمىزگە سالىناتىن وراسان زور ينۆەستيتسيا عوي» دەگەن قۇتتىقتاۋ سوزىنەن ءۇزىندى كەلتىرىلگەن.

قازان ايىندا باق-تا تاراعان قالا جاعدايىندا تەررورعا قارسى ارنايى جاتتىعۋدا ۇقك ارنايى بولىمشەسى قىزمەتكەرىنىڭ جاۋىنگەرلىك كيىمىن كيىپ، اۆتومات ۇستاپ تۇرعانى جانە بارلاۋ-ديۆەرسيا توبىنىڭ جاتتىعۋىنا قاتىسقانى كورسەتىلگەن ۆيدەوسيۋجەتتەر دە كارىم ءماسىموۆتى جارنامالاۋعا ۇقسادى.

​ازاتتىققا «ول ارنايى قىزمەت وفيتسەرلەرى اراسىندا بەدەلىن ارتتىرىپ ءجۇر» دەگەن قازاق سسر مەملەكەتتىك قاۋىپسىزدىك كوميتەتىنىڭ (كگب) بۇرىنعى توراعاسى زاقاش كاماليدەنوۆ ءماسىموۆتىڭ مۇنداي ارەكەتتەرىن جارناما دەپ سانامايدى. زاقاش كاماليدەنوۆتىڭ پىكىرىنشە، كارىم ءماسىموۆ ۇقك توراعاسى قىزمەتىنە كەلگەلى ءوز-ءوزىن جارنامالاۋمەن ەمەس، ارنايى قىزمەتتىڭ باق پەن كوپشىلىكتىڭ نازارىنان كوبىنەسە تىس قالاتىن جۇمىسىنىڭ قىر-سىرىن جاقسىلاپ مەڭگەرۋمەن اينالىسىپ ءجۇر.

كاماليدەنوۆ جۋىردا ءوزى دە قاتىسقان ءماسىموۆتىڭ ۇقك ارداگەرلەرىمەن كەزدەسۋىن ريزاشىلىقپەن ەسكە الادى.

كارىم ءماسىموۆتىڭ ءوز-ءوزىن جارنامالاۋعا بەيىل دەگەن تەوريانى جاقتاۋشىلار جەلتوقساننىڭ باسىندا ونىڭ قازاقستان ترياتلون فەدەراتسياسى پرەزيدەنتى ەتىپ سايلانۋىن دا نازاردان تىس قالدىرماس. بىراق سكەپتيكتەر ءماسىموۆتىڭ ءتۇرلى-ءتۇستى شۇلىقتارى، اۆتوباندا ۆەلوسيپەدپەن ءجۇرىپ، جول ءجۇرىسى ەرەجەلەرىن بۇزعانى ءۇشىن سوت ارقىلى سالىنعان ايىپپۇلدى تولەۋ سياقتى پيار-ەپيزودتار بىلتىر جازدا الەۋمەتتىك جەلىلەردە قىزۋ تالقىلانعانىن ەسىنە ءتۇسىرۋى مۇمكىن.

قازاقستاندا مەملەكەتتىك ورگان باسشىلارىنىڭ الدەبىر سپورت تۇرىنەن فەدەراتسيانى باسقارۋى داستۇرگە اينالعان. مىسالى، ۇقك-ءنىڭ بۇرىنعى توراعاسى نۇرتاي ابىقاەۆ ۆولەيبول فەدەراتسياسى مەن گولف فەدەراتسياسىن باسقارادى، بىراق ونى ءوز-ءوزىن جارنامالاپ ءجۇر دەپ ەشكىم سوكپەيدى.

ءماسىموۆ جانە الەۋمەتتىك جەلىلەر

ۇقك توراعاسى قىزمەتىنە تاعايىندالعاننان كەيىن كارىم ءماسىموۆ الەۋمەتتىك جەلىلەردە پوست جاريالاۋىن دوعاردى. مىسالى، Twitter پاراقشاسىنداعى سوڭعى جازباسى ۇقك توراعاسى قىزمەتىنە تاعايىندالعان كۇنى جاريالانعان.

