|  |  | 

سپورت ادەبي الەم

تۇڭعىش رەت قازاق كۇرەسىنەن اقيىق اقىن تولەگەن ايبەرگەنوۆتى ەسكە الۋعا ارنالعان رەسپۋبليكالىق اشىق تۋرنير ماڭعىستاۋدان باستاۋ الدى

IMG-20180415-WA0148

ماڭعىستاۋ وبلىسى مۇنايلى اۋدانى، داۋلەت اۋىلىندا قازاق كۇرەسىنەن 2004-2005
جىلدارى تۋعان جاسوسپىرىمدەر اراسىندا اقيىق اقىن تولەگەن ايبەرگەنوۆتى ەسكە الۋعا ارنالعان
رەسپۋبليكالىق اشىق تۋرنير ءوتتى.
تۇڭعىش رەت ۇيىمداستىرىلىپ وتىرعان تۋرنيرگە وڭتۇستىك-قازاقستان وبلىسى، اتىراۋ،
اقتوبە، قىزىلوردا، ماڭعىستاۋ ءوڭىرى جانە استانا قالاسىنان 6 كوماندا قاتىسىپ، بارلىعى 9
سالماق دارەجەسى بويىنشا 220 سپورتشى چەمپيوندىق اتاققا تالاستى. ايتا كەتۋ كەرەك، سىر ءوڭىرى
قۇراماسى ءتورت كوماندادان قۇرالعان، ولار قىزىلوردا قالاسى، ارال، جاڭاقورعان جانە تاسبوگەت
اۋىلى.
اشىق تۋرنير «بايتاق مەكەنىم» قوعامدىق قورى جانە مۇنايلى اۋدانى «داۋلەت اۋىلى
بالالار جانە جاسوسپىرىمدەر سپورت مەكتەبى» مەملەكەتتىك مەكەمەسىنىڭ ۇيىمداستىرۋىمەن ءوتتى.
بارلىعى 36 مەدال ساراپقا سالىندى، ونىڭ 9 التىن، 9 كۇمىس جانە 18 قولا. سونداي-اق، جەڭىس
تۇعىرىنان كورىنگەن ءاربىر سپورتشىعا جەكە كۋبوكتان تابىستالدى.
ءتۋرنيردىڭ اشىلۋ سالتاناتىندا ءسوز سويلەگەن «بايتاق مەكەنىم» قوعامدىق قورىنىڭ
توراعاسى ءسابيت توقىمبەتوۆ قاتىسۋشىلارعا ساتتىلىك تىلەپ، وڭىرىمىزدە قازاق كۇرەسىن قارقىندى
دامىتۋعا زور ۇلەس قوسىپ جۇرگەن باپكەرلەرگە العىسىن ايتتى.
«قازاقتىڭ ماڭدايىنا بىتكەن اقىن تولەگەن ايبەرگەنوۆتىڭ قۇرمەتىنە وراي
رەسپۋبليكالىق جانە حالىقارالىق دەڭگەيدە ءتۇرلى شارالار ۇيىمداستىرىلىپ كەلەدى. ال
سپورتتان بولسا بۇرىن وتكىزىلگەن ەمەس، بۇل ءبىزدىڭ وتكىزىپ وتىرعان العاشقى شارامىز. مەنىڭشە
جارىسقا قاتىسۋشى بالالاردىڭ بولاشاعى زور، ولار بوس ۋاقىتىن سپورت زالداردا وتكىزەدى، ءبىز
بۇعان تەك قۋانۋىمىز كەرەك. مۇمكىندىگىنشە قولداۋ كورسەتىپ وتىرۋعا ايانىپ قالمايمىز، سەبەبى
سپورتپەن شۇعىلداناتىندار كوبەيسە ولاردىڭ بويىندا وتانسۇيگىشتىك سەزىم قالىپتاسا تۇسەرى
انىق، سوندىقتان دا جاسوسپىرىمدەر اراسىندا قازاق كۇرەسىن كەڭىنەن ناسيحاتتاۋدان بارشامىز
