kerey.kz TV Jahan jañalıqtarı Sport Şou-biznis
Qanat Islam 21-kezdesuinde jeñiske jetti(VIDEO)
31 jastağı qazaqstandıq käsipqoy boksşı Qanat Islam AQŞ-tıñ Florida ştatındağı Leyklend qalasında ötkizgen 21-kezdesuin de jeñispen ayaqtadı.
Bwl jolı ol kolumbiyalıq boksşı Huan de Anhel'di altınşı raundta tehnikalıq nokauntpen wttı.
Qanat Islam osımen 18 kezdesuin merziminen bwrın ayaqtadı. Ol käsipqoy boksqa auısqalı ringte bäsekelesine jeñilip körgen emes.
Qanat Islam osı jeñisinen keyin WBA Fedelatin nwsqası boyınşa Amerika aymağı çempionı atağın qorğap qaldı. Bwl onıñ käsipqoy ringte qol jetkizgen alğaşqı jäne äzirşe jalğız beldigi.
31 jastağı qazaqstandıq käsipqoy boksşı Qanat Islam AQŞ-tıñ Florida ştatındağı Leyklend qalasında ötkizgen 21-kezdesuin de jeñispen ayaqtadı.
ALTINŞI RAUNDTA AYAQTALĞAN KEZDESU
Bwl jolğı jekpe-jektiñ alğaşqı üş raundında Qanat Islam men Huan de Anhel' bir-biriniñ ringtegi qimıl-täsilderin bayıptap, ärqaysısı bäsekelesine birneşe soqqı darıtıp ülgerdi. Al törtinşi raundtan bastap Qanat Islam soqqıların üdete bastadı. Besinşi raundta Huan de Anhel' qazaq boksşısınıñ seriyalı soqqılarınan qorğanumen boldı. Ring jiegindegi üş töreşiniñ de esebi boyınşa bes raund qorıtındısı boyınşa Qanat Islam alğa şıqtı.
Altınşı raundta Islamnıñ kezekti soqqısınan keyin Anhel' ringke tizerlep otırıp qalğan soñ töreşi sanay bastağan. Biraq kolumbiyalıq boksşı jekpe-jekti jalğastıruğa dayın ekenin bildirip basın izep, qarsılasına qayta wmıtıldı.
Sol-aq eken, Qanat Islam şapşañ qimıldap, bäsekelesine birneşe soqqı jasadı. Kolumbiyalıq sportşı bauır twsın wstap tağı da otırıp qaldı. Osı sätte töreşi on raundqa josparlanğan kezdesudiñ ayaqtalğanı turalı belgi berdi.
Käsipqoy ringtegi 21-kezdesuinde jeñiske jetken Qanat Islam Qazaqstandağı janküyerlerine alğısın bildirip, «Qazaqstan – Qazaq eli tınış bolsın» degen tilegin bildirdi.
«Qazaq» degen laqap atpen tanımal Qanat Islam osımen 18 jekpe-jekti merziminen bwrın ayaqtadı. Qanat Islamnıñ bwl kezdesui amerikalıq jäne qazaqstandıq telearnalarda tikeley efirde körsetildi.
MAMANDAR PİKİRİ
Qanat Islam osı jeñisinen keyin WBA Fedelatin nwsqası boyınşa Amerika aymağı çempionı atağın qorğap qaldı. Bwl onıñ käsipqoy ringte qol jetkizgen alğaşqı jäne äzirşe jalğız beldigi.
Huan de Anhel'men ringte kezdeser aldında amerikalıq boks menedjeri Genri Rival'ta Qanat Islam turalı:
– Qanat öz ömirin bokspen baylanıstırğan – sport zalda as işip, sonda tüneytin boksşı. Ol taktik jäne är soqqısı joyqın, – degen.
Qanat Islamnıñ proumouteri kişi Nel'son Lopes «qazir Qazaqstanda GGG (Gennadiy Golovkin) turalı köp aytadı. Endigi kezek – Qanat Islamdiki» deydi.
Qıtayda tuğan etnikalıq qazaq Qanat Islam osı eldiñ atınan Pekin olimpiadasına qatısıp, qola jüldeger atanğan. Köp wzamay Qazaqstanğa qonıs audarğan. Ol 2012 jılğı London olimpiadasına Qazaqstan atınan qatıspaq bolğan kezde azamattıq-qwqıqtıq dau tuğan soñ käsipqoy boksqa bet bwrğan. Keyin Mayamige (AQŞ) barıp, kişi Nel'son Lopestiñ proumouterlik kompaniyasımen kelisim-şartqa otırğan. Qazir Qanat Islamnıñ barlıq kelisimin osı kompaniya wyımdastırıp jür.
Qanat Islam bwnıñ aldında 20-kezdesuin 2015 jılı 7 qaraşada Mayamide ötkizip, Djonatan Batistanı (Dominikan Respublikası) birinşi raundta nokautpen jeñgen.
Azat Europa / Azattıq radiosı
Pikir qaldıru