|  | 

Жаңалықтар

Cыбайлас жемқорлықпен күрес

Кез келген өркениетті қоғам үшін сыбайлас жемқорлықпен күрес ең
өзекті мәселенің бірі болып табылады. Сыбайлас жемқорлық заман ағысымен
бірге өсіп-өркендеп, мол қаражат және қоғамдық бәсекелестік пайда болған
жерлерге тамырын жайып, бүгінгі күнге дейін жойылмай отырған кеселдің
бірі. Бұл кесел дамушы елдердегідей біздің жас мемлекетімізге де орасан зор
нұқсан келтіріп отыр. Сондықтан да Қазақстан Республикасының Президенті
Қасым-Жомарт Кемелұлы Тоқаев өзінің сайлауалды Тұғырнамасын іске
асыру жоспарында сыбайлас жемқорлықты жоюды маңызды бағыттардың
бірі ретінде айқындады.
«Сыбайлас жемқорлыққа қарсы іс-қимыл туралы» Заң талабының
аясында жемқорлыққа қарсы іс-әрекеттер әр салада жүзеге асырылуда.
Әсіресе, халық парақорлық дертімен жиі бетпе-бет келеді. Сыбайлас
жемқорлықпен күресті жеке қарау мүмкін емес. Сондықтан, кез келген
ортада пара беру мен пара алудың жолын кесуде қоғам болып белсенділік
танытуымыз қажет.
Парақорлық мемлекеттік органдардың тиісті қызмет атқаруына кері
әсерін тигізіп, беделіне нұқсан келтіреді, заңды қағидаларды теріске
шығарып, азаматтардың конституциялық құқықтары мен заңды мүдделерінің
бұзылуына түрткі болады.
Әрине, сыбайлас жемқорлық дәрі беріп емдейтін сырқат емес.
Айналасындағы салауатты, таза және сау ортаны шарпып, тыныс-тіршілігін
тарылтатын, заңсыз әрекеттермен қоғамдық ортаның және мемлекеттік
органдардың, ұйымдардың, дара кәсіпкерлердің, азаматтардың қызмет етуіне
қатер төндіретін қауіпті дертті болдырмаудың тетігі халықтың өзінде. Бұл
дерттің алдын алып, қоғамға таралу жолдарын кесіп, оның ұлғаюына жол
бермеу керек. Ол үшін аталған дертке болып, ат салысып, қарсы
жұиылуымыз қажет. Сонда ғана ел мүддесі үшін зор үлес қосатынымыз және
халық сенімінен шығатынымыз анық.
Сыбайлас жемқорлық әрекеттері бойынша алдын-алудың ең тиімді
әдістерінің бірі – нақты «проблемалық бағыттарға» көңіл бөлу және оларды
шешу болып табылады.
Алайда, көпшілікке мәлім, бүгінде елдегі жолдардың сапасы
«проблемалық аймақта» және үнемі халықтыңназарында.
Соңғы бес жылдың өзінде республикалық бюджетке сәйкес автомобиль
жолдарын салуға, қайта құруға және күтіп ұстауға шамамен 1,8 трлн. теңге
бөлінген (2014 жылы – 286 млрд. теңге, 2015 ж. – 347 млрд. теңге, 2016 ж. -
389 млрд. теңге, 2017 ж. – 434 млрд. теңге, 2018 ж. – 378 млрд. теңге).

Сонымен бірге, осы бағыттағы мемлекеттік қолдаудың барлық
шараларына қарамастан,олардың іс жүзінде іске асырылуыәрдайым үмітке
сай емес.
Нәтижесінде, Дүниежүзілік экономикалық форумның 2018 жылға
арналған Жаһандық бәсекеге қабілеттілік рейтингісіне сәйкес Қазақстан жол
сапасы бойынша әлемнің 140 елінің ішінде тек 106 орынды иеленді. (2015 ж.
- 107/140, 2016 ж. – 108/138, 2017 ж. – 115/137).
Бұл жағдай осы салада жобалық басқару принциптерін енгізуді қажет
етті.
Осыған орай, Қазақстан Республикасы Сыбайлас жемқорлыққа қарсы
іс-қимыл агенттігімен «Сапалы жол – Адалдық алаңы» жобасы іске
қосылды. Жобаның мақсаты – жол салу, реконструкциялау, жөндеу және
күтіп ұстау кезінде сыбайлас жемқорлықты жою, сондай-ақ, жұмыстар мен
материалдардың сапасын зерделеу, бағалау болып табылады.
Бұл ретте ҚР Сыбайлас жемқорлыққа қарсы іс-қимыл агенттігінің
(Сыбайлас жемқорлыққа қарсы қызмет) Атырау облысы бойынша
департаментінің қызметкерлері мен "Жол активтерінің сапасы бойынша
ұлттық орталығы" РМК Атырау облыстық филиалының мамандары
республикалық, қалалық маңызы бар жолдарды зерделеу мақсатында рейдтік
шара ұйымдастырды.
Атап айтқанда, ағымдағы жылдың 3 қазан күні Құрманғазы көшесінде
орналасқан қалалық маңызы бар жолының сапасын тексеру шарасы өтті.
Нәтижесінде бірқатар кемшіліктер анықталды.
Жүргізілетін жұмыстарға тапсырысты беруші – Атырау қалалық
"Жолаушылар тасымалы және автокөлік жолдары бөлімі" Мемлекеттік
мекемесі, ал әзірлеуші – «АИС» ЖШС. Мониторинг нысанды тексеру және
геометриялық параметрлерін ішінара өлшеу жолымен жүргізілді. Мамандар
жолдың енін өлшеп, қалыңдығын анықтау және асфальтті-бетон жабынның
көлік жүретін бөлігіне сараптама жүргізу үшін асфальтті-бетон жабыннан
керн алды. Іріктеп алынған керн бойынша одан әрі сынақ жұмыстары
жүргізіліп, тығыздығын, суға қанығуын анықтау кезінде нормативтік құжат
бойынша шамада көрсетілген 4,5 пайыз көрсеткішіне сәйкес еместігі
анықталды (нақты қорытындысы – 5,78). Сонымен қатар, қалыпқа
келтірілген суға қанығу көрсеткіші 5,25 құрайтындығы анықталды, алайда
бұл көрсеткіш 1,0-4,0 аспауға тиіс, сондай-ақ, тығыздық коэффициенті 0,99
кем болмауға тиіс (нақты қорытындылары бойынша 0,97).
Анықталған кемшіліктерді жою бойынша Орталық және Департамент
тарапынан тиісті хат жолданды. Қазіргі таңда, кемшіліктер жойылып,
әзірлеуші – мердігер ұйымы өз қаражатына бұл жолды қайта жаңартты.
Сонымен қатар, цифрландырудың қазіргі заманғы үрдістерін назарға
ала отырып, жобалық кеңсемен болашақта барлық автоәуесқойларға жол
сапасын жақсартуға қатысуға мүмкіндік беретін мобильді қосымшаның
тестілік үлгісі құрылды.

Аталған қосымша азаматтық басқару шешімдер қабылдау үшін
қоғамды кеңінен тарту арқылы елдегі жолдардың сапасы туралы ақпаратты
тұрақты жинауға және талдауға мүмкіндік береді.
Қосымшаның тестілік моделі онлайн тәртіпте қалалық жолдардың
сапасын бағалауды қарастырады, ол деректерді «Ұлттық жол активтері
сапасы орталығы» РМК-на бере отырып, жол жабынының барлық ақауларын
және олардың географиялық координаттарын автоматты түрде тіркейді
(смартфондардағы акселерометр және GPS арқылы).
Осыған орай, Департамент аталған қосымшаны жүктеу бойынша
сұраныс хатты «Смарт Атырау» мекемесіне жолдады. Яғни, автобус
жүргізушілері өз смартфонына жүктеп, жолдардың сапасын анықтап,
жақсарту бойынша үлесін қоса алады.
Осылайша, қоғам мен мемлекет болып жолдардың сапасын
жоғарлатуға, сыбайлас жемқорлық көріністерін жоюға үлес қоса аламыз.

ҚР Сыбайлас жемқорлыққа
қарсы іс-қимыл агенттігінің (Сыбайлас
жемқорлыққа қарсы қызмет) Атырау
облысы бойынша департаментінің
Алдын алу және парасаттылық
басқармасының бас маманы
А.Аманиязованың авторлық мақаласы

Related Articles

  • Мәулен Әшімбаев Парламенті Сенатының депутаты болып тағайындалды

    Мемлекет Басшысының Жарлығымен Мәулен Сағатханұлы Әшімбаев Қазақстан Республикасы Парламенті Сенатының депутаты болып тағайындалды. Бұл туралы 4 мамырда түс кезінде Ақорда сайты хабарлады. Мәулен Сағатханұлы Әшімбаев (28 қаңтар 1971 жыл, Алматы) – экономист, қоғам қайраткері, Қазақстан Республикасы Парламенті Мәжілісінің V шақырылымының Халықаралық істер, қорғаныс және қауіпсіздік комитетінің төрағасы болған, “Нұр Отан” партиясы Төрағасының Бірінші орынбасары.  Әл-Фараби атындағы Қазақ ұлттық университетінің экономика және социология факультетін бітірген (1993), экономист, политэкономия оқытушысы. Саясаттану ғылымдарының кандидаты(диссертация тақырыбы “Политический транзит в Казахстане в контексте процессов глобальной демократизации”, 2001). «Құрмет» орденімен марапатталған.  Университетті бітіргеннен соң 1993-1994 жылдары Баспасөз және бұқаралық ақпарат министрлігінің жүйесінде жұмыс істеді. 1994-1995 жылдары – Қазақстан Республикасы Жоғарғы Кеңес депутатының көмекшісі. 1995 жылғы маусым - қараша аралығында – Қауіпсіздік кеңесі аппаратының консультанты. 1995-1999 жылдар аралығында Қазақстан Республикасы

  • Тоқаев Дариға Назарбаеваның өкілетін неге тоқтатты?