قالىس قالماۋىمىز كەرەك»، – دەيدى ول.
ءتۋرنيردى ۇيىمداستىرۋشىنىڭ ءبىرى، قازاق كۇرەسىنەن باپكەر قايرات يمانعازيەۆتىڭ
ايتۋىنشا، جارىستىڭ ماقساتى – اقيىق اقىن تولەگەن ايبەرگەنوۆتى ەسكە الۋ، جاسوسپىرىمدەر
اراسىندا قازاق كۇرەسىن دامىتۋ، سالاۋاتتى ءومىر سالتىن ناسيحاتتاۋ، سپورتشىلاردىڭ شەبەرلىگىن
ارتتىرىپ، ۇزدىكتەردى انىقتاۋ بولىپ تابىلادى.IMG-20180415-WA0150
«تۋرنيرگە قاتىسۋشىلار جاقسى دايىندىقپەن كەلگەن. ولاردىڭ اراسىندا بولاشاعىنان زور
ءۇمىت كۇتتىرەتىندەر كوپ. اسىرەسە سىر ءوڭىرىنىڭ سپورتشىلارى كورسەتكەن ونەرگە ءتانتى بولدىق.
تورەشىلەر ءادىل باعالارىن بەردى دەپ ويلايمىن. سپورتشىلار نەمەسە باپكەرلەر اراسىندا ءوزارا
تۇسىنىسپەۋشىلىكتەر تۋىنداعان جوق. الدا ءتۇرلى جارىستار كۇتىپ تۇر، كوپ ۇزاماي سولارعا
دايىندىقتى باستايمىز. جالپى ءبىزدىڭ وبلىستا قازاق كۇرەسى بۇرىننان جاقسى دامىعان،
بولاشاقتا ازيا جانە الەم بىرىنشىلىكتەرىندە توپ جاراتىندار اۋىلدان شىعادى دەپ سەنەمىن
جانە بولاشاق چەمپيونداردى دايىنداۋدا جۇمىستانا بەرەمىز»، – دەدى ول.
جارىس قورىتىندىسى بويىنشا 29 كەلى سالماق دارەجەسىندە م.يگىلىك (جاڭاوزەن قالاسى), 32
كەلىدە د.ابىل (اقتاۋ قالاسى), 35 كەلىدە د.جولدىباەۆ (اقتاۋ قالاسى), 38 كەلىدە ش.نۇرمامبەت
(اقتاۋ قالاسى), 42 كەلىدە ن.ىقىلاسبەك (قىزىلوردا قالاسى), 46 كەلىدە ە.بۇرحان (ارال اۋدانى),
50 كەلىدە م.الكەباەۆ (ارال اۋدانى), 55 كەلىدە ن.اۋعانباەۆ (مۇنايلى اۋدانى), +55 كەلىدە
ج.گۋشيك (مۇنايلى اۋدانى) جەڭىمپاز اتاندى.
جەڭىمپازدار مەن جۇلدەگەرلەر ديپلوم، مەدال، كۋبوكپەن ماراپاتتالدى. ايتا كەتۋ كەرەك،
جارىسقا قاتىسۋشىلار تاراپىنان رەسپۋبليكا كولەمىندە تۇڭعىش رەت ماڭعىستاۋدان باستاۋ العان
قازاق كۇرەسىنەن اقيىق اقىن تولەگەن ايبەرگەنوۆتى ەسكە الۋ ءتۋرنيرىن جىلدا وتكىزىپ تۇرۋ
ۇسىنىلدى. ءوز كەزەگىندە «بايتاق مەكەنىم» قوعامدىق قورى بۇل باستامانى بارىنشا قولدايتىنىن
جەتكىزدى.
دايىنداعان كامشات ءىزباساروۆا
قر جۋرناليستەر وداعىنىڭ مۇشەسى
ماڭعىستاۋ وبلىسى، اقتاۋ قالاسى

