Apple ابايسىزدا جاڭا iPhone-ءنىڭ سۋرەتىن جاريالادى (فوتو)
Apple كومپانياسىنىڭ سايتىندا ساۋساق تاڭبالارى سكانەرىمەن جابدىقتالعان iPhone 5c-ءتىڭ سۋرەتى جاريالاندى. مۇنداي قۇرىلعىنى كومپانيا بۇرىن-سوڭدى جاريالاماعان ەدى. الايدا، كەيىننەن ينتەرنەت-پاراقشاداعى سۋرەت ءوشىرىلىپ تاستالعان. بۇل تۋرالى ريا «نوۆوستي» حابارلادى.
«Apple كومپانياسى ءالى ساتىلىمعا شىقپاعان جاڭا سمارتفوننىڭ سۋرەتىن كەزدەيسوق جاريالاۋى مۇمكىن»، – دەپ جازادى The Guardian باسىلىمى. كومپانيا سايتىندا پايدا بولعان سۋرەتتە بىرقاتار سمارتفونعا سايكەس كەلەتىن قوندىرعى ستانسالار بەينەلەنگەن. جاريالانعان جاڭا ءونىم سۋرەتتەرىنىڭ بىرىندە (Touch ID) ساۋساق تاڭبالارى سكانەرىمەن جابدىقتالعان iPhone 5c-كە ۇقساس قۇرىلعى بولعان. كەيىن Apple بۇل سۋرەتتى جاي iPhone 5c-پەن الماستىرىپ قويدى.
Apple-ءنىڭ جاڭا سمارتفونى رەسمي تۇردە تانىستىرىلعان جوق. iPhone 6 پايدا بولعاننان كەيىن ماماندار iPhone 5c-ءتىڭ جاڭا نۇسقاسى بولا الاتىن اسا قىمبات ەمەس سمارتفون شىعۋى مۇمكىن دەپ بولجاعان ەدى. ول iPhone 6c دەپ اتالادى دەگەن بولجامدار دا ايتىلدى.
ۇلىبريتانيا گازەتىنىڭ جازۋىنا قاراعاندا، ءدال وسى قۇرىلعىنىڭ سۋرەتى كومپانيا سايتىندا ابايسىزدا جۇكتەلۋى مۇمكىن. جاڭارتىلعان 5س-ءتى كومپانيا وسى جىلدىڭ قىركۇيەگىندە كوپكە ۇسىنادى دەپ جوسپارلانىپ وتىر. جاڭا سمارتفوننىڭ ەكرانى 4-ديۋيم بولۋى مۇمكىن. سەبەبى، ەكرانى 4,7 ديۋيم iPhone 6 كوپتىڭ بارىنە بىردەي ىڭعايلى بولماعان ەدى.
Apple كومپانياسىنىڭ 2014-2015 جىلداردىڭ 1-جارتىجىلدىقتاعى تازا تابىسى 35,6 پايىزعا وسكەنىن ايتا كەتەيىك.
egemen.kz
پىكىر قالدىرۋ