Jañalıqtar Tarih Twlğalar Qazaq handığına 550 jıl Ädebi älem
Almatıda Qazaqtıñ körnekti ğalımı Qayım Mwhamedhanovtıñ 100 jıldığına arnalğan saltanattı keş ötti
2016 jıldıñ 16 mamır küni keşte M.Äuezov atındağı qazaq memlekettik akademiyalıq drama teatrındağalım, abaytanuşı, aqın, QR memlekettik sıylığınıñ iegeri, qoğam qayratkeri Qayım Mwhamedhanovtıñ 100 jıldığına arnalğan saltanattı keş ötti.
Almatı qalası äkimdiginiñ wyımdastıruımen ötken keşke ziyalı qauım ökilderi, ädebietşiler men öner maytalmandarı qatıstı.
Mereytoylıq koncerttiñ bastalu sözin Almatı qalası mädeniet basqarma basşısınıñ mindetin atqaruşı
Ötelbaywlı Ğalımjan Almatı qalasınıñ äkimi Bauırjan BAYBEKtiñ qwttıqtau sözin jetkiziumen bastadı.
Aqın Şömişbay Sarievtıñ Qayım Mwhamedhanovtıñ 100 jıldıq mereytoyına arnau öleñi, Qayım Mwhamedhanovqa arnalğan «Jan ağa» äni, Qayım Mwhamedhanovtıñ «Jambıl» attı dastanına üzindi orındaldı. Keşte sonday-aq, Abaydıñ äni «Ayttım sälem, Qalamqas», Şäkärimniñ äni «Än turalı», Halıq äni «Ahau, Semey!», «Jerim meniñ» jäne t.b. el, tuğan jerge arnalğan änder şırqaldı.
Qayım Mwhamedhanov (Ğabdulqayım) (1916-2004) 5 qañtarda Şığıs Qazaqstan oblısı Semey qalasında tuğan.
Qayım Mwhamedhanov ğalım, abaytanudı ğılımi negizdeuşi, äri alğaşqı tekstologı, wstaz, aqın, jazuşı, dramaturg. Şäkärimtanudıñ negizin qalauşı. Qazaq KSR Gimniniñ avtorı, KSRO Jazuşılar odağınıñ müşesi, ädebi audarmaşı, Semeyde Abaydıñ mwrajayın wyımdastıruşısı. Qazaqstannıñ Memlekettik sıylığınıñ, Jazuşılar odağı sıylığınıñ, Halıqaralıq «Alaş» ädebi sıylığınıñ jäne Halıqaralıq Abay akademiyasınıñ (London) Altın medaliniñ iegeri, professor, KSRO jäne Qazaqstan halıq ağartu isiniñ üzdigi; Semey qalasınıñ, Ayagöz, Jañasemey, Abay audandarınıñ Qwrmetti azamatı; jariyalanğan 800-den asa ğılımi eñbektiñ avtorı. «Abaydıñ aqın şäkirtteri» attı tört kitaptan twratın jinaq qwrastırdı. «Abay» jurnalınıñ qayta jarıq köruine köp eñbek siñirdi. «Tolqın», «Maydannan maydanğa», «Er Bilisbay» p'esalarınıñ avtorı. Äzirbayjan dramaturgi U.Gadjibekovtıñ «Arşin mol alan», tatar jazuşısı Ş.Kamaldıñ «Qajı äpendi üylenedi» p'esaların qazaqşalağan. 1996 jılı «Abay» enciklopediyasın şığarudağı eñbegi üşin QR Memlekettik sıylığınıñ laureatı atandı. KSRO jäne Qazaq KSR ağartu isiniñ üzdigi. Semey qalasınıñ Qwrmetti azamatı. Abaydıñ düniejüzilik akademiyasınıñ altın medalimen marapattalğan.
Jwmabay Mädibaywlı
kerey.kz
Pikir qaldıru