Related Articles

  • مۇحتار ماعاۋين. “اڭىز ادام” جۋرنالىنا سۇحبات 

      – ءامىرحان، كوپكە ماعلۇم، ءوزىڭ دە بىلەسىڭ، مەن سۇحبات بەرگەندى جاقسى كورمەيمىن، ويتكەنى ءوزىم جازاتىن اداممىن. ەكىنشىدەن، سۇحبات العان ادامدار ءسوزدى بۇرمالاپ جىبەرەدى. 1990 جىلى سوۆەت وكىمەتى قۇلاماي تۇرىپ، ماسكەۋدەن جاڭادان شىعىپ جاتقان ورىس گازەتىنىڭ ءتىلشىسى ارنايى كەلىپ سۇحبات الدى، بىراق ءسوزىمنىڭ ءبارىن باسقاشا بۇرمالاپ جىبەرىپتى، سونان كەيىن ەشقايدا «سۇحبات بەرمەيمىن» دەپ شەشتىم. قازاقتاردان دا سۇحبات العاندار، مەنىڭ اڭگىمەمدى تىڭداعاندار باسقاشالاپ جاتادى. بۇدان سوڭ، جيىرما بەس جىلدىڭ ىشىندە ەكى-ءۇش رەت قانا سۇحبات بەرىپپىن. ساعان كوڭىلىم ءتۇسىپ وتىرعانى – قازاققا پايدالى، ءارى تانىمال باسىلىمعا قىزمەتكە كەلىپسىڭ، جاقسى كورەتىن، بىلگىر ءىنىمسىڭ، مەسەلدەڭ قايتپاسىن دەدىم. ونىڭ ۇستىنە، ماعان كورسەتۋگە «اڭىز ادام» جۋرنالىنىڭ بىرنەشە سانىن اكەلىپسىڭ: شىڭعىس حان، ابىلاي حان، اباي، شوقان، ءاليحان

  • تالاسبەك اسەمقۇلوۆ. سۇلۋلىقتا ويانۋ

    وسى، ولەڭ دەگەن نە؟ تالعام دەگەن نە؟ جاڭا ورنەك، جاڭالىق دەگەن نە؟ كۆانتتىق فيزيكانىڭ پايعامبارلارى س.ۆاينبەرگ، س.حوكينگ، «عىلىم اقىر-سوڭىندا جاراتىلىستىڭ بارلىق سىرىن ءتۇسىندىرىپ بەرە الاتىن ءبىرتۇتاس، ءبىر عانا تەورياعا كەلەدى» دەگەن پىكىر ايتادى. «وسىدان كەيىن ادام شىن مانىسىندە بولمىستىڭ امىرشىسىنە اينالادى. وسىدان كەيىن ءبىزدىڭ وركەنيەتتى ەشقانداي اپات كۇيرەتە المايدى». ءار سوزىنە جاۋاپ بەرەتىن ۇلى عالىمداردىڭ پىكىرى وسىلاي. مەن دە ارماندادىم. ونەردەگى ءتۇرلى اعىمداردى، ءتۇرلى تۇسىنىكتەردى تاتۋلاستىرىپ، باسىن قوسىپ، اقىرىندا ەشكىم كۇمان كەلتىرە المايتىن، مادەنيەتتىڭ، ونەردىڭ بارلىق قۇبىلىستارىن ءتۇسىندىرىپ بەرە الاتىن ءبىر عانا تەوريا جاسالسا دەپ ارماندادىم. كوپ وقىدىم. ۇققانىم، ءار عاسىردىڭ، ءار قوعامنىڭ، ءار قابيلانىڭ ونەر، مادەنيەت جايىنداعى وزىنە عانا ءتان تۇسىنىكتەرى بولادى ەكەن. جىلجىپ ۋاقىت ءوتتى. ەسەيدىم. وسى كەزدە

  • باقىتبەك ءبامىشۇلىنىڭ “التىن ارالدىڭ ارعىماقتارى” اتتى شىعارماشىلىق كەشى وتەدى.

    بيىل وسپان باتىردىڭ تۋعانىنا 120 جىل تولۋىنا بايلانىستى “ەر جانىبەك باتىر” اتىنداعى حالىقارالىق قوعامدىق قورى جىل باسىنان بەرى قازاقستان جازۋشىلار وداعىمەن بىرلەسىپ بىرقاتار مادەني ءىس-شارالار وتكىزىپ كەلەدى.  الداعى كۇندەرى قور ۇجىمى جازۋشىلار وداعىمەن بىرلەسىپ،  اتالمىش شارالاردىڭ كوشىن جالعاستىرىپ، ونەر سۇيەر جۇرتشىلىقتى ماۋسىمنىڭ 19 كۇنى وتەتىن بەلگىلى اقىن-جازۋشى، پۋبليتسيس، اۋدارماشى، فيلرلرگيا عىلىمدارىنىڭ كانديداتى، قازاقستان جازۋشىلار وداعىنىڭ جانە قازاقستان جۋرناليستەر وداعىنىڭ مۇشەسى باقىتبەك ءبامىشۇلىنىڭ  شىعارماشىلىق كەشىنە شاقىرادى. وتەتىن ورىنى: الماتى ۇلتتىق كىتاپحاناسى. ۋاقىتى: 19 ماۋسىم، ساعات 16:00 دە. باقىتبەك ءبامىشۇلى: بايان-ولگەي ايماعىنىڭ بۇلعىن سۇمىنىندا ۇلكەن تەمىرتىنىڭ نورتى جايلاۋىندا  1958 جىلى 25 مامىردا دۇنيەگە كەلگەن. 1975 جىلى بۇلعىن سۇمىندىق 8 جىلدىق، 1977 جىلى ۇلانباتىر قالاسىندا حوسە مارتە اتىنداعى 52- ءشى ون جىلدىق ورتا مەكتەپتى بىتىرگەن.