    Асылхан МАМАШҰЛЫ Аян ҚАЛМҰРАТ Маска таққан Дариға Назарбаева сенат отырысында. 9 сәуір 2020 жыл. Қазақстан президенті Қасым-Жомарт Тоқаев парламент спикері Дариға Назарбаеваның өкілетін тоқтатқанын саясаттанушылар «билік транзитіне әсері бар қадам» деп санайды. Бұрынғы премьер-министр Әкежан Қажыгелдин «саяси дағдарыс» деп есептейді. “БИЛІКТЕГІ БЕЛГІСІЗДІК” Қазақстан президенті Қасым-Жомарт Тоқаевтың сенат төрайымы Дариға Назарбаеваның депутаттық өкілетін тоқтатқаны жайлы бүгін, 2 мамырда түсте жариялаған жарлығы алуан түрлі пікір тудырды. Биліктің өзі бұл шешімге байланысты ешқандай түсініктеме немесе ақпарат таратқан жоқ. Жарлықты әлеуметтік желіде жариялаған президент баспасөз қызметінің жетекшісі Берік Уәли арада бір сағат өткен соң Тоқаевтың Дариға Назарбаеваға алғыс айтқаны туралы твиттер парақшасына жазғанын бөлісумен шектелді. Саяси сарапшылар Қасым-Жомарт Тоқаев Дариға Назарбаеваның өкілетін Нұрсұлтан Назарбаевтың келісімімен тоқтатты

  • 22 мың адам тұратын «Асыл Арман» тұрғын үй кешені толықтай карантинге жабылды

    Мұнда екінші адамнан коронавирус анықталған Time.kz Алматы облысының Қарасай ауданына қарасты «Асыл Арман» тұрғын үй кешені бүгін карантинге жабылып, 22 мың адамның үйден шығуына тыйым салынды. Шағын ауданда 9 қабатты 21 үй бар. 5 мыңнан астам пәтерлі 75 кіреберіске күзет қойылған. Мұндағы тұрғындардың 95% Алматы қаласына барып жұмыс істейді. «Тұрғын үй кешенінде дәрігерлік амбулатория ұйымдастырылады, онда медициналық қызметкерлер осы шағын ауданның тұрғындары үшін арнайы жұмыс істейді. Арзан бағамен азық-түлік сатылымы ұйымдастырылып, қажетті заттармен қамтамасыз етеміз. Дезинфекция жұмыстары тұрақты жүргізіледі. Тұрғындарға ақпараттық-насихат жұмыстары басталды. Аумақты түгелдей полиция қызметкерлері қоршап тұр. Олармен бірге әскерилерде кезекшілік қызметіне көмектеседі», – деді Алматы облысы әкімінің баспасөз хатшысы Ғалымұрат Жүкел. «Асыл Арман» тұрғын үй кешенінде коронавирус

  • Қазақстанда екі адам Covid-19 дертінен айықты

    Қазақстанда Covid-19 дертінен екі адам жазылды. Олар 26 наурызда ауруханадан шығуы тиіс. Бұл туралы 25 наурызда ақпарат және қоғамдық даму министрі Дәурен Абаев мәлімдеді. “Екі адам дерттен жазылды. Қазір олар бақылауда. Тағы бір мәрте анализ алынады” деді ол.   Қазіргі дерек бойынша, Қазақстанда 80 адам коронавирус жұқтырған. Алматыда – 31 адам, Нұр-Сұлтанда – 41 адам, Қарағандыда – екі адам, Шымкентте – екі адам, Алматы облысында – бір адам, Ақтөбе облысында – бір адам, Жамбыл облысында – бір адам, Солтүстік Қазақстан облысында – бір адам Қазақстанда коронавирустан қаза болғандар жоқ. Үкіметтің дерегінше, вирус жұқтырғандардың басым бөлігінде симптом жоқ я сәл қызуы көтерілген. Қазақстанда коронавирусқа байланысты 15 сәуірге дейін төтенше жағдай. 19

  • Алматы-Петропавл бағытына жаңа әуе рейсі ашылды.

      FlyArystan-ның 180 орындық Airbus A320 ұшағы Алматыдан Петропавлға алғаш рет ұшты. Бір жақты билет құны 9999 теңгеден басталатын рейстер аптасына 4 рет – дүйсенбі, сәрсенбі, жұма және жексенбі күндері тұрақты орындалып тұрмақ Алдағы уақытта облыстың барлық қалаларын отандық лоукостердің рейстерімен қамту жоспарланған. Airbus A320 ұшағы 12-наурыз күні Алматы-Көкшетау- Алматы және Алматы-Қостанай- Қостанай аралығында ұшуды бастады.   «Петропавлдан Алматы мен елордамыз Нұр-Сұлтанға орындалатын жаңа рейстер жергілікті тұрғындар мен халық арасында сұранысқа ие болады деп үміттенеміз. Солай болған жағдайда, біз сапарлардың санын арттырып, Петропавлға қатынайтын бағыттардың көбеюін қарастыратын боламыз. Сонымен қатар бұл шараның өткізілуіне күш салған жергілікті әуежай мен әкімшіліктің еңбегін атап өткім келеді», – деді FlyArystan-ның басқарушы директоры Тим Джордан.

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: