|  |  |  | 

Köz qaras Sayasat Swhbattar

“Älsiregen” Reseydiñ Donbasstı basıp aluğa küşi jete me? Severodoneck şayqası qalay jalğaspaq? Sarapşıdan swradıq


Franciyanıñ Ukraina äskerine bergen qaruı. 2022 jıldıñ mausımı.

Franciyanıñ Ukraina äskerine bergen qaruı. 2022 jıldıñ mausımı.

Qazir Ukrainanıñ şığısındağı Severodoneck qalası üşin keskilesken şayqas jürip jatır. Ukraina tarabı Reseydiñ Severodoneckige jasap jatqan artilleriyalıq şabuılına toytarıs beru qiın bolıp twrğanın moyındaydı. Biraq reseylikterdiñ Severodoneckige tolıq baqılau ornatpağanı da aytılıp jatır.

Qazir Batıs elderi Kievti qaru-jaraqpen qamtamasız etip jatqanımen, Ukraina biligi Resey äskerinen basım tüsu üşin mıqtı jäne köp qaru kerek dep otır. Jaqında AQŞ Ukrainağa raketa atatın artilleriyalıq M142 (HIMARS) qaruın, Wlıbritaniya artilleriyalıq M270 qaruın jiberetinin mälimdegen.

Ukraina prezidenti Vladimir Zelenskiy “Severodoneck şayqası Donbass aymağınıñ tağdırın şeşui mümkin” dep mälimdegen. Ukraina şığısındağı soğıs qalay jalğasadı? Resey Severodoneckini alsa şayqas qay bağıtqa bwrıladı? Ukraina Resey basıp alğan aumaqtarın qaytara ala ma?

Azattıq osı swraqtar töñireginde Vaşingtondağı soğıstı zertteu institutınıñ (ISW) sarapşısı Djordj Barrospen swhbattastı.

Azattıq: Qazir Ukraina men Resey arasındağı soğıstıñ negizgi şayqası Severodoneckide jürip jatır. Bwl soğıs endi qalay jalğasuı mümkin? Jwrt Severodoneck şayqası turalı ne bilui kerek?

Djordj Barros: Kreml' Severodoneck üşin şayqastı basımdıqqa aynaldırıp, Ukrainanıñ basqa aymaqtarın qazirgi josparınan şığarıp tastadı.

Djordj Barros

Djordj Barros

Bir qızığı, soğıs bastalğalı Kreml'diñ maqsattarı azayıp keledi. 24 aqpanda Putin soğıs aşqanda Kievti jäne basqa da iri qalalardı alıp, qısqa uaqıtta el biligin auıstırudı közdegen edi. Biraq bwğan qol jetkize almadı.

Odan keyin säuirde Resey sırtqı ister ministri Sergey Lavrov “arnayı operaciyalarınıñ” maqsatı Doneck pen Lugansk oblıstarın basıp alu ekenin ayttı. Bir qızığı, bir jarım ay köleminde orıstar Doneck oblısında da aytarlıqtay jetistikke jete almadı da, Lugansk oblısına, Severodoneckige bet bwrdı. Biraq bwl maydan şebinde de Resey köp jetistikke jete almay jatır.

Resey josparın qayta-qayta özgertip, birneşe künde ya birneşe aptada belgili bir qalanıñ ne auıldıñ bir böligine ğana baqılau ornatıp jatır. Bwl reseylikterdiñ äli de älsiz bolıp twrğanın körsetedi.

Vaşingtondağı soğıstı zertteu institutınıñ qazirgi bağalauı boyınşa, eger Resey Severodoneck qalasına tolıq baqılau ornatsa, onda Lugansk oblısın basıp aluğa köşedi. Bwl Resey basqınşılığınıñ kul'minaciyası bolıp, olar küşterin qalpına keltiru üşin üzilis aluı mümkin. Sebebi Resey basıp alğan jerlerin wstap twru üşin de küş kerek. Al bwl twsta Putin atıstı toqtatatının jariyalauğa tırısuı mümkin.

Biraq osı twsta “Resey Lugansk oblısın tolıq basıp aluğa küşi jete me?” degen swraq tuındaydı. Soltüstik Doneck özeniniñ soltüstik jağasındağı Severodoneck – Ukrainanıñ Lugansk oblısındağı eñ soñğı äri eñ mañızdı poziciyası. Resey bwl qalanı basıp alsa, özenniñ kelesi jağasındağı Lisiçansk qalasına jetui tiis. Ukraina Lisiçansk qalasında da qorğanısqa dayın otır.

Lisiçansk joğarıda ornalasqan, sondıqtan reseylikterde bwl qalağa şabuıldau geografiyalıq twrğıdan qiın boladı. Sebebi bwl soğısta Resey äskeri üşin özennen ötu jäne qala işinde şayqas jürgizu qiınğa soğıp jatır.

 

Ukraina tankisi. Severodoneck, 8 mausım 2022 jıl.

Ukraina tankisi. Severodoneck, 8 mausım 2022 jıl.

