Jañalıqtar Suretter söyleydi Tarih Twlğalar Qazaq şejiresi
Astanada «Otan qorğauşılar» monumentine saltanattı gül qoyu räsimi ötti
Şarağa QR Prem'er-Ministri Kärim Mäsimov, QR Parlamenti Senatınıñ törağası Qasım-Jomart Toqaev, QR Parlamenti Mäjilisiniñ törağası Baqtıqoja İzmwhambetov, QR Memlekettik hatşısı Gülşara Äbdiqalıqova, QR Qorğanıs ministri Imanğali Tasmağambetov, soğıs jäne eñbek ardagerleri, memlekettik organ basşıları, sonday-aq, Wlı Otan soğısında qaza bolğan qazaqstandıqtardı eske alu üşin jinalğan elorda twrğındarı menqonaqtarı qatıstı.
«Bügin merekelik şarağa Wlı otan soğısınıñ 45 qatısuşısı qwrmetti qonaq retinde qatıstı. Aua-rayınıñ qolaysızdığına qaramastan ardagerlerdiñ köñil-küyi köteriñki. Ökinişke oray, jıldan-jılğa olardıñ sanı azayıp baradı. Ardager atalarımızğa densaulıq tileymin. Balaları men nemere, şöbereleriniñ ortasında aman-esen jürse eken deymin» – dep atap ötti Astana qalası Qorğanıs isteri jönindegi departamenti bastığınıñ orınbasarı Bahtiyar Pernebekov.
Bwl küni «Otan qorğauşılar» eskertkişine 1 500-ge juıq gül şoqtarı qoyıldı. Gül qoyu räsimi QR Memlekettik küzet qızmeti Prezidenttik orkestriniñ orındauındağı muzıkalıq şığarmalarmen süyemeldendi. Şara qatısuşılarınıñ jüzinen quanış pen tolqınıs, erekşe maqtanış sezimi bayqalıp twrdı. Qan maydanda erlikpen qaza bolğan otandastarımızdıñ ruhına tağzım jasalıp, bir minut ünsizdik jariyalandı.QR Qorğanıs ministrligi
Pikir qaldıru