جاڭالىقتار سۋرەتتەر سويلەيدى تاريح تۇلعالار قازاق شەجىرەسى
استانادا «وتان قورعاۋشىلار» مونۋمەنتىنە سالتاناتتى گۇل قويۋ ءراسىمى ءوتتى
شاراعا قر پرەمەر-ءمينيسترى كارىم ءماسىموۆ، قر پارلامەنتى سەناتىنىڭ توراعاسى قاسىم-جومارت توقاەۆ، قر پارلامەنتى ءماجىلىسىنىڭ توراعاسى باقتىقوجا ىزمۇحامبەتوۆ، قر مەملەكەتتىك حاتشىسى گۇلشارا ابدىقالىقوۆا، قر قورعانىس ءمينيسترى يمانعالي تاسماعامبەتوۆ، سوعىس جانە ەڭبەك ارداگەرلەرى، مەملەكەتتىك ورگان باسشىلارى، سونداي-اق، ۇلى وتان سوعىسىندا قازا بولعان قازاقستاندىقتاردى ەسكە الۋ ءۇشىن جينالعان ەلوردا تۇرعىندارى مەنقوناقتارى قاتىستى.
«بۇگىن مەرەكەلىك شاراعا ۇلى وتان سوعىسىنىڭ 45 قاتىسۋشىسى قۇرمەتتى قوناق رەتىندە قاتىستى. اۋا-رايىنىڭ قولايسىزدىعىنا قاراماستان ارداگەرلەردىڭ كوڭىل-كۇيى كوتەرىڭكى. وكىنىشكە وراي، جىلدان-جىلعا ولاردىڭ سانى ازايىپ بارادى. ارداگەر اتالارىمىزعا دەنساۋلىق تىلەيمىن. بالالارى مەن نەمەرە، شوبەرەلەرىنىڭ ورتاسىندا امان-ەسەن جۇرسە ەكەن دەيمىن» – دەپ اتاپ ءوتتى استانا قالاسى قورعانىس ىستەرى جونىندەگى دەپارتامەنتى باستىعىنىڭ ورىنباسارى باحتيار پەرنەبەكوۆ.
بۇل كۇنى «وتان قورعاۋشىلار» ەسكەرتكىشىنە 1 500-گە جۋىق گۇل شوقتارى قويىلدى. گۇل قويۋ ءراسىمى قر مەملەكەتتىك كۇزەت قىزمەتى پرەزيدەنتتىك وركەسترىنىڭ ورىنداۋىنداعى مۋزىكالىق شىعارمالارمەن سۇيەمەلدەندى. شارا قاتىسۋشىلارىنىڭ جۇزىنەن قۋانىش پەن تولقىنىس، ەرەكشە ماقتانىش سەزىمى بايقالىپ تۇردى. قان مايداندا ەرلىكپەن قازا بولعان وتانداستارىمىزدىڭ رۋحىنا تاعزىم جاسالىپ، ءبىر مينۋت ۇنسىزدىك جاريالاندى.قر قورعانىس مينيسترلىگى
پىكىر قالدىرۋ