قىركۇيەكتىڭ 8-ىندە كارىم ءماسىموۆ Twitter جەلىسىندە «ەلباسىنا ماعان كورسەتكەن زور سەنىمى ءۇشىن العىسىمدى بىلدىرەمىن» دەپ جازعان.

كارىم ءماسىموۆ ايماقتاردى پرەمەر-مينيستر رەتىندە ارالاعان اقىرعى ساپارىنان تۇسىرىلگەن ۆيدەوەسەپ تۇرىندەگى سوڭعى پوستىن Facebook جەلىسىندە قىركۇيەكتىڭ 7-سىندە جاريالاعان.

Facebook جەلىسىندەگى پوستىندا ءماسىموۆ «35 ساعاتقا جۋىق اۋەدە ۇشىپ، 28 000 كيلومەتر جول ءجۇرىپ، 40 قالا مەن اۋىلدى، 158 كاسىپورىن، نىسانداردى ارالاپ، كوپتەگەن كەزدەسۋ، جينالىس وتكىزدىك» دەپ جازعان.

زاقاش كاماليدەنوۆ.

زاقاش كاماليدەنوۆ.

ۇقك توراعاسى قىزمەتىنە تاعايىندالعاننان كەيىن كارىم ءماسىموۆ ىلە-شالا ارنايى قىزمەت ارداگەرلەرىمەن كەزدەسۋ وتكىزگەنىن جۇرت بىلمەيدى. ۇقك ارداگەرلەر كەڭەسىنىڭ قۇرمەتتى توراعاسى گەنەرال تۇرسىن ايجولوۆتىڭ ازاتتىققا ايتۋىنشا، كارىم ءماسىموۆ ءوزىن پروبلەمالاردى تەز ءتۇسىنىپ، ولاردى شۇعىل شەشەتىن ادام رەتىندە كورسەتكەن.

ۇقك ارداگەرلەرى ساناتوريالىق ەمدەۋ جۇيەسىندەگى تالايدان بەرى شەشىلمەي كەلە جاتقان پروبلەمالاردىڭ ءبىرىن ءماسىموۆ كەزدەسۋدەن كەيىن بىردەن شەشىپ بەرگەنىن ايتادى. ال قازاق سسر كگب-ءسىنىڭ بۇرىنعى توراعاسى زاقاش كاماليدەنوۆ الگى كەزدەسۋ كەزىندە كارىم ءماسىموۆ ارنايى قىزمەت ارداگەرلەرىنىڭ تاجىريبەسىن تاپتىشتەپ سۇرادى دەيدى ريزاشىلىقپەن.

ارنايى وپەراتسيانىڭ استارى

جىل سوڭىنا قاراي اقتوبە وبلىسى جانە وزگە ايماقتاردا مۇناي جانە مۇناي ونىمدەرىن ۇرلاپ، زاڭسىز تاسىمالداۋمەن اينالىسقان ۇيىمداسقان قىلمىستىق توپتاردىڭ جولىن كەسۋ ءۇشىن جەلتوقساننىڭ 7-ءسى كۇنى ۇقك قولداۋىمەن اۋقىمدى ارنايى وپەراتسيا جۇرگىزىلگەنى حابارلاندى. ۇقك ءباسپاسوز قىزمەتى تاراتقان ءباسپاسوز حابارلاماسىندا «مۇناي ۇرلاۋدى جۇزەگە اسىراتىن ادامدارعا «قىلمىستىق» قامقورلىق كورسەتەتىن، راديكالدىق سالافيزم جولىن ۇستاۋشىلاردان قۇرالعان قىلمىستىق توپتىڭ بىرنەشە مۇشەلەرى تۇتقىندالدى» دەپ جازىلعان. باياعىدان بەلگىلى «اعايىندى تورتەۋ» توبىنىڭ 50 جاستاعى باسشىسى ەركىن ءىزباسار الماتىدا تۇتقىندالىپ، كەيىن ۇشاقپەن اقتوبەگە ۇشاقپەن جەتكىزىلگەن.

ۇقك-ءنىڭ وتستاۆكاداعى پولكوۆنيگى ارات نارمانبەتوۆ «كۇشتىك ورگاندار «اعايىندى تورتەۋ» دەگەن توپ بارىن 1990 جىلداردان بىلەدى، سوندىقتان ارنايى وپەراتسيا نەلىكتەن ەرتەرەك ەمەس، ەندى عانا وتكىزىلدى دەپ سۇراۋ كەرەك،»- دەيدى ازاتتىققا. ول بۇل سۇراعىنا «مۇنى ۇيىمداسقان قىلمىستىق توپ دەپ ەمەس، ەكونوميكا جانە قارجى سالالارىن دا شىرماپ العان، بۇعان قوسا كۇشتىك ورگاندار عانا ەمەس، ساياسي ەليتانىڭ كورنەكتى وكىلدەرى اراسىندا دا مىقتى «تىرەۋشىسى» بار مافيا دەپ ايتۋ كەرەك. الگى توپقا ءالى كۇنگە دەيىن ەشكىمنىڭ شاماسى كەلمەگەنى سوندىقتان» دەپ ءوزى جاۋاپ بەردى. بىراق نارمانبەتوۆتىڭ سوزىنشە، اۋقىمدى وپەراتسيا – ءماسىموۆتىڭ بەدەلىنىڭ ارقاسى.

كارىم ءماسىموۆ مۇنداي اۋقىمدى ارنايى وپەراتسيانى پرەزيدەنت نۇرسۇلتان نازارباەۆتىڭ رۇقساتىنسىز جۇرگىزۋگە تاۋەكەل ەتپەس ەدى دەپ سانايتىن تاۋەلسىز جۋرناليست سەرگەي دۋۆانوۆ ونىڭ سوڭعى پىكىرىمەن كەلىسپەيدى. دۋۆانوۆتىڭ ازاتتىققا ايتۋىنشا، ءماسىموۆ نازارباەۆ بەلگىلەپ بەرگەن شەكتەن اسپاي عانا باتىلدىق تانىتا الادى. سوندىقتان ءجۋرناليستىڭ پىكىرىنشە، جوعارىدا اتالعان «اعايىندى تورتەۋ» ۇيىمداسقان قىلمىستىق توپ باسشىسىن ساياسي ەليتانىڭ ىشىندە الگى شەكتەن تىسقارى وتىرعان كىمنىڭ قورعاشتاپ كەلگەنىن قوعامعا جاريالاماۋى دا مۇمكىن.

"ارنايى وپەراتسيادا" اقتوبە مۇناي وڭدەۋ زاۋىتىنا كىرەبەرىستە تۇرعان قارۋلى جاساق. 7 جەلتوقسان 2016 جىل.

“ارنايى وپەراتسيادا” اقتوبە مۇناي وڭدەۋ زاۋىتىنا كىرەبەرىستە تۇرعان قارۋلى جاساق. 7 جەلتوقسان 2016 جىل.

ۇقك توراعاسى قىزمەتىندە كارىم ءماسىموۆ كوپ باتىلدىق تانىتا المايتىنىن ازاتتىققا پارلامەنتتەگى بيلىكشىل قازاقستان كوممۋنيستىك حالىقتىق پارتياسى فراكتسياسىنىڭ جەتەكشىسى ۆلاديمير كوسارەۆ تە ايتادى. بىراق ول مۇنى ۇقك تاراتقان حابارلامادا الدەبىر سالافيتتەر تۋرالى دا ايتىلۋىمەن بايلانىستىرادى. كارىم ءماسىموۆتىڭ الدىندا ۇقك توراعاسى بولعان ۆلاديمير جۇماقانوۆ ەرتەرەكتە قازاقستاندا يسلامنىڭ راديكالدى اعىمى – سالافيزمگە تىيىم سالۋ تۋرالى زاڭ جوباسى دايىندالىپ جاتىر دەپ اشىق مالىمدەگەن بولاتىن ءارى ونى كوپ ۇزاماي ۇقك توراعاسى قىزمەتىنەن الىپ تاستادى.

جەرگىلىكتى باقىلاۋشىلاردىڭ سالافيزمگە زاڭ جۇزىندە تىيىم سالۋدى ەندى ءماسىموۆ تالاپ ەتەتىن شىعار دەگەن بولجامىنا قاتىستى كوسارەۆ مۇنى نازارباەۆتىڭ «قالاۋى بىلەدى» دەيدى.

پرەمەرلىك كەزەڭىنىڭ سوڭىنا قاراي كارىم ءماسىموۆتىڭ جىلناماشىسى ءرولىن اتقارعان تانىمال بلوگەر دەنيس كريۆوشەەۆتىڭ ازاتتىققا ايتۋىنشا، قارجى جانە ەكونوميكالىق قاۋىپسىزدىكتى قامتاماسىز ەتۋدىڭ ماڭىزدى ەكەنىن ۇقك-ءنىڭ بۇرىنعى باسشىلارىمەن سالىستىرعاندا، ءماسىموۆ جاقسى تۇسىنەدى. بلوگەردىڭ سوزىنشە، سوندىقتان ءماسىموۆ قارجىگەر داۋلەت ەرعوجيندى ۇقك توراعاسىنىڭ ورىنباسارى ەتىپ، «گەنەرالدىق» قىزمەتكە شاقىرىپ الدى. «اعايىندى تورتەۋ» ۇيىمداسقان قىلمىستىق توبىن تالقانداۋ قاجەتتىگى تۋرالى قيسىندى باياندامامەن پرەزيدەنت نازارباەۆقا بارۋ بۇدان كەيىن قيىن بولعان جوق دەپ سانايدى دەنيس كريۆوشەەۆ.

ازات ەۋروپا / ازاتتىق راديوسى 

Related Articles

  • ايا سوفيا نەگە مۇراجايعا ايلاندىرىلدى؟!؟

    ايا سوفيا ايلاناسىنداعى داۋعا نۇكتەنى قويۋ ءۇشىن ونىڭ 1934 جىلى نەلىكتەن مۇراجايعا ايلاندىرىلعانىن بىلمەك ءلازىم. بۇگىنگى احۋالمەن وتكەنگە باعا بەرۋگە بولمايدى، سول ۋاقىتتىڭ شىندىعىن ءبىلۋ شارت. وسمان پاتشالىعى 1-ءشى دۇنيەجۇزىلىك سوعىستا جەڭىلگەن سوڭ 30 قازان 1918 ج. اتاقتى “موندروس شارتىنا” قول قويدى، بۇل شارت بويىنشا وسمان پاتشالىعى جەڭىمپاز ەلدەردىڭ جەڭىسىن مويىنداپ، ەل بيلىگىن سولارعا تاپسىرىپ، ءىس جۇزىندە ىدىراپ كەتتى. وسمان پاتشالىعى جەڭىمپاز ەلدەرمەن فرانتسيانىڭ استاناسى پاريج ماڭىنداعى سەۆر (Sevres) قالاشىعىندا 10 تامىز 1920 ج. سوڭعى شارتقا قول قويدى. “سەۆر شارتى” دەپ اتالعان وسى حالىقارالىق قۇجاتقا جەڭىمپاز ەلدەر رەتىندە: بريتانيا يمپەرياسى، فرانتسيا، يتاليا، گرەتسيا، جاپونيا، ارمەنيا، بەلگيا، پولشا، پورتۋگاليا، حيجاز پاتشالىعى، رۋمىنيا، سەربيا، چەحيا، حورۆاتيا قول قويىپتى، جەڭىلىسكە ۇشىراعان وسمان پاتشالىعى

  • قازاقستان رەسپۋبليكاسىنىڭ پرەزيدەنتى ق. ك. توقاەۆ مىرزاعا

    قازاقستان رەسپۋبليكاسىنىڭ پرەزيدەنتى ق. ك. توقاەۆ مىرزاعا قۇرمەتتى قاسىم-جومارت كەمەلۇلى! وزىڭىزگە ءمالىم، ەلدىڭ كينو قاۋىمداستىعىندا جىككە بولىنۋشىلىك بولىپ جاتىر. ءبىر جىلدان بەرى داۋ-داماي مەن تەكەتىرەستەر باسىلماي كەلەدى. كاسىبي كينوگەرلەر داۋ-دامايدان ارىلماي وتىر. ناعىز شىعارماشىلىققا ورىن قالمادى. ءبىز مۇنىڭ ءبارى وسى سالا مينيسترلىگىنىڭ ويلانباي جاساعان ارەكەتتەرىنىڭ سالدارى دەپ سانايمىز. 2019 جىلدىڭ ناۋرىزىندا، "ۇلتتىق كينونى قولداۋ مەملەكەتتىك ورتالىعى" كاق قۇرىلىپ، وعان رەسپۋبليكالىق كينو ءوندىرىسىنىڭ بارلىق نەگىزگى ماسەلەلەرىن شەشۋ قۇزىرى بەرىلدى. اقىرىندا "قازاقفيلم" ۇلتتىق كينوستۋدياسىنا قاجەتتى نازار اۋدارىلماي قالدى، ال سىبايلاس جەمقورلىقپەن كۇرەس اگەنتتىگى ۇلتتىق كينونى قولداۋ ورتالىعىنىڭ جەتەكشىلەرىنە قارسى قىلمىستىق ءىس قوزعادى. ونىڭ قالاي اياقتالاتىنى ازىرگە بەلگىسىز، تەرگەۋ جالعاسىپ جاتىر. دەسە دە وسىنىڭ ءوزى ناعىز سوراقىلىق بولىپ وتىر. "قازاقفيلم" ۇلتتىق كينوستۋدياسىنا كەلەر

  • شونجىنىڭ گەو-ستراتەگيالىق شىندىعى (ساراپتامالىق ماقالا)

    بۇل اۋدان (شونجى) قاراساڭىز شەكاراعا ءتيىپ تۇر. شەكارانىڭ كۇنشىعىس بەتىندە اتى قاززاققا بەرىلگەن ىلە قازاق اۆتونوميالى وبلىسى بار (ەكىنشى سۇگىرەت). وندا جەر قايىسقان قالىڭ قازاق تۇرادى. اۆتونرميالى وبلىس شۋار’دان بۇرىن قۇرىلعان. ورتالىعى قۇلجا قالاسى ء(ۇشىنشى سۇگىرەتتەگى 1-گە قاراڭىز). وسى اۆتونوميالى قازاق وبلىسىنا قازىر سەگىز اۋدان، ءبىر قالا توتە قارايدى. ولار: كۇنەس، نىلقى، توعىزتاراۋ اۋداندارى ء(ۇشىنشى سۇگىرەتتەگى 5,6,9-عا قاراڭىز). بۇل ءۇش اۋدان ىلە اڭعارى مەن ىلە دارياسىنىڭ باسىنا ورنالاسقان قازاق ەڭ كوپ، ەڭ ىرگەلى قونىس تەپكەن، تاريحى وتە تەرەڭ، بايىرعى قازاق جەرى. وسى ءۇش اۋدان قازاقتارى 20- عاسىر باسىندا ورىنبورعا ارنايى حات جازىپ، الاش ءباسپاسوزىن قولداپ قارجى جولداپ، وزدەرىن دە الاشتىڭ الىستاعى ءبىر بولشەگى ساناعان-تىن. وسى ءۇش اۋدان تىڭ يگەرىپ، تام

  • ەلدەس وردا: شونجى تارانشىلارىنىڭ “ايعايى” (شاعىن ساراپتاما)

    ءبىرىنشى، ۇيعىرستان دەگەن اتاۋ قاتەلەسپەسەم العاش رەت 1928-1935 جج اراسىندا حاتقا تۇسە باستادى. ەۋروپانىڭ حريستيان ميسسيونەرلەرى قاشقاريادا باسپا قۇرعان. باسپادان ۇيعىرلاردىڭ قاشقار اكتسەنتىندە حريستيان ءدىنىن ۋاعىزدايتىن كىتاپتار، قيسسالار، كۇنتىزبەلەر باسىپ شىعاردى. سول كوپ كىتاپتىڭ بىرىندە “ۇيعىرستان” اتاۋى العاش رەت قولدانىلعان. بىراق بۇنداعى ۇيعىرستان اتاۋى قاشقارياداعى التى ۇلكەن شاھاردى كورسەتەدى. ۇيعىرستان اتاۋى ودان سوڭ 1951-1955 جىلدارى تاعى كوتەرىلدى، بىراق اتاۋدى كوتەرۋشىلەر حريستيان ميسسيونەرلەرى ەمەس، ۇيعىردىڭ بەلسەندى ساياسي توپ، ەليتاسى بولدى. 1951-1955 جىلدارى قازىرگى شۋار’دا ۇلتتىق اۆتونوميانى انىقتاۋ، شەكاراسىن بەكىتۋ جۇمىستارى قاۋرت ءجۇردى، سول كەزدە قىتاي ورتالىق پارتيا كوميتەتىنە “ۇيعىرستان اۆتونوميالى رەسپۋبيليكاسى” دەيتىن ۇسىنىس جولدانعان. ارينە، بۇل سول كەزدەگى كوپ ۇسىنىستىڭ ءبىرى، “شارقي تۇركىستان اۆتونوميالى رەسپۋبيليكاسى” دەگەن ۇسىنىس دا بولدى. وسى اۆتونوميالى

  • مارات ءبايدىلداۇلى (توقاشباەۆ): قارادالا اتاۋى قالپىنا كەلتىرىلسە…

    جازۋشى-پۋبليتسيست ۇيعىر اۋدانىندا قازاق-ۇيعىر جاستارى اراسىندا جانجال شىعىپ، توبەلەسكە ۇلاسقانىن، اراسىندا جاراقات العاندار بار ەكەندىگىن ەستىپ وتە قاپا بولدىم. بۇل ءسوز جوق، يدەولوگيالىق جۇمىستاردىڭ ولقىلىعى دەپ ويلايمىن. جالپى ۇيعىر حالقىنا جاپپاي قارا بوياۋ جاعۋعا بولمايدى. ولار دا وزىنشە ءبىر حالىق، تۋىس حالىق، تۇركى حالقى، مۇسىلمان حالقى. نەگىزگى مەكەنى قازىرگى قىتاي جەرىندە. ۇيعىر حالقى بىرنەشە عاسىردان بەرى ءوز تاۋەلسىزدىگى ءۇشىن كۇرەسىپ كەلەدى. ساياسي تۇرعىدان اشىقتان اشىق ولاردى قولداۋعا قۇقىمىز جوق بولسا دا، ءوز باسىم ىشتەي مۇسىلمان باۋىرلارىمىز عوي، ءوز الدىنا ەل بولىپ كەتسە عوي دەپ تىلەيمىن. ۇيعىر حالقىنىڭ ەڭبەكقورلىعى مەن مادەنيەتىنە، ءتىلى مەن داستۇرىنە قۇرمەتىمىز ۇلكەن. بىرقاتار ۇيعىر قالامگەرلەرىنىڭ شىعارمالارىن قازاق تىلىنە اۋدارۋعا اتسالىسقاننان بولار ۇيعىرشا دا ءتاپ-ءتاۋىر سويلەي الامىن. بىراق

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: