kerey.kz TV جاھان جاڭالىقتارى سپورت شوۋ-بيزنيس
قانات يسلام 21-كەزدەسۋىندە جەڭىسكە جەتتى(ۆيدەو)
31 جاستاعى قازاقستاندىق كاسىپقوي بوكسشى قانات يسلام اقش-تىڭ فلوريدا شتاتىنداعى لەيكلەند قالاسىندا وتكىزگەن 21-كەزدەسۋىن دە جەڭىسپەن اياقتادى.
بۇل جولى ول كولۋمبيالىق بوكسشى حۋان دە انحەلدى التىنشى راۋندتا تەحنيكالىق نوكاۋنتپەن ۇتتى.
قانات يسلام وسىمەن 18 كەزدەسۋىن مەرزىمىنەن بۇرىن اياقتادى. ول كاسىپقوي بوكسقا اۋىسقالى رينگتە باسەكەلەسىنە جەڭىلىپ كورگەن ەمەس.
قانات يسلام وسى جەڭىسىنەن كەيىن WBA Fedelatin نۇسقاسى بويىنشا امەريكا ايماعى چەمپيونى اتاعىن قورعاپ قالدى. بۇل ونىڭ كاسىپقوي رينگتە قول جەتكىزگەن العاشقى جانە ازىرشە جالعىز بەلدىگى.
31 جاستاعى قازاقستاندىق كاسىپقوي بوكسشى قانات يسلام اقش-تىڭ فلوريدا شتاتىنداعى لەيكلەند قالاسىندا وتكىزگەن 21-كەزدەسۋىن دە جەڭىسپەن اياقتادى.
التىنشى راۋندتا اياقتالعان كەزدەسۋ
بۇل جولعى جەكپە-جەكتىڭ العاشقى ءۇش راۋندىندا قانات يسلام مەن حۋان دە انحەل ءبىر-ءبىرىنىڭ رينگتەگى قيمىل-تاسىلدەرىن بايىپتاپ، ارقايسىسى باسەكەلەسىنە بىرنەشە سوققى دارىتىپ ۇلگەردى. ال ءتورتىنشى راۋندتان باستاپ قانات يسلام سوققىلارىن ۇدەتە باستادى. بەسىنشى راۋندتا حۋان دە انحەل قازاق بوكسشىسىنىڭ سەريالى سوققىلارىنان قورعانۋمەن بولدى. رينگ جيەگىندەگى ءۇش تورەشىنىڭ دە ەسەبى بويىنشا بەس راۋند قورىتىندىسى بويىنشا قانات يسلام العا شىقتى.
التىنشى راۋندتا يسلامنىڭ كەزەكتى سوققىسىنان كەيىن انحەل رينگكە تىزەرلەپ وتىرىپ قالعان سوڭ تورەشى ساناي باستاعان. بىراق كولۋمبيالىق بوكسشى جەكپە-جەكتى جالعاستىرۋعا دايىن ەكەنىن ءبىلدىرىپ باسىن يزەپ، قارسىلاسىنا قايتا ۇمىتىلدى.
سول-اق ەكەن، قانات يسلام شاپشاڭ قيمىلداپ، باسەكەلەسىنە بىرنەشە سوققى جاسادى. كولۋمبيالىق سپورتشى باۋىر تۇسىن ۇستاپ تاعى دا وتىرىپ قالدى. وسى ساتتە تورەشى ون راۋندقا جوسپارلانعان كەزدەسۋدىڭ اياقتالعانى تۋرالى بەلگى بەردى.
كاسىپقوي رينگتەگى 21-كەزدەسۋىندە جەڭىسكە جەتكەن قانات يسلام قازاقستانداعى جانكۇيەرلەرىنە العىسىن ءبىلدىرىپ، «قازاقستان – قازاق ەلى تىنىش بولسىن» دەگەن تىلەگىن ءبىلدىردى.
«قازاق» دەگەن لاقاپ اتپەن تانىمال قانات يسلام وسىمەن 18 جەكپە-جەكتى مەرزىمىنەن بۇرىن اياقتادى. قانات يسلامنىڭ بۇل كەزدەسۋى امەريكالىق جانە قازاقستاندىق تەلەارنالاردا تىكەلەي ەفيردە كورسەتىلدى.
ماماندار پىكىرى
قانات يسلام وسى جەڭىسىنەن كەيىن WBA Fedelatin نۇسقاسى بويىنشا امەريكا ايماعى چەمپيونى اتاعىن قورعاپ قالدى. بۇل ونىڭ كاسىپقوي رينگتە قول جەتكىزگەن العاشقى جانە ازىرشە جالعىز بەلدىگى.
حۋان دە انحەلمەن رينگتە كەزدەسەر الدىندا امەريكالىق بوكس مەنەدجەرى گەنري ريۆالتا قانات يسلام تۋرالى:
– قانات ءوز ءومىرىن بوكسپەن بايلانىستىرعان – سپورت زالدا اس ءىشىپ، سوندا تۇنەيتىن بوكسشى. ول تاكتيك جانە ءار سوققىسى جويقىن، – دەگەن.
قانات يسلامنىڭ پروۋموۋتەرى كىشى نەلسون لوپەس «قازىر قازاقستاندا GGG (گەننادي گولوۆكين) تۋرالى كوپ ايتادى. ەندىگى كەزەك – قانات يسلامدىكى» دەيدى.
قىتايدا تۋعان ەتنيكالىق قازاق قانات يسلام وسى ەلدىڭ اتىنان پەكين وليمپياداسىنا قاتىسىپ، قولا جۇلدەگەر اتانعان. كوپ ۇزاماي قازاقستانعا قونىس اۋدارعان. ول 2012 جىلعى لوندون وليمپياداسىنا قازاقستان اتىنان قاتىسپاق بولعان كەزدە ازاماتتىق-قۇقىقتىق داۋ تۋعان سوڭ كاسىپقوي بوكسقا بەت بۇرعان. كەيىن ماياميگە (اقش) بارىپ، كىشى نەلسون لوپەستىڭ پروۋموۋتەرلىك كومپانياسىمەن كەلىسىم-شارتقا وتىرعان. قازىر قانات يسلامنىڭ بارلىق كەلىسىمىن وسى كومپانيا ۇيىمداستىرىپ ءجۇر.
قانات يسلام بۇنىڭ الدىندا 20-كەزدەسۋىن 2015 جىلى 7 قاراشادا ماياميدە وتكىزىپ، دجوناتان باتيستانى (دومينيكان رەسپۋبليكاسى) ءبىرىنشى راۋندتا نوكاۋتپەن جەڭگەن.
ازات ەۋروپا / ازاتتىق راديوسى
پىكىر قالدىرۋ