AQŞ ökili Europanı Reseyge qarsı sankciyanı saqtauğa şaqırmaq
Vaşington Berlin men Parijge jwmsap otırğan AQŞ-tıñ arnayı ökili Adam Şubin «Reseyge qatıstı sankciyalıq qısımdı qoldaudıñ mañızdılığına» europalıq odaqtastardı köndiru üşin mausımnıñ 7-8 künderi Europağa saparmen baradı. Bwl turalı AQŞ qarjı ministrligi habarladı.
AQŞ qarjı ministriniñ terrorizmmen küres jäne qarjı barlauı jönindegi orınbasarı mindetin atqaruşı Adam Şubin qarjı jäne ekonomika ministrlikteriniñ joğarğı lauazımdı şeneunikterimen, sonımen birge diplomattarmen jäne europalıq jeke menşik bankter men qarjı mekemeleri ökilderimen kezdespekşi.
Mäskeu biligi Ukrainağa qatıstı «Minsk kelisimderin orındamayınşa» europalıq odaqtastardı Reseyge qarsı sankciyalardı qoldauğa şaqırumen birge Şubin Iranmen jasalğan yadrolıq kelisimniñ orındaluı turalı mäselelerdi jäne «Iranğa iek artatın terrorizmge jäne özge de iritki salatın is-äreketke qarsı küres boyınşa küş-jigerdi jalğastıru» jayın talqılaydı» delingen AQŞ qarjı ministrliginiñ habarlamasında.
Azat Europa / Azattıq radiosı
Pikir qaldıru