ءسىم: ستامبۋلدا قازاقستاندىقتار زارداپ شەكپەگەنى انىقتالىپ جاتىر
ستامبۋلدىڭ اتاتۇرىك اۋەجايىندا بولعان جارىلىستاردا قازا تاپقاندار مەن جارالانعاندار اراسىندا الدىن الا مالىمەتتەر بويىنشا قازاقستان ازاماتتارى جوق دەپ حابارلادى ازاتتىققا قازاقستان سىرتقى ىستەر مينيسترلىگىنىڭ رەسمي وكىلى ءانۋار جايناقوۆ.
“قازىرگە دەيىن الدىن الا مالىمەتتەر بويىنشا قازا تاپقاندار مەن جارالانعاندار اراسىندا قازاقستاندىقتار جوق. ءالى انىقتاپ جاتىرمىز” دەدى جايناقوۆ.
28 ماۋسىم كۇنى كەشكە اتاتۇرىك اۋەجايىندا ءۇش جانكەشتى اۋەجايدىڭ باقىلاۋ-وتكىزۋ بەكەتى جانىندا پوليتسيامەن اتىسىپ، بىرەۋى تەرمينالداعى ادامدارعا اۆتوماتتان جاپپاي وق اتىپ، سوسىن وزدەرىن جارىپ جىبەرگەن. شابۋىلداردان سوڭعى مالىمەت بويىنشا 36 ادام قازا تاۋىپ، 140-تان استام جارالانعان.
ازات ەۋروپا / ازاتتىق راديوسى
پىكىر قالدىرۋ