  • ءجادي شاكەنۇلىنىڭ جاڭا بەس كىتابىنىڭ تۇساۋى كەسىلدى.

    2019 جىلى ءساۋىردىڭ 11 كۇنى الماتىداعى جازۋشىلار وداعىنىڭ ادەبيەتشىلەر ۇيىندە، جازۋشى ءجادي شاكەنۇلىنىڭ بەس بىردەي كىتابىنىڭ تۇساۋكەسەرى بولىپ ءوتتى. عىلىمي زەررتەۋ ەڭبەكتەر مەن كوركەم ادەبيەتكە بىردەي قالام تەربەپ، ەڭبەك ەتىپ جۇرگەن جازۋشى وسى جولى دا وقىرمان قاۋىمعا «بوزمۇنار» رومان-حيكاياتتار كىتابى مەن قاتار «التاي الىپتارى»، «وسپان باتىر جانە شىعىس تۇركىستان ماسەلەلەرى» اتتى زەرتتەۋ ەڭبەكتەرى، «قىتاي قازاقتارىنىڭ ادەبيەتى» اتتى ادەبي سىن-زەرتتەۋلەرى، «بەگزات ءسوز» اتتى قالامگەر شىعارماشىلىعى جايىندا جازىلعان وزگە اۆتورلاردىڭ ماقالالار جيناعى سىندى قۇندى بەس جاڭا كىتابىن ۇسىنىپ وتىر. بۇلارعا قوسا، وقىرماندار سۇرانىسى بويىنشا  ا.بايتۇرسىن ۇلگىسىندەگى توتە جازۋدا «قارالى كوش» كىتابى قايتا باسىلىپ شىقتى. بيىلعى وسپان باتىردىڭ 120 جىلدىعىنا وراي «ەر جانىبەك» حالىقارالىق قوعامدىق قورى قازاقستان جازۋشىلار وداعىنىڭ قولداۋىندا، «ەل اماناتى»  قوعامدىق

  • ۇلكەن كۇنا؟!

    ارىستانبەك مۇحامەديۇلى ءار ۇلتتىڭ قاي كەزەڭدە بولماسىن الدىندا تۇراتىن ۇلى مىندەتتەرىنىڭ ەڭ باستىسى – ءوزىنىڭ ءىسىن، ءومىرىن جالعاستىراتىن سالاۋاتتى سانالى ۇرپاق تاربيەلەۋ. بولاشاق قوعام يەلەرىن جان- جاقتى جەتىلگەن، اقىل-پاراساتى مول، مادەني، عىلىمي ءورىسى وزىق ەتىپ جەتىلدىرۋ – اعا بۋىننىڭ قوعام الدىنداعى زور بورىشى. دەمەك بىزدەر ۇرپاق الدىنداعى بورىشىمىزدى وتەي وتىرىپ، ولاردىڭ بولاشاعىن بۇلىڭعىر ەمەس، جارقىن ەتۋ ءۇشىن، كەلەسى ءبىر قادام – مويىندارىنا ەشقانداي قارىز قالدىرماۋعا ءتيىستىمىز! وسى كۇنى قارىز ماسەلەسى ەلىمىزدەگى كۇردەلى ماسەلەلەردىڭ بىرىنە اينالدى. راسىندا، قارىزدىڭ قاي ءتۇرى دە وڭاي ەمەس. ۇلتتىق بانك دەرەكتەرىنە سايكەس، قازاقستاندىقتار ەكىنشى دەڭگەيلى بانكتەرگە 6 تريلليون تەڭگە قارىز ەكەن. سوندا جان باسىنا شاققاندا ءار قازاقستاندىق ورتا ەسەپپەن 900 مىڭ تەڭگەدەن اسا (!) بەرەشەك دەگەن

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: