IWF Qazaqstan auır atletika qwramasın bir jılğa jarıstan şettetti
Halıqaralıq auır atletika federaciyası (IWF) Tbiliside ötken jiınında Qazaqstan, Resey jäne Belarus' auır atletika qwramaların bir jılğa jarıstardan şettetu turalı şeşim şığardı.
IWF saytında 22 mausımda jariyalanğan mälimdemede bir jıldıq sporttan şettetu qay uaqıttan bastalatını naqtı körsetilmegen. Wyım irikteu kezinde birneşe märte doping sınağınan öte almağan qwramalardıñ Rio-de-Janeyro olimpiadasına alğan joldamaların qısqartu turalı şeşim qabıldağan. Qazaqstan qwramasınıñ bir erler sayısındağı, bir äyelder sayısındağı, jalpı sanı eki joldaması qısqarğan. Qazaqstannıñ auır atletika qwramasıdoping dauına deyin olimpiadanıñ 10 joldamasına qol jetkizip twrğan edi. Doping sınağınan öte almay joldama joğaltqan özge qwramalardıñ işinde Äzerbayjan (1 er, 1 äyel), Belarus' (1 er), Moldova (2 er), Özbekstan (1 äyel), Resey (1 er, 1 äyel), Rumıniya (1 er) men Soltüstik Koreya (1 er, 1 äyel) bar.
Halıqaralıq auır atletika federaciyası osığan deyin Il'ya Il'inniñ Pekin men Londondağı olimpiada oyındarı kezinde alınğan sınamalarınan doping tabılğanın mälimdegen.
Il'inge qosa Londonda altın alğan Zülfiya Çinşanlo, Maya Maneza men Svetlana Podobedovanıñ da sınamaları oñ nätije bergen. Bwl tört atlet qazir uaqıtşa jarıstarğa qatısudan şettetilgen.
Al Qazaqstan wlttıq olimpiada komiteti sportşınıñ medalin qaytarıp beru jäne Rio olimpiadasına qatısu mäselesi 27 mausımda Halıqaralıq olimpiada komitetiniñ tärtip keñesinde şeşiletinin aytqan.
Azat Europa / Azattıq radiosı
Pikir qaldıru