Reseylik aqparat qwraldarı Türkiya prezidentiniñ sözin türlendirip jibergen.
Erdoğannıñ Putinnen keşirim swrağanı turalı aqparattıñ şındıqqa janaspaytının Türkiyanıñ resmi ökili Ibragim Qalın habarladı – dep jazadı Hurriyet Daily News basılımı.
– Putinge jazğan hatında Erdoğan «I am sorry” (Ökiniş bildiremin) dedi, al “I apologize” (Keşirim swraymın) dep mülde aytpağan, – deydi resmi ökil.
Onıñ aytuınşa, keşirim swrau men ötemaqı töleu mäselesi talqılanbaydı da.
«Onıñ üstine biz orın alğan jağdayğa ökiniş bildiretinimizdi habarlağanbız. Bizdiñ poziciyamız äuelden anıq. Bizdiñ äue keñistigimizdi bwzğan wşaqtı atıp qwlattıq», – deydi Qalın.
Onıñ pikirinşe, halıqaralıq hat-habar almasuda «I am sorry» jäne «I apologize» sözderin bir mağınada tüsinuge bolmaydı.
«I am sorry» sözi «ökiniş bildiremin» degen mağınanı bildiredi. Alayda ökiniş bildirgen taraptıñ kinäli boluı mindetti emes. Al «I apologize» degen söz öziniñ äreketine keşirim swrağan adamdı bildiredi, – deydi resmi ökil.
Ayta ketelik, bwdan bwrın birqatar reseylik aqparat qwraldarı Türkiya prezidenti Rejep Tayıp Erdoğannıñ reseylik Su-24 pilotınıñ qazasına qatıstı Resey prezidenti Putinnen keşirim swrağanın habarlağan bolatın.
365info.kz
Pikir qaldıru