جاھان جاڭالىقتارى زۋقا باتىر 150 جىل تۇلعالار قازاق حاندىعىنا 550 جىل
الاش ارداگەرى زۋقا باتىردىڭ 150 جىلدىق مەرەي تويى اۋستريانىڭ استاناسى ۆەنا قالاسىندا اتالىپ ءوتتى
الاش ارداگەرى زۋقا باتىردىڭ 150 جىلدىق مەرەي تويى ، ءساۋىدىڭ 16-ءسى اۋستريانىڭ استاناسى ۆەنا قالاسىنداعى قازاقستان ەلشىلىگىندە، قازاقستان ۇكىمەتىنىڭ ، قازاقستاننىڭ ۆەناداعى ەلشىسى، حالىقارالىق ۇيىمدار جانىنداعى تۇراقتى وكىلى قايرات سارىبايدىڭ بەلسەندى تۇردە اتسالىسۋىمەن رەسمي تۇردە باستالدى.
قازاق حالقىنىڭ تاۋەلسىزدىگى جولىندا شاھيت بولعان قاجى زۋقا باتىردىڭ 150 جىلدىق مەرەي تويىنىڭ ۆەنا قالاسىندا باستالۋى بۇكىل قازاق بالاسى ءۇشىن ۇلكەن ابىروي بولدى.
تويعا قازاقستاننىڭ ەلشىلىك قىزمەتكەرلەرى، ەۋروپاداعى قازاق دياسپارا وكىلدەرى، ۆەناداعى حالىقارالىق ءۇيىمدار وكىلدەرى، ۆەنا قالاسىنداعى وقىپ جاتقان قازاق جاستارى، جەگىلىكتى تۇعىندار مەن باتىر اتا ۇرپاقتارى قاتىستى.
ەلشى قايرات سارىباي ءوز سوزىندە، زۋقا باتىردىڭ ۇلت ازاتتىق جولىنداعى كۇرەسىن، جەتىم-جەسىرلەر مەن كەدەي-كەپشىكتەرگە پانا بولعان ادامگەرشىلىگىن اتاپ ءوتتى. زۋقا باتىرداي قازاق ءۇشىن جان بەرگەن ەسىل ەرلەردىڭ كۇرەسى ارقىلى قازاقستان تاۋەلسىزدىككە قول جەتكىزگەنىن ايتتى. زۋقا باتىردىڭ 150 جىلدىق مەرەي تويىن ءوزى جەتەكشىلىك ەتەتىن ەلشىلىكتە وزكىزىلۋىن ماقتان تۇتاتىنىندا كەلتىردى جانە تاۋەلسىز قازاق ەلىن ماڭگىلىك ەلگە اينالدىرۋ جولىندا بارلىق قازاق تىزە قوسا كۇش جۇمساۋ مىندەتىمىز دەدى.
ناۋرىز مەرەكەسىمەن بىرگە وتكىزىلىپ جاتقان مەرەي تويعا قازاقستانداعى زۋقا باتىردىڭ 150 جىلدىق مەرەي تويىن وتكىزۋ القا مۇشەلەرى مەن زۋقا باتىر ۇرپاقتارىنادا شاقىرتۋ قاعازدار جىبەرىلدى.
جۇماباي ءمادىبايۇلى
پىكىر قالدىرۋ