Çuncindegi kezdesu
kerey.kz
Tarihi suret
Uaqıtı: 28 tamız 1945 j.;
Orını: Çuncin (重慶) q-sı;
Tüsinikteme: Tarihi surette AQŞ-tıñ qıtaydağı ökiletti elşisi Patrik Herli jäne Qıtay prezidenti Çan Kayşi men QKP törağası Mao.
Çuncindegi kezdesu kezinde dialogqa kele bastağan qıtaylıq partiya ökilderi alpauıt el AQŞ pen Sovet Odağınıñ “qıtay sayasatın” jaña dağdarısqa äkeldi. Köriniste azamattıq soğıstı toqtatıp bükilqıtaylıq mäseleni şeşu bolğanımen ülken qastandıqtıñ bası sodan bastaldı.
Alpauıt taraptar qıtay kartasın özgertetin jaña dialogtardı qızu talqılap jatqanda Şığıs Türkistan aumağında bir uaqıtta üş birdey uaqıtşa ükimet ömir sürdi. Olar:
Birinşi, otstavkadağı Şen Şicay klanı;
Ekinşi, Vu Çjunsinnıñ uaqıtşa ükimeti;
Üşinşi, Şığıs Türkistan uaqıtşa ükimeti.
AQŞ-tıñ qıtaydağı ökiletti elşisi Patrik Herli Şığıs Türkistan aumağın nazarğa ala otırıp AQŞ-tıñ Ürimjidegi ökiletti konsulına jäne konsuldıq sırtqı barlau qızmetine arnayı tapsırma berdi. Sonıñ negizinde AQŞ-tıñ resmi ökilderi Altay, Şäueşek jäne İle men Erenqabırğa aymaqtarın erkin aralap aymaqtanu jäne äleumettanu twrğısınan köp zertteu jürgizdi.
Osı is-qimıl ayasında CIA-dıñ Şığıs Türkistan turalı aqparattıq bazası qalıptastı. AQŞ jurnalisteri men sırtqı barlau qızmeti mamandarı aymaqtardı jasırın aralap aqparat jinadı jäne strategiyalı saraptamalar jasadı. Aldağı uaqıtta CIA materialdarın sizderge jariyalaytın bolamın.
Sol materialdardıñ işinde AQŞ-tıñ qıtaydağı ökiletti elşisi Patrik Herlidiñ özi dayındağan raport qwjattarı da bar. Ol materialdarda P.Herli Şığıs Türkistan wlt-azattıq qozğalısın köbirek nazarğa ala otırıp är is-qimıldı barınşa ob'ektivti taldap otırğan. Sonımen birge Ürimjiden jetkizilgen aqparattıq derekterdiñ bazasın dayındap Sovet Odağınıñ aymaqtağı köñil küyin tekserip AQŞ twrğısınan ne isteu kerektigin naqtılaytın pikirler berip otırğan.
Eldes ORDA
13.02.2024
Pikir qaldıru