Azattıq: Resey äskeri alğa qoyğan maqsatına jete almay jatır dediñiz. Biraq olar küşterin jinap, keybir jerlerdi basıp aldı. Resey qazirge deyin basıp alğan jerlerdi saqtap qala ala ma?

Djordj Barros: Qazir “Ukraina qarımta şabuılğa şığıp, Resey soğıs bastalğalı basıp alğan aumaqtarın qaytara ala ma?” degen bastı swraq bolıp twr.

Men bılay aytar edim, qazirge deyin Ukrainanıñ Resey basıp alğan aumaqtarın qaytarıp aluğa qauqarlı ekenin körgen joqpın. Kiev mañayındağı, Har'kovtıñ soltüstigindegi jerlerdi Ukraina äskeri qaytarıp aldı dep jatır ğoy, biraq köp jağdayda bwl jerlerden Resey äskeri şığıp ketti.

Meniñşe, qazirge deyingi soğıstan şıqqan twjırım, Reseyge jaña aumaqtardı basıp alğannan göri baqılau ornatqan jerdi wstap twru oñay. Al Ukraina üşin Resey basıp alğan aymaqtı qaytarudan göri basqa aumaqtarın qorğau oñay bolıp twr.

Resey Ukrainanıñ oñtüstiginde basıp alğan aumaqtardı wzaq uaqıt wstap twru üşin jağday jasap jatır. Ukraina tarabı da Resey bwl jerlerdi bermes üşin äreket etip jatır dep aytıp otır.

Azattıq: Demek Resey Ukrainada basıp alğan jerdi saqtap qaluğa qauqarlı dep oylaysız ğoy?

Djordj Barros: “Ketken jerdi qaytaru qiın” dep kesip aytqım kelmeydi. Biraq, aytarım, Ukraina Reseyge ketken jerlerin qaytaru üşin şayqasta bwrın körsetpegen mümkindikterin paş etui tiis.

Azattıq: Siz äskerlerdiñ älsiregenin meñzediñiz. Soğıs qay jerge jetti? Aldağı aptada ne boluı mümkin?

Djordj Barros: Meniñşe, şeşuşi faktor Batıs elderiniñ Ukrainağa qanşa jäne qanday qaru beretinine baylanıstı bolmaq. Türli kömek pen qaru berip jatır, bwl da jaqsı. Biraq Resey keybir maydan şebinde Ukraina küşterin keri iterip tastadı äri äskerin jabdıqtap jatır. Sondıqtan Ukrainağa alıstı közdeytin, Reseydiñ logistikalıq şebin qiratatın qaru-jaraq kerek.

Sondıqtan Putin osığan deyingi jetistikterin nığaytpas üşin Batıstıñ äskeri kömegi şeşuşi faktor boladı dep oylaymın.

Swhbat ağılşın tilinen audarıldı.

Azat Europa / Azattıq radiosı

Related Articles

  • Ministrlik Sarışağanda zenit raketası bölimşeleriniñ wrıs atıstarı ötkenin habarladı

    Sarışağandağı äue şabuılınan qorğanıs jattığuı. Qazaqstan qorğanıs ministrligi taratqan suret. Aqpan, 2023 jıl.  Qazaqstan qorğanıs ministrligi 2 aqpanda Resey jalğa alğan Sarışağan poligonında äue qorğanıs küşteriniñ zenit raketası bölimşeleri wrıs atısı qimıldarın ötkizgenin habarladı. Jattığudıñ negizgi maqsatı “jeke qwramnıñ äskeri jäne azamattıq infraqwrılım nısandarına jasalğan äue şabuıldarına toytarıs beru dayındığın tekseru” dep aytıladı. Qorğanıs ministrliginiñ habarlauınşa, “qoldanıstağı qazirgi zamanğı zenit raketası keşenderi cifrlıq radiolokaciyalıq stanciyalarmen jabdıqtalğan”. Ministrliktiñ habarlamasında raketa keşeniniñ atı atalmaydı. Alayda habarlamadan reseylik “Buk” keşeni sınalıp jatqanı bayqaladı. Aqparatqa qarağanda, radiolokaciyalıq barlau qızmeti “wşaq jäne raketatektes” drondardı anıqtağannan keyin jauıngerler dayın emes poziciyalarğa jıljığan. “Keşender öristetilip, şarttı qarsılastıñ qwraldarı joyılğan”. “Zamanaui zenit raketası keşenderiniñ kömegimen biz naqtı uaqıt rejiminde

  • “Ukrain bolsam, orıstardıñ şabuıldağanın küter edim”. Lourens Fridmanmen swhbat

    Vaja TAVBERIDZE “Qazir Putin üşin Ukrainanı memleket retinde joyıp jiberu mañızdı siyaqtı” deydi Wlıbritaniya tarihşısı Lourens Fridman. Surette: Resey prezidenti Vladimir Putin (ortada) qorğanıs ministri Sergey Şoygu (oñ jaqta) men bas ştab jetekşisi Valeriy Gerasimovtıñ ortasında twr. Wlıbritaniya tarihşısı Lourens Fridman halıqaralıq qatınastar, sırtqı sayasat pen strategiya taqırıbın zertteydi. Ol qırğiqabaq soğıs, yadrolıq teketires, Ukrainadağı soğıstıñ şığu tarihı men barısı turalı akademiyalıq eñbekter jazğan. Azattıqtıñ Gruzin qızmeti tarihşımen söylesip, taraptardıñ jeñiske jetu jäne Putinniñ yadrolıq qaru qoldanu ıqtimaldığı turalı söylesti.  Ser Lourens Fridman bükil ömirin soğıs pen diplomatiyanı zertteuge arnağan. Britan tarihşısı halıqaralıq qatınastar, sırtqı sayasat jäne strategiya bağıtında zertteuler jürgizedi. Qırğiqabaq soğıs, yadrolıq teketires, äskeri operaciya jürgizu sayasatı turalı

  • Tarihşı: Batıs Sibir – bayırğı qazaq jeri. Köşim han – wlttıq batırımız! 

    Abılay MAUDANOV Qostanaylıq ğalım Sibir jerin orıs patşalığınan bwrın qazaq ruları igergenin kitap qılıp bastırmaq, dep habarlaydı Express Qazaqstan. Tarih ğılımdarınıñ doktorı Amanjol Küzembaywlınıñ esimi ğılımi ortada keñinen tanımal. Ol ünemi “Täuelsiz el öz tarihın özindik közqarası twrğınan qarap, taldap, bağa beru kerek” degen wstanımdı aytıp keledi. Qostanaylıq tarihşı birneşe jıl bwrın ülken bir jobanı qolğa aldı. Büginde ol wlı Erkin Äbilmen birge “Altın Ordanıñ Batıs Sibir wlısı: etno-sayasi tarihı” attı eñbek jazıp jatır. Bwl kitap aldağı jılı (orıs tilinde) jarıq körmek. Mwnda qazirgi Qazaqstannıñ şekarasınan tıs qalğan bayırğı qazaq jeri men rularınıñ köptegen tarihı qamtıladı.Express Qazaqstan tilşisi ğalımdı osı taqırıpta sözge tartıp, äñgimelesken edi. Batıs Sibir — bizdiñ bayırğı

  • Soğıs jaqın arada ayaqtala ma? Resey wzaq soğısqa dayın ba? Amerikalıq sarapşılarmen swhbat

    Radio Svoboda Ukrain sarbazdarı Soledar tübindegi maydanda, Doneck oblısı. 11 qañtar 2023 jıl. Biıl soğıs wzaqqa sozılıp, qos tarap tağı da teñ tüse me? Ukrainamen wzaq teketireste Reseydiñ jeñiske mümkindigi bar ma? Birinşi Düniejüzilik soğısqa qarap, Ukrainadağı soğıs barısın boljauğa bola ma? Azattıqtıñ Orıs qızmeti (Radio Svoboda) bwl saualdardı amerikalıq sarapşılar – Indiana universitetiniñ ekonomisi Mihail Alekseevpen jäne Seton-Holl universitetiniñ tarihşısı Nataniel Naytpen talqıladı.  Soğıstı ayaqtamay, Ukrainanıñ diñkesin qwrtu. Amerikalıq birneşe sarapşı Reseydiñ scenariin osılay bağaladı. Olar biıl Ukrainadağı soğıs qalay jüretinin boljap, Vaşingtondı soğıs jaqın arada ayaqtaladı dep kütpeuge şaqırdı. AQŞ-tıñ NATO-dağı bwrınğı ökili Ivo Daadler men Vaşingtondağı Amerikalıq universitettiñ sayasattanuşısı Djeyms Goldgeyer Foreign Affairs jurnalına “Batıs elderi Reseymen wzaq kikiljiñge dayın

  • Amerika generalı Ben Hodjes: Resey Irannan dron aladı, al Ukrainağa 50 el kömektesip jatır

    Vaja TAVBERIDZE Resey raketası tüsken Dneprdegi köpqabattı twrğın üy. 14 qañtar 2023 jıl. AQŞ armiyasınıñ otstavkadağı generalı Ben Hodjes Azattıqqa bergen swhbatında Resey äskeriniñ jüyesiz qimıldap jatqanın atap ötip, Batıstıñ jaña qaru-jarağı Ukrainağa soğıstı qalay özgertuge mümkindik beretinin ayttı. Otstavkadağı general Ben Hodjes 2014-2017 jıldarı AQŞ-tıñ Europadağı qwrlıq äskerin basqarğan. Qazir Vaşingtondağı Europa sayasatın taldau ortalığınıñ strategiyalıq zertteuler kafedrasına jetekşilik etedi. General Azattıqtıñ Gruzin qızmetine swhbatında Ukrainağa jaña äskeri tehnika jetkizu soğıs barısın özgertuge qalay kömektesetinin aytıp, Resey operaciyasında jüye joğın tüsindirdi. Azattıq: Ukrainanıñ Bahmut jäne Soledar qalaları “Vagner” jaldamalı äskeriniñ üzdiksiz şabuılına wşırap otır. Eldiñ şığısındağı Bahmuttı alu nege sonşa mañızdı? «Vagner» tobınıñ basşısı Evgeniy Prigojin Bahmutta qanday nätijege

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: