Resmi mälimet boyınşa, 1991 jılı 1 jeltoqsanda alğaş ret bükilhalıqtıq töte dauıs beru jolımen ötken Qazaq SSR-i prezidenti saylauına dauıs beru qwqığına ie respublika azamattarınıñ 88,2 payızı qatısqan. Olardıñ 98,7 payızı Nazarbaevqa qoldau bildirgen. Saylaudan soñ ile-şala SSSR taratılıp, Qazaq SSR-i Joğarı Keñesi deputattarı eldiñ resmi atauın Qazaqstan Respublikası etip özgertu turalı şeşim qabıldadı. Nwrswltan Nazarbaevtıñ prezident retinde alğaşqı ant beru räsimi 10 jeltoqsanda Almatıdağı Respublika sarayında Joğarı Keñes deputattarınıñ qatısuımen ötti. Bwl räsimde äskeri parad pen kortej bolğan joq.

Almatıdağı alğaşqı inauguraciyada aqın Şäker Äbenov prezident Nwrswltan Nazarbaevqa bata berdi. Aqın batasında “Nwrswltannıñ atağı, abıroyı ösip, älemge tanımal bolıp, älemniñ tarih däpterine atı tirkelsin. ” dey kele “halıqqa ziyan keltiretinderdi ayausız jaza berip, tıyım salsın. Äldeqanday iste qatelesse halıqtan keşirim swrap, öz qatesin özi tüzeu” kerektigin eskertti. Bwdan keyingi wlıqtau räsimderinde bata beru bolğan emes. Almatı. 10 jeltoqsan 1991 jılğı suret.

Nwrswltan Nazarbaev Almatıda ötken alğaşqı ant beru räsiminde. 10 jeltoqsan 1991 jıl.

1999 jılı prezident inauguraciyası 20 qañtarda Astanadağı Kongress-holda ötti. Nwrswltan Nazarbaev prezident keñsesinen Kongress-holğa deyin jayau jürip bardı. 1999 jılı 10 qañtarda, merziminen bwrın ötken Qazaqstan prezidenti saylauında Nazarbaev, resmi mälimet boyınşa, 80 payız dauıs jinap, jeñiske jetken.

Qazaqstan Ortalıq saylau komissiyasınıñ sol kezdegi jetekşisi Zağipa Balieva ant beru räsiminde Nwrswltan Nazarbaevqa prezident kuäligin tapsırıp twr.  Astana, 20 qañtar 1999 jıl.

1999 jılı Nazarbaev ant qabıldauğa alğaş ret altın kollar men arnayı orden tağıp şıqtı. Astana, 20 qañtar 1999 jıl.

2006 jılı 10 qañtarda ötken Qazaqstan prezidenti saylauında, resmi mälimet boyınşa, kandidat Nwrswltan Nazarbaev dauıs beruge qatısqan saylauşılardıñ 91,15 payızınıñ qoldauına ie bolğan. Tağı saylanğan prezidentti wlıqtau räsimi 11 qañtarda Astanada ötti. Nazarbaev Aqordağa arnayı kortejben keldi. Onı sırtta arnayı äskeri jasaq qarsı aldı. Wlıqtau räsimine qatısqan 70 astam eldiñ delegattarı arasında Vladimir Putin, Viktor YUşenko, Qwrmanbek Bakiev, Stepan Mesiç, Hamid Karzay, Emomali Rahmon, Islam Karimov, Mihail Saakaşvili jäne özge twlğalar bolğan.

Qazaqstanda 2011 jılı 3 säuirde ötken tağı bir kezekten tıs prezident saylauında Nwrswltan Nazarbaevtıñ 95,55 payız dauıspen jeñiske jetkeni resmi habarlandı. Bes künnen keyin, 8 säuirde wlıqtau räsimi wyımdastırıldı. ​Törtinşi inauguraciya ötken Astanadağı Täuelsizdik sarayına Nazarbaev arnayı küzeti bar kortejben keldi. Ol jürip ötken joldıñ boyında Astana twrğındarı qoşemet körsetip twrdı.

Saltanattı şarağa Batıs elderin aytpağanda, körşiles elderdiñ özderinen eşkim qatısqan joq. Tek Mäskeu qalasınıñ bwrınğı meri YUriy Lujkov keldi. ​Astana, 8 säuir 2011 jıl.

Nwrswltan Nazarbaev Qazaqstan prezidenti retinde ant berip twr. Astana. 8 säuir 2011 jıl.

Nwrswltan Nazarbaev anttan keyin Qazaqstan tuın süyip jatqan sät. Astana. 8 säuir 2011 jıl.

Nwrswltan Nazarbaev ant qabıldau räsimi kezinde. Astana. 8 säuir 2011 jıl.

2015 jılı 26 säuirde ötken jäne bir kezekten tıs prezident saylauında, resmi aqparatqa säykes, saylauşılardıñ 97,75 payızı kandidat Nwrswltan Nazarbaevqa qoldau tanıtqan. Nazarbaev üş künnen keyin ant berip, qızmetke kiristi. Inauguraciya Astanadağı Täuelsizdik sarayında ötti. Şara ötken küni Astanadağı biraz joldar jabılıp, joğarı sınıp oquşıları sabaqtan bosatıldı. Oquşılar, studentter men memlekettik qızmetkerler Täuelsizdik sarayı aldındağı alañğa jinalıp, Nazarbaevqa qoşemet körsetti.

2015 jılı 29 säuirdegi wlıqtau räsimine ükimet müşeleri, parlamenttiñ qos palatası – senat pen mäjilis deputattarı, Konstituciyalıq keñes müşeleri, Joğarğı sot sud'yaları qatıstı. Şet memleketter basşıları kelgen joq.

Ant qabıldağan soñ Ortalıq saylau komissiyası törağası Quandıq Twrğanqwlov qızmetine qayta saylanğan Nwrswltan Nazarbaevqa prezident kuäligin tapsırdı. Qazaqstan täuelsizdik alğalı prezidentti wlıqtau räsiminde tek Nazarbaev qana ant qabıldap keledi.

Astanadağı prezident mwrajayındağı mına inauguraciyalıq kiim arnayı Nazarbaevqa şaqtalıp tigilgen.

Azat Europa / Azattıq radiosı