ازات ەۋروپا/ازاتتىق راديوسىنا توماس كەنت پرەزيدەنت بولدى
Associated Press (ار) اقپارات اگەنتىگىندە كوپتەگەن جىلدار قىزمەت ەتكەن مەديا-مەنەدجەر توماس كەنت ازات ەۋروپا/ازاتتىق راديوسىنىڭ پرەزيدەنتى بولىپ تاعايىندالدى.
توماس كەنت – كەزىندە ار اگەنتتىگىنىڭ ماسكەۋدەگى بيۋروسىن، حالىقارالىق اقپارات ءبولىمىن باسقارعان، باسقارۋشى رەداكتوردىڭ ورىنباسارى بولعان.
يەل ۋنيۆەرسيتەتىن بىتىرگەن كەنت اگەنتتىكتىڭ رەداكتسيالىق جانە تەحنيكالىق رەفورمالارىن جۇرگىزۋ ىسىنە، ستراتەگيالىق جوسپارلاۋ جۇمىستارىنا، جاڭا مۋلتيمەديالىق قىزمەتىن دامىتۋعا ارالاسقان.
توماس كەنت پۋليتتسەر سىيلىعى قازىلارى القاسىنىڭ قۇرامىندا بولعان. ول جۋرناليستيكا ەتيكاسى ماسەلەلەرىمەن اينالىسادى.
ازات ەۋروپا/ازاتتىق راديوسى – شىعىس جانە وڭتۇستىك-شىعىس ەۋروپا، كاۆكاز، ورتالىق جانە وڭتۇستىك ازيا ەلدەرى، تاياۋ شىعىس پەن رەسەيگە حابار تاراتاتىن حالىقارالىق بۇقارالىق اقپارات قۇرالى.
پىكىر قالدىرۋ