|  |  |  | 

تاريح تۇلعالار قازاق شەجىرەسى

انگليانىڭ جوڭعاريا قازاقتارىنا وزىق سوعىس قارۋلارىن بەرۋگە تالپىنۋى

قاشقارداعى انگليا كونسۋلى 97122065_1704839563012957_8505476615629701120_n

انگليانىڭ قاشقارياداعى كونسۋل قىزمەتى 1881- جىلدان كەيىن باستاۋ الادى. انگليانىڭ تۇپكى ماقساتى تسين يمپەرياسىنىڭ سولتۇستىك-باتىس ايماعى مەن تۇركىستان (ورتالىق ازيا) دالاسىنا ءوز ىقپالىن جۇرگىزۋ ەدى. بىراق، بۇل تۇستا پاتشالىق رەسەيدىڭ دە ايماقتاعى ساياسي ىقپال كۇشىن ەسكەرمەۋ مۇمكىن ەمەس ەدى.

پاتشالىق رەسەيدىڭ ءاۋ باستاعى ماقساتى تۇركىستان ايماعىن ەندەي ءوتىپ ءۇندىستان ارقىلى تەلەگەي تەڭىز جولىنا شىعۋ ەدى. بىراق، تۇركىستان دالاسىنداعى تۇركى حاندىقتارى (قازاق، تب) بۇل ماقساتتى ءجۇز جىلداپ كەشىكتىرىپ جاتتى. رەسەي ەندى تۇركىستان دالاسىن قيىر شىعىستان اينالىپ ءوتىپ قاشقاريا ارقىلى ۇندىستانعا ۇلاسۋدى كوزدەدى. بىراق، ول تۇستا قاشقاريا مۇلدە جابىق الەم ەدى.

دەيتۇرعانمەن دە جابىق الەمنىڭ تۇستىك قاپتالىنان انگليا يمپەرياسى دا كەلىپ ۇلگىردى. سوسىن نە كەرەك، بۇل ايماق رەسەن-انگليا يمپەرياسىنىڭ تالاستاعى زوناسىنا اينالدى. 19- عاسىردىڭ 70-80 جىلدارىندا تسين ۇكىمەتىمەن جاساسقان بىرقانشا كەلسىم نەگىزىندە پاتشالىق رەسەي دە، انگليا ۇكىمەتى دە قاشقاريادا ءوز ىقپالىن جۇرگىزە باستادى جانە كونسۋل اشتى.

قاشقاريادا انگليا كونسۋلى قۇرىلا سالىسىمەن اعىلشىن ميسسيونەرلەرى جاپپاي قاشقارياعا اعىلدى. ولار تۇرعىلىقتى نانىم-سەنىمدەرگە ەندى حريستياندىق جاڭا تانىمدى ۋاعىزداي باستادى. 20- عاسىردىڭ باسىنا كەلگەندە قاشقاريادا الىپ شىركەۋ تۇرعىزىلدى جانە ونىڭ ءجۇز، ءتىپتى مىڭداعان ءدىني جاماعاتى پايدا بولدى. شاعاتاي جازۋىمەن 100′گە تارتا حيرستيان قيسسالارى مەن ء“ىنجىل” كىتابى باسپادان شىقتى. 97978127_1704839639679616_6276199898207485952_n

قاشقاريادا انگيانىڭ ساۋدا پۋنكيتتەرى قالىپتاستى. انگليا تاۋارى پاتشالىق رەسەيمەن باسەكەگە ءتۇستى. تسين ۇكىمەتىنىڭ ايماقتاعى مادەني، ساۋدا ىقپالى مۇلدە السىرەدى. 20- عاسىردىڭ باسىنان باستاپ (1912-1917) انگليا ۇكىمەتى ەندى ءتاڭىر تاۋىن كەسىپ ءوتىپ قازاقتار تۇرعان ايماقتارعا كەلە باستادى. ولار الدىمەن قازاقتاردىڭ حان-تورە تۇقىمدارىنا جاقىنداي باستادى. مىڭداعان ءتۇتىن ءۇي مەن ون مىڭداعان حالىقتى بيلەپ تۇرعان تورە تۇقىمدارىمەن جاسىرىن ديالوگ جاسادى. ديالوگتا “ەگەر سىزدەر كومىر، تەمىر، التىن جانە مۇناي كەندەرىنىڭ انگليا ۇكىمەتى جاعىنان قازىلىپ اشىلۋىنا تولىق مۇمكىندىك بەرسەڭىزدەر، انگليا ۇكىمەتى دە سىزدەرگە وزىق سوعىس قارۋلارىن بەرۋگە ارقاشان دايىن”، تب دەگەندەي سوزدەر ايتىلدى.Alash zyalilari Tarbagataydaانگليا ۇكىمەتى جىبەرگەن عىلمي ەكسپەديتسيا قىزمەتكەرلەرى مەن ءدىن ميسسيونەرلەرى قازاقتار تۇرعان ايماقتاردى ارالاپ ۇلگى جيناپ، جۇزدەگەن تاريحي سۋرەتتەرگە ءتۇسىرىپ قايتتى. بۇل قۇندى سۋرەتتەر قازىر ەۋروپا ۋنيۆەرسيتەتتەرىنىڭ ءارحيۆى مەن ميسسيونەرلەر ارحيۆىندە ساقتاۋلى.

اگليانىڭ قازاقتار اراسىنداعى قاتىناستارىن بايقاعان تسين ۇكىمەتىنىڭ بارلاۋ قىزمەتى جانە ياڭ زىڭشين ۇكىمەتىنىڭ سىرتقى بارلاۋ قۇپيا قىزمەتكەرلەرى وڭىردەگى احۋالدى حاتتاپ ورتالىق بارلاۋ باس شتابىنا راپورتتاپ وتىرعان. ورتالىق شتاپ جولدانعان راپورت نەگىزىندە ايماق اكىمى مەن شەكارا قورعانىس گارنيزونى ارقىلى قازاقتاردى جازالاپ وتىردى. وسى وقيعانىڭ ءبىر مىسالى رەتىندە تارباعاتاي وڭىرىندەگى مامىربەك تورەنىڭ ۇلى قىزىر مامىربەكۇلىن ايتۋعا بولادى. قىزىر (قىزىربەك) ۇرىمجىدە اسكەري وقۋ بىتىرگەن ساناۋلى زيالى ازامات ەدى. انگليا ۇكىمەتى قىزىر تورەمەن ديالوگ جاساپ ونى انگليا ۇكىمەتىمەن ورتاق كەلسىم جاساۋعا شىرعالادى. بىراق ديالوگ ءساتسىز بولدى. سس(1)(1)(1)

قىزىر تورە مامىربەكۇلى الاش قايراتكەرى رايىمجان مارسەكوۆپەن وتە تىعىز بايلانىس ورناتتى. رايىمجان قىزىر تورەنىڭ اۋىلىندا اعارتۋشىلىق جۇمىسپەن اينالىستى. قىزىر تورە كەيىن 12 بولمەلى زاماناۋي وقۋ ورلاسىنىڭ قۇرلىسىن سالدىردى بىراق قۇرىلىس اياقتاپ وقۋ جىلى ەندى باستالاتىن كەزدە 37 جاسىندا تۇتقيىلدان قايتىس بولدى. قىزىر تورە قايتىس بولعان جىلى ولكەدە قىم-قۋىت جاعدايلار ورىن الدى. جاپونيا ۇكىمەتى وسمان سۇلتانىنىڭ نەمەرەسى ابدىلكەرىم اپەندى ارقىلى قازاقتارمەن بايلانىس ورناتىپ، جاڭا ساياسي وقيعا باستالۋ الدىندا تۇردى. التاي تورەسى شارىپقان كوگەدايۇلى ۇلتتىق اۆتونوميا قۇرۋ ءۇشىن نان كين ۇكىمەتىنە بايلانىسقا شىعۋعا تىرىستى. Zuqa batir 1866-1929  kerey.kz1كەزىندە ىستانبۇلدا وسمان سۇلتانىنىڭ قابىلداۋىندا بولىپ ەلگە ساياسي ميسسيا ارقالاپ قايتقان قازاق يگى-جاقسىلارى قاستاندىقپەن ءولتىرىلدى. تاعىسىن تاعى…96799997_1706090456221201_1287897053816422400_n

كارتا

قاشقار; پاتشالىق رەسەي جانە جوڭعاريا

1874- جىل

كارتادا، قازىرگى بوراتالا وبلىسى، تارباعاتاي ايماعى جوڭعاريا جاعىندا كورسەتىلگەن. ىلە ولكەسى پاتشالىق رەسەي قۇرامىندا كورسەتىلگەن. ولاي بولاتىنى 1871-1881 جىلدار اراسىندا ىلە ولكەسى ون جىل رەسەي قۇرامىندا قالدى.

بۇل تۇستا قاشقاريا جاعىندا جاقىپبەك (ياقۇپ بەگ) مەملەكەتى ءومىر ءسۇردى. تسين يمپەرياسى ياقۇپ بەگ باسشىلىعىنداعى جەتى شاھار مەملەكەتىن جويعان سوڭ ودان قالعان ەلدىڭ اتاۋىن سينتسزيان (新疆) دەپ اتادى. ماعىناسى جاڭا شەكارا، جاڭادان يگەرىلگەن جەر، تب دەگەن ءسوز.

تاريحي دەرەكتەرگە قارايتىن بولساق تسين يمپەرياسىنىڭ بۇل ايماقتاعى سىرتقى ساياساتى مىناداي ەدى:

ءبىرىنشى، قۇلجا ولكەسىندە ىلە اسكەري گۋبەرنياسىن قۇرۋ ارقىلى ورتالىق ازياعا ساياسي جانە ەكونوميكالىق ۇستەمدىك جاساۋ; بىراق، پاتشالىق رەسەيدىڭ ورتالىق ازيا حاندىقتارى مەن ىلە ولكەسىن جاۋلاپ الۋى تسين يمپەرياسىنىڭ بۇل سىرتقى ساياسي جوسپارىن تاس-تالقان ەتتى جانە نەشە ون جىلعا كەشەۋىلدەتىپ جىبەردى.

قاشقاريادا اسكەري گۋبەرنيا قۇرۋ ارقىلى اۋعان، كاشمير، قوراسان جانە پاكىستان ايماقتارىنا ساياسي جانە ەكونوميكالىق ىقپالداستىق جاساۋ; بىراق، بۇل سىرتقى ساياسي جوسپاردى قوقاندىق فاكتور تاس-تالقان ەتتى. قاشقاريا ولكەسى ءدىني قوجالار مەن قوقاندىق تاپتىڭ ىقپالىندا بولدى. كەيىن تسين ۇكىمەتى ياقۇپ بەگ مەملەكەتىن جويىپ قاشقاريانى وتارىنا العان سوڭ بۇل ايماقتاعى سىرتقى ساياساتى تۇبەگەيلى وزگەردى.

قۇلجا مەن قاشقار شەكاراعا سۇيكەنىپ تۇرعان قاۋىپتى ايماق، تسين يمپەرياسىنىڭ شەكارا ايماقتا ۇستەمدىككە شىعۋى ءۇشىن ءالى ون جىلداي ۋاقىت كەرەك، بىراق بۇل ون جىلدا رەسەي، انگليا بۇل ايماقتى تولىقتاي ءوز وتارىنا الىپ ۇلگىرەدى. جىلدام ءارى ناقتى قارار شىعارۋ كەرەك، كوپ تالقىدان سوڭ دي حۋا دەگەن قالانى تاڭدادى. دي حۋا دەگەنىمىز قازىرگى ءۇرىمجى…

1883-1884 جىلدارى ديحۋا ء(ۇرىمجى) قالاسى رەسمي تۇردە ولكەنىڭ ساياسي ورتالىعى بولدى. ولكەنىڭ اتى سول جىلى سينتسزيان اتاندى. ولكەگە (پروۆينتسياعا) ءۇش ۇلكەن ايماق قارادى; ولار:

بۇرىن گانسۋ ولكەسىنە قاراپ كەلگەن جنشي ايماعى (باركولدەن ۇرىمجىگە دەيىنگى اۋماق); بۇل ايماقتى كەيىن ءۇرىمجى ايماعى، قۇمىل ايماعى دەپ وزگەرتتى.

اقسۋ ايماعى;

قاشقار ايماعى;

سوسىن قوسىمشا ىلە ايماعى; بىراق ىلە ايماعى بۇرىن اسكەري گۋبەرنياعا قاراستى بولعاندىقتان ديحۋا قالاسىنا قاراعىسى كەلمەدى، بۇرىنعىشا ىلە شەكارا اسكەري گۋبەرنياسى بولىپ ساقتالىپ تۇرا بەردى. وسىدان كەيىن قۇلجا مەن ءۇرىمجىنىڭ 30 جىلدىق ايقاسى تۋدى.

جوڭعارياداعى ساياسي احۋال

ىلە ايماعى شىڭجاڭ (سينتسزيان) ولكەسى مەن ولكە ورتالىعى ديحۋاعا (ۇرىمجىگە) باعىنعىسى كەلمەدى، 1914- جىلعا دەيىن وسىلاي بولدى، سونىمەن قاتار تارباعاتاي ايماعى دا ولكەگە باعىنبادى، ءۇرىمجىنىڭ ءسوزى شاۋەشەككە مۇلدە جۇرمەدى. بۇل جاعداي 1916- جىلعا دەيىن ساقتالدى. شىڭجاڭ ولكەسى 1883- جىلى قۇرىلعان بولسا دا، ىلە ۋالاياتى 1914- جىلى، تارباعاتاي ۋالاياتى 1916- جىلى ولكە قاراستىلىعىنا ەندى. وعان دەيىن ولار ىلە اسكەري گۋبەرنياسى مەن شاۋەشەك امبان مەكەمەسى ارقىلى تىكە بەيجىڭ ۇكىمەتىنە باعىنىپ تۇردى. التاي ۋالاياتى قوبدا ايماعىمەن بىرىگىپ تىكە بەيجىڭنىڭ باقىلاۋىندا بولدى. 1920- جىلى التاي زورعا دەگەندە شىڭجاڭ (سينتسزيان) ولكەسىنىڭ قاراستىلىعىنا ءوتتى.

سونىمەن جوڭعاريا قازاقتارى جەكە-جەكە 1914-1916-1920 جىلدارى عانا سينتسزيان ولكەسىنە قوسىلدى. ەندى ءبىر سۇراق، قازاقتاردىڭ سينتسزيان ولكەسى اۋماعىنا قاراۋى قانداي ساياسي، الەۋمەتتىك وزگەرىس اكەلدى؟

جاۋابى:

ءبىرىنشى، قازاقتار بۇل ولكەدە بۇرىن سانى جاعىنان دا، ساپاسى جاعىنان دا ەڭ كوپ، ەڭ بەلدى تۇرعىلىقتى حالىق بولىپ كەلىپ ەدى، سينتسزيان (新疆) ولكەسىنە قوسىلعان سوڭ سان جاعىنان ءوزى تۇرعان ايماقتا عانا باسىم سالماقتى ۇستادى، ال جالپى ولكە سانىنا شاققاندا از حالىققا اينالىپ شىعا كەلدى;

ەكىنشى، قازاقتار سينتسزيان ولكەسىنە قوسىلماي تۇرعاندا اسكەري گۋبەرنيا ارقىلى بەيجىڭدەگى پاتشا بيلىگىنە تىكە قارايتىن. پاتشا قازاقتاردىڭ ءارتۇرلى ماسەلەسىن جەكە ءوزى باسقاراتىن، قالاسا وزىنە شاقىرتىپ الاتىن، ال سينتسزيان ولكەسىنە قوسىلعان سوڭ قازاقتاردىڭ ساياسي، الەۋمەتتىك ماسەلەسىن جەرگىلىكتى گۋبەرناتور، شەندى شونجارلار قارايتىن بولدى. ولار قالاسا شەشىپ وتىردى، قالاماسا بەلدەن باسىپ جوعارىعا جالعان مالىمەتتەر جولداپ وتىردى;

ءۇشىنشى، قازاقتار سينتسزيان ولكەسىنە قوسىلماي جەكە گۋبەرنياعا باعىنىشتى بولىپ تۇرعان كەزىندە ساياسي ستاتۋسى مەن شەن ستاتۋسى ءبىرشاما جوعارى ەدى. ەلدە حاندىق ءتۇزىم جاقسى ساقتالدى. اسكەري گۋبەرنياعا سالىق عانا تاپسىردى، ال گۋبەرنيا قازاقتاردىڭ ساياسي، الەۋمەتتىك ماسەلەلەرىن وزدەرىنىڭ ءداستۇرلى بيلىك جۇيەسىنە بەردى. سول سەبەپتى قازاقتار بۇرىنعى قازاق حاندىعىنىڭ حان-تورەلەرىمەن بولعان ساياسي ءھام رۋحاني بايلانىستى ۇزبەۋ ءۇشىن ارنايى تورە اكەلىپ حان سايلادى جانە بۇحارا مەن تۇركىستاننىڭ ءدىني ينستيتۋتىنان قازىرەت، يشان الدىرىپ تۇردى. بۇل تاڭداۋدى اسكەري گۋبەرنيا زاڭمەن ماقۇلداپ بەيجىڭگە جولداپ ماقۇلداپ قۇپتاپ تۇردى. كەيىن قازاقتار سينتسزيان ولكەسىنە قوسىلعان سوڭ وسى ساياسي ءھام رۋحاني داستۇرگە بالتا شابىلدى. قازاقتارعا باسقا ساياسي، الەۋمەتتىك باسقارۋ فورماتىن ەنگىزدى، سونىڭ كەسىرىنەن ەل اراسىندا داۋ شىقتى، تالاس-تارتىس ءجۇردى;

ەندى، 20- عاسىردىڭ 30- جىلدارىنا كەلگەندە ياعني قازاقتاردىڭ سينتسزيان ولكەسىنە تولىقتاي قوسىلعانىنا 10 جىل ۋاقىت وتكەن كەزدە، وسى ونجىلدىقتىڭ بۇكىل زيانىن ءجىتى تۇسىنە بىلگەن قازاق زيالىلارى بولدى. نەگە، كوزگە كورىنەتىن تىكە سەبەبى وسى ون جىلدا ەلدىڭ كوبى توز-توپالاڭ بولىپ جان جاققا كوشىپ كەتتى. قازاق زيالىلارىنىڭ ويىندا ءبىر عانا جول تۇردى، ول “قازاقتاردى سينتسزيان ولكەسىنەن ءبولىپ الىپ، تىكە ورتالىق ۇكىمەتكە قاراستى اۆتونوميالى ولكە قۇرۋ”. 1931-1933 جانە 1937-1939 جىلدارداعى ۇلت-ازاتتىق كوتەرىلىستىڭ تۇپكى ساياسي سەبەبى وسى ەدى. ءبىز وسىنى اشىق ايتا المادىق، ەندى ايتاتىن ۋاقىت كەلگەن سياقتى.

سىزدەرگە مىناداي تاريحي فاكتىنى ايتا كەتەيىن، 1933-34 جىلعى قازاقتاردىڭ ۇلتتىق اۆتونوميا قۇرۋ جولىنداعى كۇرەسىن توقتاتقان سىرتقى ديپلوماتيالىق كۇش- سوۆەت وداعى ەدى. 1939-43 جىلعى ۇلت-ازاتتىق كوتەرىلستى دە باسەڭدەتىپ قازاقتاردىڭ جەكە ەل قۇرۋىنا توسقاۋىل بولعان سىرتقى كۇش- تاعى دا سوۆەت وداعى. قازاقتار شەكارالىق ايماقتا ءوز الدىنا دەربەس اۆتونوميالى رەسپۋبيليكا بولىپ كەتسە وندا قازاق سسر-داعى قازاقتارمەن بىرىگىپ كەتەدى، ودانشا سينتسيان ولكەسىندە تۇرا بەرگەنى دۇرىس…

Eldes Orda

Related Articles

  • شارقي تۇركىستان رەسپۋبيليكاسىنىڭ تارقاۋى تۋرالى

    1944- جىلدىڭ قاراشا ايىندا قۇلجا قالاسىندا قۇرىلعان شارقي تۇركىستان رەسپۋبيليكاسى 1946- جىلعا كەلگەندە ۇكىمەتتىڭ رەسمي تۇردە تاراعانىن جانە بۇدان بىلاي شىڭجاڭ ولكەسىمەن بىرىككەن كواليتسيالى ۇكىمەت قۇرماق نيەتىن بىلدىرە وتىرىپ، ۋاقىتشا ۇكىمەتتىڭ ورگان گازەتى “ازات شارقي تۇركىستاندا” ارنايى ماقالا جاريالاعان-دى. نەبارى ءبىر جارىم جىل ءومىر سۇرگەن قۇلجاداعى شارقي تۇركىستان ۇكىمەتى، 1946- شى جىلعا كەلگەندە رەسمي توقتادى. 1944- جىلدىڭ قاراشا ايىندا ۋاقىتشا ۇكىمەت جاريا ەتىلگەن سوڭ، ۇكىمەتتىڭ ورگان گازەتى “ازات شارقي تۇركىستان” دەپ اتالدى. گازەت ۇيعىر، قازاق، ورىس، موڭعول جانە قىتاي تىلىندە جارىق كوردى. گازەتتىڭ قازاقشا بولىمىندە بۇقارا تىشقانباەۆ، قۇرمانالى وسپانۇلى باسشىلىق ەتتى جانە گازەتتىڭ رەداكتسيا قۇرامىندا اۋەسقان نارىنبايۇلى، راحمەتوللا اپشەۇلى، قۇرمانباي تولىبايۇلى، ابدىبەك، الاديار، اسانباي، سىرايىل، قالي قاتارلى كىسىلەر رەداكتور، اۋدارماشى،

  • ولكە تاريحى

    مينگو جىلناماسىنىڭ 37- جىلى 1-قاڭتاردا جارىق كورگەن. ء(بىزدىڭ جىلناما بويىنشا، 1-قاڭتار، 1948.ج) كىتاپ اۆتورى: پولات قادىري كىتاپتى شىعارۋشى باسپا: “التاي” باسپا ءۇيى پولات قادىري (بولات قادىر) 1919-جىلى شىڭجاڭ ولكەسى قۇتىبي اۋدانىندا دۇنيەگە كەلگەن. 1949-جىلى ۇندىستانعا، 1957-جىلى تۇركياعا قونىس اۋدارعان. 1940-جىلى شىڭجاڭ ينستيتۋتىنىڭ (قازىرگى شىڭجاڭ ۋنيۆەسيتەتى) ءتىل-ادەبيەت ءبولىمىن بىتىرگەن. 1940-1941-1945 جىلدارى ولكەلىك ۇكىمەتتىڭ ورگان گازەتى “شىڭجاڭ گازەتىنىڭ” ۇيعىر-قازاق بولىمدەرىندە جۇمىس ىستەگەن. 1944-جىلدىڭ كوكتەمىندە قاماۋعا الىنعان، 1945-جىلى “حان ءتاڭىرى” جۋرنالىندا، 1946-1949 جىلدار اراسىندا “التاي” باسپا ۇيىندە، 1947-1948 جىلدارى “شىڭجاڭ گازەتىنىڭ” ۇيعىر-قازاق بولىمدەرىندە جانە 1947-1949 جىلدارى “التاي” باسپا ءۇيى جاعىنان شىعارىلعان “ەرىك” گازەتىندە جۇمىس ىستەگەن. “ولكە تاريحى” كىتابى ەكى بولىمنەن تۇرادى: ءبىرىنشى بولىمدە، شىڭجاڭ ولكەسىنىڭ ەرتە زامانعى تاريحى، شارۋاشىلىعى، مادەنيەتى، تۇركىلەردىڭ تاريحى، نانىم-سەنىمى

  • شىنايى تاريح قايدا؟

    قازاق تاريحى بۇرىنعى كوممۋنيستىك يدەولوگيا سالقىنىنان ارىلدى ما؟ “التىن وردانىڭ” قۇرىلعانىنا 750 جىل ما؟ تاريح فاكۋلتەتتەرى نەنى وقىتادى ؟ ۇلتتىق كوزقاراستاعى قازاق تاريحى جازىلا ما ؟ ======================= ۇنەمى كوكەيدەن كەتپەيتىن تاريحىمىزعا بايلانىستى باستى سۇراقتار وسى. وسىدان شامالى ۋاقىت بۇرىن “التىن وردانىڭ 750 جىلدىعىن” اتاپ وتەمىز دەگەن ءسوز ەستىلگەن. سوعان مەن تاڭعالدىم. جوشىنىڭ ۇلكەنى باتىي 1239- جىلى بۇكىل رۋس كنيازدىكتەرىن، كيەۆتى، شىعىس ەۋروپانى جاۋلاپ العاننان كەيىن 1240-جىلى سارايشىقتا التىن وردا مەملەكەتىن قۇرعان. بۇل ورىس تاريحىندا دا، باسقا ەلدەردىڭ تاريحىندا دا جازىلعان، وشپەيتىن، وزگەرمەيتىن تاريح. ياعني، التىن وردانىڭ قۇرىلعانىنا 750 جىل ەمەس، 780 جىل. ال، جوشى حانعا كەلەتىن بولساق، ول قازاق تاريحىنىڭ باسىندا تۇرعان ءۇلى حان. ولاي دەيتىن سەبەبىمىز 1219-1220- جىلى سىرداريادان

  • جاپونياعا جازىلعان حات

    Eldes Orda بۇل كىسىنىڭ اتى ماقمۇت مۇحيدي. شىڭجاڭ ولكەسىنىڭ تۇرپان ايماعىندا تۋعان. اعايىندى ءتورت مۇحيدي بولىپتى. اعاسى ماقسۇت مۇحيدي جاڭاشىل زيالى كىسى. تۇرپاندا جاديتتىك باعىتتا اعارتۋشىلىقپەن اينالىسقان. ماقمۇت بالا كەزىندە اعاسى اشقان جاديتتىك جۇيەمەن ءبىلىپ الىپتى، كەيىن ساۋدا بايلانىسىمەن ءۇرىمجى، شاۋەشەك، سەمەي، تاشكەن جانە ماسكەۋ، پەتەربۋر قالالارىن ارالاپتى. 20- عاسىر باسىنداعى الاش قوزعالىسى مەن تۇركىستاندىق قوزعالىس كوپ ىقپال ەتسە كەرەك، كەيىن تۇرپانعا كەلگەن بەتتە ۇلتتىق رۋحاني قۇندىلىقتاردىڭ جاندانۋىنا بارىنشا ەڭبەك ەتىپتى. سوڭىرا 1931- جىلى قوجانياز كوتەرىلىسىنە بەلسەندى اتسالىسىپ، كوتەرىلىستىڭ تۇرپانداعى ۇلت ليدەرىنە اينالدى. دۇڭعان ما جۋنگين ارمياسى مەن قوجانياز اراسى بۇلىنگەن سوڭ ءوز اسكەرىن باستاپ اتى شاھارعا اتتانعان جانە قاشقار قالاسىندا قۇرىلعان ۇلتتىق رەسپۋبيليكانىڭ باس قوماندانى بولعان. قوجانياز ولكەلىك ۇكىمەت

  • اقش-سوۆەت قاتىناستارىنداعى شىڭجاڭ ولكەسى

    سۇگىرەتتەرگە قىسقاشا تۇسىنىكتەمە: ءبىرىنشى سۇگىرەتتە، اقش-تىڭ شىڭجاڭ ولكەسىندەگى تۇڭعىش وكىلەتتى باس ەلشىسى ەدموند كلاب جانە ديحۋا قالاسىنداعى ء(ۇرىمجى) اقش كونسۋلىنىڭ الدى تۇسىرىلگەن. ۋاقتى، 1943- جىلدىڭ ءساۋىر ايى.  ەكىنشى سۇگىرەت، اقش ۇكىمەتىنىڭ شىڭجاڭ ولكەسىندەگى وكىلەتتى ەلشىسى جون حالل پاكستون مىرزا(1946′دان سوڭ ەلشى بولدى).  ءۇشىنشى سۇگىرەت، شىڭجاڭ ولكەسىنىڭ ساياسي، اكىمشىلىك ورتالىعى ديحۋا قالاسىندا ء(ۇرىمجى) ورنالاسقان اقش كونسۋلدىعى. كونسۋل الدىندا تۇرعاندار ج. پاكستون جانە زايىبى.  ءتورتىنشى سۇگىرەت، 1946-جىلدىڭ قاراشا ايىندا ديحۋاداعى اقش كونسۋلى الدىندا تۇسىرىلگەن. ارتقى قاتار وڭنان ءتورتىنشى ادام جون حالل پاكستون. پاكستون اقشتىڭ شىڭجاڭ ولكەسىندەگى وكىلەتتى ەلشىسى بولىپ تاعايىندالعان كەزى. 1941-42 جىلدان كەيىن شىڭجاڭ ولكەسىندە كىلت وزگەرىستەر باستالدى. ولكەنىڭ سىرتقى ساياسي ديپلوماتياداعى باعىتى وزگەرىپ جاتتى. سوۆەت-شىڭجاڭ قاتىناستارى جول ايرىققا كەلىپ ءتۇيلىستى.

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: